حب هجرسي

الاخيررر

#حب_هجرسي_ج١
بقلم مريم الموسوي
تكملة ١٩_______٢١
الأخيرررراااات
ﺍﻧﺪﺍﺭ ﻭﺍﺣﺪ ﻣﻨﻬﻢ ﻋﻠﻰ ﺯﻭﺝ ﻋﻤﺘﻲ ﻛﻮﺍﻛﺐ
.. ﺷﺘﻜﻮﻝ ﺍﺑﻮ ﻗﺎﺳﻢ ﺗﻨﻄﻲ ﺍﻟﻤﺴﺘﻮﺭﻩ ﺑﻨﺘﻚ ﻟﻬﺎﺷﻢ ﻟﻮ ﻋﻨﺪﻙ ﺣﺠﻲ ﺛﺎﻧﻲ
ﻣﺎ ﺳﻤﻌﻨﻪ ﺷﻜﺎﻝ ﺯﻭﺝ ﻋﻤﺘﻲ ﻻﻥ ﺟﺎﻥ ﺑﻌﻴﺪ ﺑﺲ ﺍﻟﻈﺎﻫﺮ ﻛﺎﻟﻠﻬﻢ ﻭﺍﺑﻦ ﻋﻤﻬﺎ ﺍﺫﺍ ﻃﻠﻊ ﺷﻠﻮﻥ
ﻛﻠﻪ ﺷﻴﺦ ﻋﺸﻴﺮﺗﻬﻢ
.. ﺍﻧﻲ ﺑﻨﺖ ﺍﺑﻨﻲ ﻣﺤﺴﻦ ﻫﺎﺩﻳﻬﺎ ﻟﻌﻘﻴﻞ ﺍﺑﻦ ﺍﺧﻮﻙ ﺍﺫﺍ ﻃﻠﻊ ﺑﺴﻼﻣﻪ ﻭﺑﻨﺘﻚ ﺍﻟﻤﺤﺮﻭﺳﻪ ﻻﺑﻦ ﺧﺎﻟﻬﺎ ﻫﺎﺷﻢ ﻭﺧﻠﻲ ﺍﻟﺴﺎﻟﻔﻪ ﺗﻔﺾ ﻋﻠﻰ ﺧﻴﺮ ﻭﻛﻮﻣﻮﺍ ﺗﺮﺍﺿﻮﺍ
ﺻﻠﻮﺍ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ ﻭﻛﺎﻣﻮ ﺗﺮﺍﺿﻮﺍ ﻭﺑﻴﺒﻲ ﻫﻠﻬﻠﺖ ﻣﻦ ﺳﻤﻌﺖ ﻭﺍﺣﻨﻪ ﺩﻣﻮﻋﻨﻪ ﺗﺼﺐ ﻣﻦ ﺍﻟﻔﺮﺡ ﻭﺑﻴﺒﻲ ﺗﻜﻮﻝ
.. ﻭﺍﻟﻠﻪ ﻳﺎ ﻫﺠﺮﺱ ﺍﻧﺖ ﺭﻓﻌﺔ ﺭﺍﺱ
