شَمـسُ وَطني

البارت الخامس عشر

كاعده واباوع عليه واحجي بيني وبين روحي

ام عبد: يمه مو بعد وكت من هسه نشووي؟
ابو وطن: لا يمه خلي هسه نتحضر علمود على راحتنا منستعجل
ام عبد: بكيفك وليدي

جان ديحرك الفحم والشيخ عثمان واسعد ديشيشون واني والحجيه كاعدين بصفحه نتفرج عليهم
كتلني الفضول اروح اشووي وياهم كمت ولزمت كارتونه جانت بالكاع وكمت اهفي على النار صد عليه ابو وطن وعاط بيه كال
ابو وطن: هاي شداتسووين روحب كعدي يولو
شمس: دخليني احب اشوي اني هم
ابو وطن: بويه روحي كعدي لاتحتركين
شمس: يااااا هيج شايفني ترفه
ابو وطن: لا مبين من الياااا انج مو ترفه
شمس: هااا بدينا حتبدي تصنف على حجيي!
ابو وطن: ابويه ابقي اشوي بس سكتي ادري لسان لو شنو
شمس: ويييه لتحجي عليه
ام عبد: يداده شكد تتناكرون
اسعد: هههههههه والله حاسس بس اخيتي شمس حتكدر على ابو وطن
ابو وطن: خسه تكدر على ابو وطن حرمه
باوعت عليه هوا هم باوع عليه رفعتله حاجبي ابتسم واندار
بقينا نشوي هوا يحط الشياش واني اهفي وكلشويا مو قصدا واحد يطخ الخ يعني ايدي اطخ بيده او جتفي ينطخ بصدره وبسرعه نوخر اباوع على الحجيه دتباوع علينه وتبتسم ومدري شون نظره تباوع علينه مفتهمتها ابد..
خطيه ابو وطن شويا وحترك من الحر نزع الدشداشه وبقى بس بالفانيله ربع ردن وشورت استحيت شويا واكف يمي وهيج لابس اني هم احتركت من الحر ردت انزع الحجاب مديت ايدي اباوع على ابو وطن ديخزر بيه خوفني بسرعه وخرتها ماردت اعانده مدري ليش
اباوع عليه وجها صار احمر جانت بيدي الكارتونه انداريت عليه وكمت اهفيلا كام يضحك وكال

ابو وطن: هاي شداتسوين
شمس: مو شفتك صار وجهك احمر من الحر كلت شويا ابردك
ابو وطن: اول مره تسوين شي براسه خير
شمس: والقراان مو صوجك
ابو وطن: اسف يول اسف
خلصنا طبينا للمطبخ
اسعد: يولو اليوم اختكم شمس جانت داتساعدنا
زيد: هاهيه لعد اليوم حنام بالمستشفى
شمس: ههههههههههههههههه اسكت لك
ضحكت والكل ضحك على ضحكتي باوعت على ابو وطن ديباوع عليه ويخزرني سكتت راسا
رحنا كعدنا اجا كعد وهمس بأذني
ابو وطن: مو تحسين ضحكتج اهواي عاليه؟
شمس: يعني مثلا شسوي اني هيج اضحك
ابو وطن: حاولي من تضحكين شويا يكون عندج انوثه بضحكتج
شمس: والله عاد اني هيج اضحك وراح ابقى هيج وعندي انوثه غصبا عنك
كام يخزرني يمكن لوما الكل كاعد جان بلعني واني هم اهواي ضجت منا ونهضمت من حجيه شنو لازم الانوثه تنقاس بالضحك واصلا الشخص من يضحك الضحكه تطلع من الگلب يعني مايكدر يتحكم بيها
شويا وكام من الاكل بنتر عرفت بيه تعصب مني
ام عبد: يمه وين ما اكلت شي
ابو وطن: شبعت من رخصتكم

