تمرد القلب {Dz}

🖤البارت8 🖤

رجعت نيبال للدار وخبرت يماها بعد شي نص ساعة رجع ياسين وموراه دخل نذير تعشاو وخملو الطابلة وقعدو يشربو لاتاي
نذير: نيبال غدوة عالثمنية نطلعو للعاصمة نجيبو الدوزان اللي قعدة
نيبال: اوكي ان شا الله ومنها نشوف لين
كملو لاتاي وفرشو وكل واحد راح لفراشو ... نيبال جبدت تيليفونها وفتحت الفيس
لين: واخييرا فتحتي كنت نستناك
نيبال: بسم الله الرحمان الرحيم بايتة عساسة علي هدا وين فتحت بعتتيلي
لين: توحشتك 😔
نيبال: تشوفي انا
لين : كاش جديد عندك
نيبال: نن مكان والو اليوم تلاقيت مع بلال وسفيان دوك الخاوة اللي حكيتلك عليهم ملي كنا فالسيام تشفاي عليهم؟
لين: نن مشفيتش
نيبال: اللي نقلك عندهم ختهم فنفس عمرنا وكانت تقرا معايا رميسة
لين: ايييييه خلاص عرفتهم
نيبال: ايه مليح ... كان تشوفيهم كاش رجعو ماشي قاع كيما كانو بكري
لين : ياك العبد يتبدل ونتي بيانسور يجوط مبدلين بزاف شوفي شحال من عام مرحتيش لهيه
نيبال: ايه عندك لحق ..
لين: ارواحي نحكيلك الجديد
نيبال: هاتي
لين : شفتي داك العبد اللي علاحالو طوموبيلتك تهرست ايماجيني وش يكون
نيبال: انطقي منيش قادرة نخمم انا
لين : يقري ختي اللي عندها الباك هاد العام 😑
نيبال: ياجدك ماشي تاع وجهو وانا نقول علاه المسكينة ملي تقعد وهي تسبو
لين: ايه شفتي
نيبال: وكاش عرفتي نتي
لين : اليوم ياك منضتش بكري كي كنت فطريقي لافاك جزت عالليسي وكانت 11 صبت ميساء خرجت حكينا شوي وموراها جاز هداك العبد اومبعد قالتلي ميساء بلي هداك هو اللي تظل تحكي عليه
نيبال: 😯 الله يعينها
لين: اميين ...
نيبال : اسمعي غدوة سيي تخرجي بكري خطراش رانا جايين ندو واش بقالنا حوايج لتم
لين : اوكي ان شا الله

_______________صباح نهار جديد___________
الساعة 6:00
السردوك .... اصوات الكباش والبقر .... صوت البراد تاع القهوة ..... صوت الهدرة .... صوت المداوسة عالبئر ..... نيبال تتقلب من ومن .... دارت المخدة على راسها ... ايه واش تحبو من وحدة رقدت ع3 تاع الصباح تحت زقزقة العصافير اااااا اسمحولي خطا مطبعي تحت شخير جدها اللي راقد عند راسها 🤣

الساعة 6:30
ناضت نيبال بعد ماحاربت نص ساعة باش ترقد ناضت تكسل وتجعد فروحها وتهدر هدرة تفهمها غير هي فتحت عينيها صابتهم قاع يتفرجو فيها (الاب،الام،الجد)
نيبال: صباح النور
الكل: صباح لخير
راحت للتواليت تشوف كائن فضائي فالمراية
نيبال: ايه يالرافاي هدا وين عرفت قيمتك كي تنوضني اللهم صوت الرافاي ولا صوت السردوك
دارت روتينها اليومي وخرجت راحت للبيت لبست حوايجيها اللي عبارة عن سروال كحل وبودي حمر
راحت للصالون نذير شاف فيها من الفوق للتحت ودور وجهو
نيبال : فقلبها : ياودي شوف ولا اقعد
شربت قهوتها ...
نذير : اسمعي نيبال باش يروح معانا بلال ول ياسين خطراش مرحش نخليك تسوقي من العاصمة للهنا بعد ماشفت هديك الضربة فالطوموبيل واللي مهدرتش معاك عليها
نيبال: والله ما انا اللي صدمت فيه راك تشوفها من اللور
نذير: المهم نروح نشوف سفيان ول مراهوش يخدم يجي
نيبال: اوك
ياسين: بابا نجي معاكم ؟
نذير : دبر راسك ..ول باش تروح نوض بدل حوايجك
ياسين : راني راايح

راح نذير لعند سفيان صابو قاعد برك بلا خدمة
نذير : السلام عليكم
الكل: وعليكم السلام
سفيان : واش عمؤ نضربولك فيها تحفيفة ؟
نذير : لا لا جيتك على حاجة وحدوخرا
سفيان : اللي هي...
نذير: عندك خدمة ليوم ول معندكش؟
سفيان: مكاش بزاف ليكليون واللي يخدمو معايا قاع جاو راهم بين ربعة ... علاه ؟
نذير : حبيت تجي معايا للعاصمة باش نحبط الطوموبيل تاع نيبال محبيتش نخليها تسوق من لهيه لهنا
سفيان غير سمع نيبال ترسمت الابتسامة على وحهو من طرف للطرف بصح بلخف راحت
سفيان: انا اني نقدر نجي عادي بصح معنديش بيرمي ... شوف بلال نورمالمو يقدر يروح معاك وانا نروح نشدلو لحانوت
نذير : ......
______________________________________
نلتقي فالبارت الجاي ان شا الله