ﺍﻟﻨﺎﺱ ﺗﻮﺩﻋﻮﺍ ﻭﻫﻢ ﻳﻀﺤﻜﻮﻥ ﻭﻫﺠﺮﺱ ﻛﻞ ﻟﻬﺎﺷﻢ ﺗﺮﻭﺡ ﻫﺴﻪ ﺗﺘﻨﺎﺯﻝ ﻋﻦ ﺍﻟﻮﻟﺪ ﺑﻜﻔﺎﻟﺔ ﺷﻴﺨﻬﻢ ﺟﺎﻧﺖ ﺍﻟﻔﺮﺣﻪ ﻣﺎ ﻻﻣﺘﻨﻪ ﻻﻥ ﻫﺎﺷﻢ ﺭﺍﺡ ﻳﺘﺰﻭﺝ ﺣﻮﺭﻳﻪ ﻭﺍﻧﻪ ﺍﻟﻤﺸﻜﻠﻪ ﺍﻧﺤﻠﺖ
ﺭﺍﺣﺖ ﺍﻟﻨﺎﺱ ﻭﺩﺧﻞ ﻫﺠﺮﺱ ﻭﺑﺎﺑﺎ ﻳﺴﻮﻟﻔﻮﻥ ... ﺑﻴﺒﻲ ﻫﻠﻬﻠﺖ ﻭﻛﺎﻣﺖ ﺗﻌﻜﺰﺕ ﻉ ﻋﺼﺘﻬﺎ ﻭﺗﻠﻜﺘﻬﻢ ﺑﺒﺎﺏ ﺍﻟﻤﻄﺒﺦ
ﺻﺎﺣﺖ
.. ﺗﻌﺎﻟﻲ ﻟﻴﻪ ﻫﺠﻴﺮﺱ ﺣﺒﻮﺑﻪ .. ﺭﺣﺖ ﻓﺪﻭﻩ ﻟﻄﻮﻟﻚ ﻭﻟﻚ ﺍﻧﺖ ﺳﻨﺪ ﻭﻋﻤﻮﺩ ﻫﺬﺍ ﺍﻟﺒﻴﺖ ﺑﻌﺪ ﺟﺪﻙ ﻭﺍﺑﻮﻙ
ﺑﺎﺱ ﺭﺍﺳﻬﺎ ﻫﺠﺮﺱ ﻭﻛﺎﻟﻠﻬﺎ
.. ﺑﻴﺒﻲ ﺷﺘﺤﺠﻴﻦ ﻫﺬﺍ ﺍﺧﻮﻱ ﺣﺰﺍﻡ ﻇﻬﺮﻱ ﻭﺍﻟﻠﻪ ﻛﻠﺖ ﺍﺫﺑﺢ ﺭﻭﺣﻲ ﻛﺪﺍﻣﻪ ﻭﻣﺎ ﺍﺷﻮﻑ ﺩﻣﻌﺘﻪ ﺗﻨﺰﻝ ﻋﻠﻤﻮﺩ ﺣﻮﺭﻳﺘﻪ
ﺻﺪﻙ ﺑﻠﺤﻈﺘﻬﺎ ﺣﺴﻴﺖ ﺍﻧﻲ ﺍﺧﺬﺕ ﺯﻟﻤﻪ ﻭﺭﺟﺎﻝ ﻳﻨﺤﻠﻒ ﺑﺮﺍﺳﻪ ﻭﺍﻟﻨﻌﻢ ﻣﻨﻪ ﻭﺻﺪﻙ ﺑﺎﺑﺎ ﻃﻠﻊ ﻋﻨﺪﻩ ﺣﻖ ﻣﻦ ﻛﺎﻝ ﻣﺎ ﺭﺍﺡ ﺗﺘﻨﺪﻣﻴﻦ ﺑﻴﻮﻡ ﻋﻠﻰ ﺯﻭﺍﺟﺞ ﻣﻨﻪ
ﻛﻌﺪﻭﺍ ﻳﺴﻮﻟﻔﻮﻥ ﺑﺎﻻﺳﺘﻘﺒﺎﻝ ﻛﻠﻬﻢ ﺍﻧﻲ ﻛﻤﺖ ﺍﻏﺴﻞ ﺑﻤﻮﺍﻋﻴﻦ ﺍﻟﺨﻄﺎﺭ ﺍﻻﺳﺘﻜﺎﻳﻦ ﻭﺍﻟﻜﻼﺻﺎﺕ ﺍﺟﻪ ﻫﺠﺮﺱ ﺍﺧﺬ ﻛﻼﺹ ﻭﺣﻄﻪ ﺟﻮﻩ ﺍﻟﺒﺮﺍﺩ ﻛﺎﻝ
