الصباح صحيت مرح قلت ليها امشي غسلي وشك وتعالي عايزة اتكلم معاك قالت لي كويس مشت غسلت وجات قالت لي عايزاني لشنو قلت ليها انتي معتبراني اختك صاح قالت لي اي قلت ليها بعيدا عن خالد واي زول تاني قالت لي اها قلت ليها انتي عاجبك البتعملي فيهو ده انا عارفاها حرية شخصية بس عايزة انصحك عاجبك لبسك الضيق ولا اسكرتيك القرب للركبة ولا شعرك الفاكاهو الغاشي والماشي شايفو قالت لي ما شايفة نفسي غلطانة قلت ليها لا انتي غلطانة وكزولة واعية مفروض براك تعملي كده بدون نصيحة وما عارفة كل شعيرة بجميرة قالت لي انتي واقفة مع خالد ؟قلت ليها أنا ما واقفة مع اي زول وفكري في كلامي ده وحتلقيهو صاح وخالد كان خايف عليك وفي نفس الوقت غار اتصرفي بحكمة وتاني انتي حرة 😘 قالت لي كويس،،، وبالمناسبة خالد قال ليك اتصلي ليهو قال هو ما عايز ازعجك اتصلي واتفاهمو ا وانا ماشة بره قالت لي ما بضرب ولا حاجة قلت ليها براحتك وطلعت وشلت معاي تلفوني ،، دخلت الواتس لقيت 100 رسالة من خالد عامل إعادة توجيه للرسمة وبسأل الرسمها منو والباقيات مرح صحت ، ليه ما ضربت لي ، وهي كيف رديت قلت ليهو رسمتك مرح البرسمك منو غيرها 😒 انا لو بعرف ارسم ما حأرسم زول شين زيك قال لي شكرا من زوقك يا سجم قلت ليهو العفو،، والظاهر مرح ما اتصلت ليك قال لي صحت يعني قلت ليهو اي قال لي خلاص حأتصل عليك انتي واديني ليها لانو لي ساعة بتصل عليها وما بترد قلت ليهو تمام طلعت فوق اديتها التلفون كانت ما عايزة تتكلم بعد مسافة حتى ردت عليهو قال ليها كيفك قالت ليهو تمام قال ليها زعلانة لحدي اسي قالت ليهو لا قال ليها مرح ما تختصريني لو ما عايزة تتكلمي معاي وريني عديل مافي داعي للحركات دي قالت ليهو اي وقفلت الخط في وشو قلت ليها الولد ده شكلو بحبك قالت لي وانا أعمل ليهو شنو قلت ليها مرح ده خالد مااا جادة يلا قالت لي وشنو يعني خالد قلت ليها انتي ما واعية بتقولي في شنو وهو ما غلطان والله وقلت ليك فكري فيها قالت لي ارح نمشي السوق قلت ليها فجأة كده قالت لي اي لبسنا عبايات وطلعنا اشترت كمية طرح وتلاتة عبايات واشترت لي عباية وقالت لي تاني ما عايزة حاجة قلت ليها عايني محل الهدايا داك حلو كيف ارح نمشي نشوف سااي دخلنا المحل كان روعة وشفتها بتعاين لهدية رجالية كمجموعة فيها ساعة وقلم وريحة وسبحة إلكترونية وكرافت قلت ليها بتشبه خالد مش قالت لي لا بس عجبتني وحأشتريها احتفظ بيها لنفسي قلت ليها كويس والله رجعنا الداخلية وجهزنا لبساتنا لقيت رسالة من السمندر قال لي الايام دي مالك ما ظاهرة قلت ليهو مافي موضوع في الواتس عشان كده ما بدخل كتير قال لي اعملي ليك موضوع قلت ليهو أن شاء الله وعلى فكرة خلصت الكتب والروايات كلها قال لي انجزتي قلت ليهو بحب القراية جداً 💗 قال لي اها في تطور أو بالأصح قدرتي تكتبي قلت ليهو قول شخبطتي قال لي ممكن ترسليهو قلت ليهو حاضر رسلت ليهو -"ماذا لو لم نلتقي ،لم نتحدث ، لم نتورط بما يسمى التعلق ، حتما لم يكن الالم سيقطن قلبي "- قال لي -" نحن من نأتي بالألم ونفسح له المجال ويسري في كامل الجسد ليس القلب فقط "- قلت ليهو ماشاء الله قال لي انا