شَمـسُ وَطني

البارت الرابع والعشرين

رحت للغرفه دكيت الباب وطبيت لكيت ابو وطن والحجيه كاعدين سوا والحجيه منزله راسها رفعتهم عيونها حمرررر وشكلها باجيه وابو وطن مسطول
شمس: يمه شكو شبيج
احجي وياهم ميردون عليه والحجيه وجها مطمني ابدد كام ابو وطن وطلعني من الغرفه
شمس: ايهااب شكوو
ابو وطن: ماكو شي حبيبي
شمس: لعد شبيها الحجيه
ابو وطن: بنيتي كتلج ماكو شي
عافني وراح صعد فوك گلبي انعصصررر مدري ليش فتحت شويا الباب مالغرفة الحجيه بدون ماتنتبه عليه حاطه شالها على عيونها وداتبجي گلبي انمسك حاه اكو شي بسرعه طفرت لفوك صعدت وطبيت لغرفة ابو وطن جان ديبدل بسرعه خليت ايديه على عيوني محان لابس تيشرت
ابو وطن: ها يولو شتريدين
شمس: خلصت؟
ابو وطن: اي خلصت
وخرت ايديه ورحت يما
شمس: ايهااب فهمني شبيها الحجيه شو كاعده وداتبجي
ابو وطن: يبووو شمس لتلحين كتلج مبيها شي
شمس: لعد ليش داتبجي!
ابو وطن: يجوز اذكرت عبد اني شمدريني
مشط شعره وطلع بقيت اصفن وفكره تجيبني وفكره توديني ياربييييي هسه شدايصييير اريد افهم حتى ابو وطن وجها مدري شونه حسيته بي شي
نزلت جانو محضرين الريوك وكعدنا ناكل بس لا الحجيه ولا الشيخ عثمان اجو يتريكون ولا حتى ابو وطن مدري شبيهم
رحت للاستقبال جان ابو وطن كاعد وديصفن بالكاع رحت يما
شمس: ايهااب كوم تريك
ابو وطن: حبيبي والله ماشتهي
شمس: هسه غييرر تفهموني شبييكم
ابو وطن: ماكو شي حبيبي
شمس: لعد ليش كلكم ما اجيتو تتريكون
ابو وطن: هسه ليش تضلين تفكريين
شمس: لعد كوم اكل
ابو وطن: يابه ديلا كومي
شمس: يعني حتجي تتريك؟
ابو وطن: انتي مو هيج تردين
شمس: اي اي يلا حبيبي كوم

بزور اخذته من ايده ووديتا للمطبخ
كعدنا ناكل بس عم علينا الصمت محد حجا شي اباوع على ابو وطن صافن بالصحن وديودي ويجيب بالخياره
همستله
شمس: حبيبي دكل
ابو وطن: تنهد وكال... حاضر حبيبي داكل
حسيت الوجوه كلها وراها شي بس اني مثل الاطرش بالزفه
خلصت كمت لميت وياهم خلصنا صعدت لغرفتي بقيت احوص معرف ارريد اعرف شبيهم ليش كلهم ضايجين واحس گلبي مقبووووض فد مره كتدت اللهي روحي بتعزيل غرفتي فوك الساعه ونص اني بقيت اعزلها وهدومي كلشويا اطلعهم وارجع اصفطهم من جديد بس اريد اللهي روي بشي
تمددت وخليت الهدفون بأذاني وكعدت اسمع قران ماحسيت الا غفيت
كعدت باوعت عالساعه جانت 6 اويلييي هاي شنو طبيت غسلت وجهي ونزلت البيت هدوووء احس بزور داحر النفس مدري ليش لكيت بس الاء كاعده بالاستقبال
شمس: الا وينهم شو ماكو احد مو من عادتهم لي هسه نايمين
الاء: لا منايمين
شمس: لعد؟!
الاء: ابو وطن والحجيه راحو لبغداد والرياجيل بالمضيف والنسوان بغرفهم
شمس: شنووو يمتا راح ابو وطن والحجيه لغداد؟؟؟!
الاء: ساعه 12 هيج
شمس: ولييش
الاء: مادري
شمس: عليج الله الاء لويش راحو؟
الاد: وداعت فجر مادري

طلعت من يمها احس زااد عندي التوتر مدري ليش هنا حسيت خلاص اكو شي ومخبيين عليه
بسرعه صعدت لغرفتة زهراء دكيت الباب وطبيت لكيتها نايمه ماحبيت اكعدها رحت لغرفتي بقيت احوص واحوص اروح واجي بغرفتي واكل بظافيري ودماغي حيوكف من التفكيير
شويا وصار وكت العشه نزلت اساعدهم بس حسيت نصهم مجانو مرتاحين بقيت بالمطبخ كاعده عالكرسي شويا ونزلت زهراء واجت عليه
زهراء: ها خبال شبيج
شمس: وج زهراء حموت
زهراء: اوك
شمس: وج ابو وطن والحجيه لويش راحو لبغداد
زهراء: مادري كالو عدهم فاتحه
شمس: فاتحه مالمن؟
زهراء:.....
دتحجي زهراء وبسرعه كالت خاله سعديه
سعديه: يمه وحده جانت صديقة الحجيه
شمس: اهااا من هيج جانت الصبح ضايجه
سعديه: اي يمه