اوطان الدمار🖤

جزء بلا عنوان 39

كرار:
فتحت عيوني النهار طالع وجع بجسمي وتعب شديد مو منها ابد تعبي.... هي نسمه باردة بصيف حار تمر ...تعبي من ادوية وعقاقير تخلي حصان ينهد اخذتها بس حتى لا اذيها لا يجي ابوها ببالي اريدها بس هي ..زيدت جرعتي البارحه كلش هوايه حتى اكدر اخذ جرعه منها مو هي هم تنحسب علاج الي...مقابيلي واكفه كدام المرايا ما منتبهة لعيون تتلصص لكل قطعه بيها ...بقوامها الجميل وطولها الحلو واكفه و تسرح بشعرها اللي واصل لانحناءاتها اللي اعشقها هالمنطقة وحدها دمار...بنت ال ...على هالقوام مدري شعرها هذا الذهب مدري شمس نهارنا اللي اشعتها دا تدخل من الشباك اللي بجانبها...اريد اكوم احظنها اكسر ضلوعها 

التفتت ولمحتني كاعد واجتني وهي تمشي مبتسمه ومن خلفها اشعة الشمس تتسلل ...احلى صورة لاحلى فتاة ...جمالها اغريقي مميز حواجب مرسومه بقلم الهي وعيون وساع سود شفايف مرسومات رسم مع امتلاء قليل ..يخلون المقابل غصب عن اهله يفكر بالتقبيل ...اقتربت واني ما اريد قربها هسه اخاف عليها مني اخاف تثور اعصابي بلحظة حلوة وانحرم منها بعدين

كعدت يمي عالسرير ومدت ايدها لوجهي وهي تضحك
-حبيبي يلا كوم كافي نوم ...بس ردت اصحيك ما تصحى ...ضجت واني وحدي بالغرفة ...امي تريد تجي ودا اجل جيتهن
سكتت وغمضت عيوني وهي ما تسكت

-يلا حبيبي
-انزلي انت اريد انام

-شلون يصير غير ننزل سويه حبيبي وكافي نوم فاتت ساعه عشره ...شنو انت تنام لوقت متأخر تره اني ما احب هيج يلا كوم كرار كافي كسل 

جرت ايدي تكعدني وصار اللي ما اريده نهرتها بقسوتي المعهودة ..زعلت وراحت بعيد كعدت على كرسي المرايا وبقت مدنكه وما ادري شنو يمكن دا تبجي ...لا ابد مستحيل هاي مو راويه هسه ليش تبجي وتعذبني هيج ...يا ربي الصبر
وكفت ورحت اراضيها

-حبيبتي يلا راح افوت اسبح وانت انتظريني ننزل سويه
-ما يحتاج انزل وحدي اصلا ماما اجتي دزت رساله
تقربت وهي كاعده اخذت راسها وحظنتها 

-راويه كلت الج شكد احبج اني
-واضح كلش
-هاااا ما تصدكين يعني؟شلون تحبين اثبت الج
-ما ادري والاثبات ما ينطلب تره انت لازم تبين هالحب
-اسف

-ما صار شي ..عادي تعودت
وكفت دا تطلع وجريتها رجعتها
-وين رايحه..وشنو تعودتي راويه لا تسوين هيج
-انزل لامي

-دقيقة وننزل سويه بس اسبح
-يلا انتظرك ..رجعت كعدت بس من غير واهس ووجهها مغيم واني بقيت ما اكدر اتركها هيج
رفعت راسها الي بعد مده واني بنفس موقعي ما تحركت

-شنووو؟؟
-انت اللي شنو مو اني ..فكيها راويه
-وشمسويتلك هسه اني

-وجهج انكلب واني ما اريد هيج
-شتريد يعني ...تريدني اتحمل منك اذيه واضحك وانت ما تتحمل مني حتى الكلام الحلو ..تريدني اتحمل وجهك اللي كل وين يلا يفك ووانت اذا ابتسم بوجهك تقابلني بتجهم وعصبية وجر وهيج تأذيني شتريد
كعدت يمها وجريت ايديها الي قيدتهن واخذت شفافها بوستها بشغف اريد اصلح مواقفي وادري ما تتصلح هيج بس ما اعرف اتصرف وياها..هي تقاوم تريد تفلت وبالاخير استسلمت لبوساتي بس مجبورة وما بادلتني واني اتخبل من الحكران كل شي ولا تحكرني وهي سوتها قبل بعد ما ارضى تسويها عصرت خصرها بكفي قوي واسمعها تأن وما ترضى تتنازل