.. ﺣﺒﻴﺒﻲ ﻟﻴﺶ ﻭﺣﺪﺝ ﻫﻨﺎ
ﺍﻧﺪﺍﺭﻳﺘﻠﻪ ﻭﺍﻻﺑﺘﺴﺎﻣﻪ ﻋﻠﻰ ﻭﺟﻬﻲ ﻭﺍﺑﺎﻭﻋﻠﻪ ﺑﻌﻴﻮﻥ ﻛﻠﻬﺎ ﻓﺨﺮ ﻫﻮ ﺍﺧﺬ ﺍﻟﻤﻲ ﺷﺮﺑﻪ ﻭﻫﺰﻟﻲ ﺭﺍﺳﻪ ﺑﻤﻌﻨﻰ ﺷﻜﻮ ﻭﺣﻂ ﺍﻟﻜﻼﺹ ﻉ ﺍﻟﻜﺎﺍﻭﻧﺘﺮ ﻧﺸﻔﺖ ﺍﻳﺪﻱ ﻭﺍﺟﻴﺖ ﺣﻀﻨﺘﻪ ﺑﻜﻞ ﻗﻮﺗﻲ
ﺣﻀﻨﻨﻲ ﻭﻛﺎﻝ ﺑﻌﻴﻮﻥ ﻛﻠﻬﺎ ﺗﺴﺎﺅﻭﻝ ﻭﺍﺑﺘﺴﺎﻣﻪ ﺑﻄﺮﻑ ﺷﻔﺘﻪ
.. ﺷﻌﻨﺪﻙ ﺣﺒﻴﺒﻲ
ﺑﺎﻭﻋﺘﻠﻪ
.. ﺷﻜﺮﺍ ﻻﻥ ﺍﻧﺖ ﺑﺤﻴﺎﺗﻲ .. ﺷﻜﺮﺍ ﻻﻥ ﺍﻧﺖ ﺻﺮﺕ ﺯﻭﺟﻲ ﻭﻣﺎ ﺗﺨﻠﻴﺖ ﻋﻨﻲ ﻭﺧﻠﻴﺘﻨﻲ ﺍﺻﻴﺮ ﻟﻐﻴﺮﻙ
.. ﺣﺘﻰ ﺍﺫﺑﺤﻜﻢ ﺍﻧﺘﻲ ﻭﻳﺎﻩ .. ﺍﻧﺘﻲ ﻋﺸﻜَﻲ ﻣﻦ ﺍﻟﺼﻐﺮ .. ﻣﺎ ﺍﺧﻠﻲ ﺍﺣﺪ ﻳﺘﺪﻧﻪ ﻟﺤﻼﻟﻲ ﻭﺍﻧﻲ ﻣﻮﺟﻮﺩ
ﺣﻀﻨﺘﻪ ﺑﻜﻞ ﻗﻮﺗﻲ ﺑﺎﺱ ﺭﺍﺳﻲ ﺳﻤﻌﻨﻪ ﺻﻮﺕ ﻭﺭﺍﻧﻪ ﺟﺎﻧﺖ ﺯﻧﻮﺑﻪ ﺧﺠﻼﻧﻪ ﻭﺍﻛﻔﻪ ﻋﻠﻰ ﺻﻔﺤﻪ ﺗﺮﻳﺪ ﺗﻄﺐ ﺍﻟﻤﻄﺒﺦ ﻭﻣﺴﺘﺤﻴﻪ
ﺍﺑﺘﻌﺪﻧﻪ ﻋﻦ ﺑﻌﺾ ﺻﺎﺣﻠﻬﺎ
.. ﺯﻧﻮﺑﻪ ﺗﻌﺎﻱ
ﺍﺟﺖ ﻣﺴﺘﺤﻴﻪ ﻣﻦ ﺍﺧﻮﻫﺎ ﻛﻌﺪ ﻉ ﺍﻟﻜﺮﺳﻲ ﻭﻟﺰﻡ ﺍﻳﺪﻳﻬﺎ ﺑﺎﺳﻬﻦ
