حب هجرسي

36

#حب_هجرسي ج2

#بارت 36
احبكم وعندي كم نقطه
١.. يعني اعتذر ع التأخير والله بس الله شاهد ظروف اقوى مني وما دا الحك وادري بيكم تعذروني منو عندي غيركم يعذرني 😢 ....حقكم على راسي
٢.. ورجاءا لا تكولون الي بارت مفاجئ والله ظروفي كوه دا الحك اكتب البارت لخاطر عيونكم
٣.. والبارتات اول ما كتبت الجزء الاول كلت اني اكتب ٢٥٠٠ كلمه واذا عندي وقت اكثر اكتبلكم ٣٠٠٠ وفوك . فرجاءا لا تضلون تكولون البارت قصير
٤. احبكم عشق موت كتل 😍😍😍😍😘😘😘😘

مر شهرين اني وهجرس علاقتنه رجعت مثل اول الحمد لله .. ما كنت متوقعه راح ترجع علاقتنه مثل قبل ابد

والغرفه بدلها وجابلي اضخم غرفه تشوفها عيوني كانت من هذه التصميم الماليزي الضخم والوانها ذهبي وابيض تكول كاعده بقصر مو بغرفه
بوكتها صدك فرحت بالغرفه لان ذيج كانت خانكَتني حتى الوان الغرفه غيرها واحس نفسيتي كلها تغيرت 

ابد ما زعلني كان يتمنى رضاي الاريده والما اريده كله الكاه كدامي

كان جاي من الشغل الظهر واني الحمد لله تحسنت حالتي دخل وكال
.. شلونها بنيتي

ابتسمتله
.. هلو حبيبي

تقدم وباسني قوي من شفتي وكعد كدامي
.. شوكت الله يفرجها والله تعبت
.. شسوي انت كولي .. يعني هاي سالفة الفطر بالجاره طلعتلي صفح

عوج حلكه
.. ع اساس هسه اذا ما بيج شي تجيني ركض وكل شويه اسبح من فرحتي .. خليني ساكت

شلت المخده ردت اضربه لزمها يضحك وكام يبدل كتله
.. هجرس
.. كولي حبيبي
.. اليوم عدي موعد ويه الدكتور
.. صار العصر حضري نفسج اخذج
.. ما سألتني ليش
اندارلي وكال بتساؤل
.. ليش ؟
.. اليوم نشوف الطفل ولد بنيه

ابتسملي وكال
.. شيجي من رب العالمين الحمد لله عليه اهم شي تمام الخلقه وربي يكومج انتي وياه بالسلامه

كتله بأبتسامه
.. وهم حتى تشوف وضعي الدكتوره حتى اذا صرت زينه تكدر تتقربلي لو لا ؟

باوعلي وفتح عيونه ع وسعهن وذب الدشداشه من ايده
وكعد يمي

وكال
.. بروح ابوج ؟؟؟
.. والله .. شبيك ؟

.. من فرحتي ما راح انام ...راح اروح هسه احلق .. واجي حتى اتحضرلج
.. انتظر يجوز تكولي فد يوم يومين بعد

.. جيلان لا تهبطيني خليني بحماسي
.. ههههههه ماشي براحتك

تغده واجه يبدل يمي ويخابر بالحلاق
خابره
.. الو شلونك حمودي .. الحمد للله حبيبي .. اكولك حباب امشي فتح هسه اريد احلق هسه ... انجب لك عار كوم واذا مطمور عندي مناسبه مهمه كلش العصر (ويباوعلي ويبتسم)
ابن المطي تجي تفتح المحل لو اجيبك سحل من يم امك دلال .. يله رايح كدامك