خلصنا وغسلت المواعين اني وزهراء وخلصت ترخصت منهم وصعدت فوك لغرفتي شتميت ريحة هدومي كلها ريحة نار وفحم كلت خلي اطب اسبح
حضرتلي دشداشه مشتريتها جديده لونها احمر
طبيت سبحت وغسلت هدومي الجنت لابستهم ولبست الدشداشه جانت حصر عليه وضيكه كلت يلا مبيا حيل انزعها هسه هيا باللبس حتكبر
طلعت للسطح حتى انشر هدومي خلصت طبيت على غرفتي عندي روب طويل لبسته ولبست حجاب وكعدت اصلي
شويا وما احس الا اندفس الباب الغرفه فريت واني وكاعده عالسجاده طب ابو وطن وعيونه ناار مبين عليه متعصب كمت ابلعم من شكله كمت تعدلت وكتله
شمس: ششكوو شبييك ليش هيج طبيييت افررض جنت دابدللل
ابو وطن: شجنتي داتسووين بالسسطح
شمس: جنت دانشر هدومي
ابو وطن: واني مو كابل ماكو طلعه للسطح
شمس: بلي بس وين انشر هدومي وبعدين كلامك مو منزل حتى اسمعه
اجا تقرب عليه واني ارجع لي ورا مد ايده وضربني جف مرتب ولزم ايدي ولواها وحجا بعصبيه
ابو وطن: انتي على شنو نافخه ريشح وشايفع روحج هااااا
شمس: مو نافخه ريشي ولا شايفه روحي بس ميحتاج اسمع كلامك وهددد ايدييي
بقى يعصر بيدي واني اتلوه من الوجع وادفع بي بس هوا اضخم مني
ابو وطن: زمااله اني هسه بحسبة رجلج وانتي مجبوره تسمعين كلامي
شمس: بالاسسسسسم بس لاتننننسى وهددد ايديييي ووخر عنيييي
ابو وطن: حتى لووووو تبقييين بأسمييي والكل هسه عررفت انتي زوجتييييي وعود من ينفسخ العقد هذاك الوكت امشي على حل شعرج
شمس: وكل هذا بس علمود صعدت للسطح
كلت هيج وهذا بسرعه مد ايده عالروب وفتحه
ابو وطن: هذاااا صخاااااان ينلبس وينعصصد بيي عالسطططح جسمممج كلا طااالع والف مره كتلج الحجااااااب وييييييينه تريدييين تندكييييت انتي جاوبيييي كايلج بيييت المقابيلنا بي زللللم طابه طااالعه شنو داتراوييين للناس جسممممج
شمس: احتررررم نفسسسك ولتتجاوووز واشحدك تمد ايدك عليه مره الخ
جرني من شعري حيل وبقى يهز بيا ويعيط
ابو وطن: لج لاتختبريييييت صبرييي اطكج واطك الاكبر منج ما خااااايف منج بعدج متعرفييييت ابو وطن منهوووو
شمس: ماااعرفه ولا اريييد اعرفه ووخر عني وهد شعريييي يممممممه يمممه وووخرررر
على صوت عياطاتنا اجو التمو علينا احت الحجيه وفكت ايده مني شعري ووكفت بنصنا
ام عبد: يمه شجاااااك على البنيه هدها عااد
ابو وطن: خلي هيا دكلج شجااني والا بس تكدر تطلع مفرعه للسطووح
شمس: احترررررم نفسسسك تجاوزت اهواااي
ام عبد: يمه شهل حجي عيييب شكاعد دكول
ابو وطن: معلييييكم زوجتي واني حررر بيها عسى ما اموتهااا
شمس: كتلك بالاسم بس لتعيييييش الدوووور باحلااامك اصييير الك مرره وزوجه
ابو وطن: بس خلي الللزمج غير اسوي من دمج عصيير والله
هوا يعيط واني اعيط ويتقرب عليه يريد يلزمني واني اروح خلف الحجيه يمكن لوما الحجيه جان موتني خلاص من الانفعال والعصبيه الي صايره بيه
اسعد: بويه تعال وستهدي بالله اطلع خلي نفتهم شصاير ماتنحل بالطك والعياطات
اخذه الاخ اسعد وطلعو والحجيه طلعت الكل بقيت اني والحجيه وزهراء بس
بقيت ابجي واشهك وزهراء حاضنتني
ام عبد: يمه بس اهدي وفهمينا بالهداويه شصار
شمس: ي يمه يمه وووالله م ممسسوويت شييي
ام عبد: خلص خلص اهدي وارتاحي بعدين نحجي
بقيت ابجي واشهك بهستيريا
ام عبد: بسج يايمه بسج اني هسه اجي زهراء ابقي يمها
زهراء: اي يمه ماعوفها