.. ﺍﺷﻮ ﻣﺎ ﺗﻨﺸﺎﻓﻴﻦ ﺣﺒﻴﺒﺘﻲ
.. ﻭﺍﻟﻠﻪ ﺍﻟﺪﺭﺍﺳﻪ ﻣﺎﻛﻠﻪ ﺭﺍﺳﻲ ﻭﺗﻌﺮﻑ ﻓﺘﺮﺓ ﺍﻣﺘﺤﺎﻧﺎﺕ ﺭﺍﺡ ﺗﺠﻲ ﻻﺯﻡ ﺍﺷﺪ ﺣﻴﻠﻲ
.. ﺷﻠﻮﻧﺞ ﺑﺎﻟﺪﺭﺍﺳﻪ
.. ﺍﻻﻭﻟﻰ ﺍﻧﻲ ﻉ ﺍﻟﺼﻒ
.. ﻋﻔﻴﻪ ﺑﻨﻴﺘﻲ .. ﺍﺭﻳﺪﺝ ﺗﺮﻓﻌﻴﻦ ﺭﺍﺳﻨﻪ ﺑﺎﻟﺴﺎﺩﺱ
.. ﺍﻥ ﺷﺎﺀ ﺍﻟﻠﻪ ﺑﺲ ﺑﻌﺪﻟﻲ ﻫﻮﺍﻱ ﻭﻳﻨﻲ ﻭﻳﻦ ﺍﻟﺴﺎﺩﺱ
.. ﺍﻟﺴﻨﻴﻦ ﺗﺮﻛﺾ
ﻃﻠﻊ ﻣﻦ ﺟﻴﺒﻪ ﻓﻠﻮﺱ ٢٥ ﻛﺎﻟﻠﻬﺎ
.. ﻫﺎﺝ ﻫﺎﻱ ﺑﺎﺟﺮ ﺗﻄﻠﻌﻴﻦ ﻭﻳﻪ ﺍﻣﺞ ﺗﺸﺘﺮﻳﻦ ﺛﻮﺏ ﺣﻠﻮ ﻟﺨﻄﻮﺑﺔ ﻫﺎﺷﻢ
ﺧﺠﻠﺖ ﻭﻛﺎﻟﺘﻠﻪ
.. ﺷﻜﺮﺍ ﺧﻮ
ﺑﻬﺎﻻﺛﻨﺎﺀ ﺩﺧﻠﺖ ﻓﺎﻃﻤﻪ ﻭﺻﺎﺣﺖ
.. ﻳﺎ ﻳﺎ ﻫﺎﻱ ﺷﻨﻮ ﻫﻨﺎ ﺍﻛﻮ ﺗﻮﺯﻳﻌﻪ ﻫﻨﺎ ﻭﺍﻧﻲ ﻣﺎ ﺍﺩﺭﻱ
ﺩﻓﻌﺖ ﺯﻧﻮﺑﻪ ﻟﻬﻨﺎﻙ ﻭﻣﺪﺕ ﺍﻳﺪﻫﺎ ﻭﻛﺎﻟﺘﻠﻪ
.. ﻭﺭﻕ
.. ﺍﻟﻜﺒﺮ ﻋﻠﻜﻴﻔﺞ ﻭﻳﻪ ﺍﺧﺘﺞ ﺧﺒﻠﻪ
.. ﻭﺭﻕ ﻭﻻ ﺗﻐﻠﺲ
.. ﺍﻟﻠﻪ ﻳﻄﻴﺢ ﺣﻈﺞ
ﻃﻠﻊ ٢٥ ﻛﺎﻟﺘﻠﻪ
.. ﺷﻨﻮ ﺑﻠﻪ ﺷﻨﻮ ٢٥ ﻫﺎﻱ ﺷﺄﺷﺘﺮﻱ ﺑﻴﻬﺎ ﻗﻮﻃﻴﺔ ﺣﻤﺺ
.. ﻟﻌﺪ ﺷﻜﺪ ﺗﺮﺩﻳﻦ
.. ﺟﻴﺐ ﺑﻌﺪ ٢٥ ﻓﻮﻛﺎﻫﻦ