المفروض اقول ليك كده قلت ليهو ده تحفيز مش قال لي دي شهادة مني بس 💗قلت ليهو يلا تصبح على خير يا المجهول قال لي ههههه اصبري بس مصيرك حتعرفيني 😂 قلت ليهو كووويس ،،، نمت بدون ما اشعر وصحيت بدري لقيت مرح بتشخر مشيت جبت كباية موية من التلاجة كبيتها فيها ما خلت نبذ ما نبذتني بيهو قلت ليها قومي المحاضرة حتفوتنا قالت لي تقومي نجيلة 😂 جهزنا لي الجامعة مرح لبست عباية سودا واسبورت اسود وطرحة سودا قلت ليها حادة على منو قالت لي على خالد المرحوم قلت ليها بعد الشر يا جزمة مشينا الحرس قالت لينا سبحان مغير الاحوال قلت ليها من حال الى حال وعقبالك 😒 ما ردت علي لكن الكلام حرقها وماشين على القاعة وسامعة الناس بتهامسو دي الغنت مع الولد مرح قالت لي يا ملك انا حالياً حاسة بالفخامة وانا ماشة معاك وما عارفة شعورك انتي شنو احساس ماشة مع واحدة مشهورة 😂 قلت ليها مرح انطمي لقينا خالد و يوسف قدام باب القاعة سلمت عليهم ومرح طوالي دخلت القاعة يوسف قال لي بعد تطلعي عايزك في موضوع ضروري قلت ليهو خير قال لي كل الخير بس اوعك تمشي وعندكم كم محاضرة قلت ليهو اتنين ورا بعض 💔 قال لي تمام بستناك نحنا عندنا محاضرة واحدة قلت ليهو خلاص ظريف نتلاقى دخلنا انا وخالد لقيت مرح قاعدة براها خالد اتقدم وقعد جنبها قلت ليهو وانا اقعد ليك وين 🐸 قال لي ضاقت يعني القاعة كبيرة والبنشات كلها فاضية قلت ليهو ماشي يا خالد ود محمد والله الليلة اوريك حاجة 🐣 قعدت وراهم طوالي وخالد بقى بتكلم مع مرح وبعتذر ليها قلت ليها ما يغشك ده واحد تافه ساي اوعك تقبلي اعتذارو قال لي حشرية قلت ليهو هو انت شفت حاجة قلت ليها مرح قومي تعالي جنبي عايزة تقوم كده خالد مسكها قال ليها اموت ولا تمشي مني قلت ليهو حينا انا 🐸 خلاص يا مروح الولد حيموت جاء قعد جنبي ولد كده ما بعرفو من دفعتنا بقى يتكلم معاي وما اشتغلت بيهو مسك يدي قال لي لي سافهاني كده الا اغني ليك يعني قلت ليهو قوم من جنبي قال لي ما اظن القاعة حقت زول خالد أتلفت علي قال لي في حاجة قلت ليهو اي واشرت ليهو على يدي الماسكها الولد قال ليهو يا حبيبنا شنو الحركات دي قال ليهو خليك مع الجنبك خالد هااج وقلب القاعة دي كلها قال ليهو احسن ليك تتأدب قبل اادبك انا وقال لي قومي اقعدي جنب مرح هنا وأدى الولد كف وقعد ورانا انا جسمي كلو برد عاينت ليهو لقيت عيونو شرار بعد ساعة حتى الدكتور جاء اسمو محمد اتكلم كلام كتير بالانجليزي مرح قالت لي فهمتي حاجة قلت ليها يخربني 🐸✋ ادانا محاضرة واحدة قال عندو شغل مهم وقال حيعوضنا بكرة يعني تلاتة محاضرات طلعنا من القاعة خالد قال لي اي زول يتصرف معاك تصرف ما بعجبك اوعك تسكتي ليهو سامعة وكان بتكلم بصوت عالي قلت ليهو كويس مرح قالت ليهو خالد براحة ما كده 💔 قال ليها ما عندك شغلة ومشى خلانا احترت في خالد وشخصيتو البتتقلب في ثانية تاني اتذكرت انو يوسف قال عايزني ونسيت اشيل رقمو رفعت رأسي لقيتو في وشي قلت ليهو والله ود حلال قال لي كنتي بتفكري فيني صاح 💗 قلت ليهو ما الافكار الفي رأسك 🐸 بس بالنسبة للموضوع قال لي ايواا خلاص امشي معاي وقلت لي مرح تستناني في الكفتريا ...