.. ﻳﺎ ﺍﺩﺑﺴﺰ
ﻃﻠﻊ ﻣﻦ ﺟﻴﺒﻪ ﺑﻌﺪ ٢٥ ﻭﺍﻧﻄﺎﻫﻴﺎﻩ ﺑﺎﺳﺘﻪ ﻭﺭﻛﻀﺖ ﻫﻮ ﺿﺤﻚ ﻭﻫﺰ ﺍﻳﺪﻩ ﻭﻏﻤﻬﺎ ﻭﻛﺎﻟﻬﺎ
.. ﺧﺒﻠﻪ
Mariam-almusawi
ﺟﺎﻧﺖ ﻓﺮﺣﺔ ﻫﺎﺷﻢ ﻣﺎ ﺗﻨﻮﺻﻒ ﺑﻠﻴﻠﺘﻬﺎ ﺗﻠﻜﻴﻨﺎﻩ ﺑﺎﻟﻬﻼﻫﻞ ﻭﺍﻟﺠﻜﻠﻴﺖ ﻭﻫﻮ ﻃﺐ ﻣﻦ ﺑﺎﺏ ﺍﻟﺤﻮﺵ ﻳﺪﻙ ﻭﻳﺮﻛﺺ ﻭﺑﻴﺒﻲ ﻛﺎﻟﺘﻠﻪ
.. ﻫﺎ ﻭﻟﻚ ﻫﻮﻳﺸﻢ ﺍﺧﻮﻙ ﺳﻮﺍﻫﺎ ﻭﻣﺎ ﺧﻼ ﺧﻠﻜَﻚَ ﺿﺎﻳﺞ
.. ﺍﻱ ﺣﺒﻮﺑﻪ ﻭﺍﻟﺴﺒﻊ ﺍﻧﻌﺎﻡ ﻣﻦ ﻫﺠﺮﺱ
.. ﺷﺴﻮﻳﺖ ﻋﻠﻤﻮﺩ ﻫﺬﺍ ﺳﻠﻴﻤﺔ ﺍﻟﺒﻴﻦ ﺍﻟﻤﺤﺒﻮﺱ
ﺳﻮﻟﻔﻠﻬﻢ ﻫﺎﺷﻢ ﺍﻧﻪ ﻫﻮ ﺭﺍﻳﺢ ﻭﻣﺘﻨﺎﺯﻝ ﻋﻦ ﻋﻘﻴﻞ ﻭﺍﻟﺸﻴﺦ ﻣﺘﻜﻔﻞ ﺑﻴﻪ ... ﻭﻣﺴﻮﻟﻔﻠﻪ ﺍﻟﺴﺎﻟﻔﻪ ﺑﺎﻟﺒﺪﺍﻳﻪ ﺭﺍﺩ ﻳﺘﻌﺎﺭﻙ ﻭﻳﺎﻫﻢ ﻋﻘﻴﻞ ﺑﺲ ﻣﻦ ﺳﻤﻊ ﺭﺍﺡ ﻳﺘﺰﻭﺝ ﺑﻨﺖ ﺍﺑﻨﻪ ﻟﻠﺸﻴﺦ ﻭﺍﻧﻪ ﺭﺍﺡ ﻳﻨﺎﺳﺐ ﺷﻴﺨﻬﻢ ﻗﺒﻞ ﻭﻛﺎﻝ ﻫﺬﺍ ﻫﻮ ﺷﺘﺄﻣﺮ ﺷﻴﺨﻨﻪ ﺍﻧﻲ ﺣﺎﺿﺮ .. ﻭﺍﺗﻔﻖ ﻫﺠﺮﺱ ﺍﻧﻪ ﺍﻟﻤﺸﻴﻪ ﻭﺍﻟﻌﻘﺪ ﺑﺎﺟﺮ ﻳﺼﻴﺮﻥ ﺳﻮﻩ ﻟﻬﺎﺷﻢ
ﺻﻠﻴﻨﻪ ﻭﺗﻌﺸﻴﻨﻪ ﻧﻈﻔﺖ ﺍﻟﻤﻄﺒﺦ ﻭﺍﻧﻄﻴﺖ ﺑﺎﺑﺎ ﺩﻭﺍﻩ ﻭﺳﺄﻟﺘﻪ ﺍﺫﺍ ﻣﺤﺘﺎﺝ ﺷﻲ ﻛﺎﻝ ﻻ ﺑﺎﺑﺎ ﺍﻛﻤﻞ ﺍﻻﺧﺒﺎﺭ ﻭﺍﻧﺎﻡ
ﺻﻌﺪﺕ ﺩﺧﻠﺖ ﺳﺒﺤﺖ ﻭﻃﻠﻌﺖ ﻟﻜﻴﺖ ﻫﺠﺮﺱ ﺑﺎﻟﻐﺮﻓﻪ ﻛﺎﻋﺪ ﻭﺑﺲ ﺑﺎﻟﺸﻮﺭﺕ ﻳﺒﺎﻭﻉ ﺭﻳﺎﺿﻪ ﻉ ﺍﻟﺘﻠﻔﺰﻳﻮﻥ ﻭﺣﺎﻁ ﺍﻳﺪ ﻭﺭﻩ ﺭﺍﺳﻪ ﻭﺍﻳﺪ ﻳﺸﺮﺏ ﺑﻴﻬﺎ ﺟﻜﺎﺭﻩ ﻛﺎﻝ
.. ﻧﻌﻴﻤﺎ ﺣﺒﻴﺒﻲ
.. ﺍﻟﻠﻪ ﻳﻨﻌﻢ ﻋﻠﻴﻚ ﺣﻴﺎﺗﻲ
ﺭﺣﺖ ﻣﺸﻄﺖ ﺷﻌﺮﻱ ﻭﺗﻌﻄﺮﺕ ﻭﺍﺟﻴﺖ ﻳﻤﻪ ﺳﻨﺪﺕ ﻧﻔﺴﻲ ﻉ ﺻﺪﺭﻩ ﻭﺣﻄﻴﺖ ﻭﺟﻬﻲ ﻗﺮﻳﺐ ﻉ ﻭﺟﻬﻪ ﻭﻛﻤﺖ ﺍﻟﻌﺐ ﺑﺸﻌﺮ ﻟﺤﻴﺘﻪ ﺑﺄﺻﺎﺑﻴﻌﻲ
ﻫﻮ ﻃﻔﻪ ﺍﻟﺠﻜﺎﺭﻩ ﻭﺍﺧﺬ ﺍﻗﺮﺍﺹ ﻣﻌﻄﺮ ﻓﻢ ﻗﺮﻳﺒﻪ ﻋﻠﻴﻪ ﺣﻄﻬﺎ ﺑﺤﻠﻜﻪ ﻭﺭﺟﻊ ﺍﻳﺪﻳﻪ ﻭﺭﻩ ﺭﺍﺳﻪ ﺑﺎﻭﻋﻠﻲ ﻭﺍﺍﻻﺑﺘﺴﺎﻣﻪ ﺑﻄﺮﻑ ﺷﻔﺘﻪ ﻭﻛﺎﻝ
.. ﺷﻌﺪﻫﺎ ﺍﻟﻮﻛﺤﻪ ﺣﺒﻴﺒﺘﻲ
.. ﺍﺭﻳﺪ ﺍﻃﻠﺐ ﻣﻨﻚ ﻃﻠﺐ
.. ﻛﻮﻟﻲ ﺣﺒﻴﺒﻲ
.. ﺍﺭﻳﺪ ﺍﺭﻭﺡ ﻟﻠﺼﺎﻟﻮﻥ
.. ﻋﻤﻲ ﻫﻮ ﺍﻟﺼﺎﻟﻮﻥ ﻳﺠﻲ ﻳﻤﺞ .. ﺍﻧﺖ ﺗﺨﺒﻠﻴﻦ ﺷﻌﻨﺪﺝ ﺑﺎﻟﺼﺎﻟﻮﻥ
.. ﺍﺭﻳﺪ ﺍﻛﺺ ﺷﻌﺮﻱ ﻭ .....
.. ﺍﻧﺠﺒﻲ ﺍﻻ ﺷﻌﺮﺝ ﻭﺍﻟﻠﻪ ﻳﺎ ﺟﻴﻼﻥ ﺍﺫﺍ ﻛﺼﻴﺘﻲ ﺳﻨﺘﻴﻢ ﻭﺍﺣﺪ ﻣﻨﻪ ﺍﻛﺺ ﺭﻛَﺒﺘﺞ ﻭﺭﺍﻩ
ﺑﺎﻭﻋﺘﻠﻪ ﺑﺰﻋﻞ ﻛﺘﻠﻪ
.. ﻣﻮ ﻛﺺ ﺑﺲ ﺗﺮﺗﻴﺐ
.. ﻛﺘﻠﺞ ﻭﻻ ﺳﻨﺘﻴﻢ ﻛﺎﻓﻲ ... ﻏﻴﺮﻩ ؟؟؟
ﺭﺩﺕ ﺍﻋﺎﻧﺪﻩ ﺑﺲ ﻛﻠﺖ ﺧﻄﻴﻪ ﻣﺮﻳﺾ ﻣﻮ ﻣﺎﻝ ﻋﻨﺎﺩ ﻛﺘﻠﻪ ﺑﺪﻟﻊ
.. ﺍﺭﻳﺪ ﺍﺣﻒ ﻭﺍﺻﺒﻎ ﺷﻌﺮﻱ
.. ﺟﻴﻼﻥ ﺷﻌﺮﺝ ﻻ ﺗﻠﻌﺒﻴﻦ ﺑﻴﻪ .. ﻫﺬﺍ ﻣﻠﻜﻲ ﺍﻟﻲ ﻭﺣﻼﻟﻲ
ﻭﺍﺧﺬ ﺧﺼﻠﻪ ﻣﻨﻪ ﺷﻤﻬﺎ ﻛﺘﻠﻪ
.. ﺣﺒﺎﺏ ﺑﺲ ﻣﺮﻩ ﻭﺍﻟﻠﻪ ﺑﺎﻗﻲ ﺑﻨﻔﺴﻲ ﺍﻟﺼﺒﻎ ﻉ ﺍﻟﺮﻣﺎﺩﻳﺎﺕ
.. ﺣﺒﻴﺒﻲ ﻭﺍﻟﻠﻪ ﺷﻌﺮﺝ ﻳﺘﺄﺫﻩ ﻭﻳﻨﺪﻣﺮ
.. ﻣﺎ ﺍﻣﻴﺸﻪ ﻭﺍﻟﻠﻪ ﺑﺲ ﺻﺒﻎ
ﺗﺄﻓﺎﻑ ﺑﺴﺘﻪ ﻣﻦ ﺻﺪﺭﻩ ﺑﻮﺳﻪ ﺧﻔﻴﻔﻪ ﺭﺟﻒ ﺟﺴﻤﻪ ﻭﻛﺎﻝ
.. ﺍﺣﺘﺮﻛﻮﺍ ﺍﻫﻠﺞ
.. ﺷﻜﻠﺖ ﻳﺎ ﺭﻭﺣﻲ
ﺍﺑﺘﺴﻢ ﻭﻛﺎﻝ
.. ﻋﻤﻲ ﺍﻧﺘﻲ ﺗﺄﻣﺮﻳﻦ ﺍﻣﺮ ﺍﻧﻲ ﻭﻓﻠﻮﺳﻲ ﻭﺑﻴﺘﻲ ﻭﺣﻼﻟﻲ ﻛﻠﻪ ﺑﺨﺪﻣﺘﺞ
ﺧﺠﻠﺖ ﻛﻠﺶ ﻣﻦ ﻛﻼﻣﻪ ﻛﺎﻝ ﺑﻤﻜﺮ
.. ﺑﺲ ﺍﺣﺼﻞ ﺷﻲ ﻟﻮ ﻃﺎﺳﻪ ﻓﺎﻓﻮﻥ
ﺍﺩﻧﻴﺖ ﻋﻠﻴﻪ ﻭﺑﺴﺘﻪ ﺑﻮﺳﻪ ﻗﻮﻳﻪ ﻣﻦ ﺷﻔﺘﻪ ﻛﻄﻌﺖ ﻧﻔﺴﻪ ﻭﻛﻄﻌﺘﻬﺎ ﻭﺍﺣﻨﻪ ﻧﻠﻬﺚ ﻛﺘﻠﻪ
.. ﺍﺣﺒﻚ
ﻫﻮ ﺑﺴﺮﻋﻪ ﺍﺧﺬﻧﻲ ﺑﺤﻀﻨﻪ ﻭﻧﺴﻴﻨﻪ ﻧﻔﺴﻨﻪ ﻛﺎﻧﺖ ﻟﺤﻈﺎﺕ ﻣﻦ ﺍﺳﻌﺪ ﻟﺤﻈﺎﺕ ﺣﻴﺎﺗﻨﻪ
# mariam-almusawi