..
نيبال: توحشتتك يالمهبولة
لين: وانا وش نقول رحتي وخليتيني وحدي متحشميش
نيبال: واش ندير ماشي بيدي
لين: معليش معليش المهم تلاقينا اليوم
نيبال: ايه ...احكيلي واش خبارك
لين : والو مكاش الجديد
نيبال: ايه وواش نديرو
لين : منعرف ....... ايه تفكرت عمبالك ميسا راهي تهدر مع واحد فالليل خايفة عليها تخسر الباك
نيبال: اووو شبيها هبلت هدي
لين: عقلها طار
نيبال: وشكون هدا معرفتيهش
لين : نن معرفتوش وزيد كان نقوللها عمبالي متقوليش ... خايفة تبع الطريق المعوجة
نيبال: نن متقلقيش روحك ميساء تعرفيها ياك ماشي تاع هداك الشي
لين: ايه الحمد لله
نيبال: المهم درك نتي نبهيها ول متحبش تحبس قوليلها نقول لبابا ول ليما ماش ي تقوليلهم صح تهديد برك
لين : وي ان شا الله
نيبال: امم جايبتيني لهنا بلا ماكلة كان رانا تلاقينا فالدار خير
لين : لالا كي بدلنا جو شوية خير وزيد راهم يوجدو القهوة اللي موالفين بيها
نيبال: المهم ... قالي بابا مطوليش بزاف نعاودو نقلعو عالخمسة تاع العشية
لين: ايه معليش
نيبال: والقراية كيفاش راهي ؟
لين : سامطة والله كان نصيب قاع منروحش نقرا
نيبال : متعرفيش صلاحك نتي
لين : لالا نتي اللي تعرفي
نيبال: واخيرا جات القهوة
لين : ماشي موالفين يطولو هكدا
نيبال: ايه لعل الماشينة فسدتلهم
لين : مانعرف
.... كملو لبنات قهوتهم وكي العادة خرجو نيبال وصلت لين وشدت الطريق لدارها طبطبت مكاش اللي حل حوست على مفاتحها فالصاك وبعد ماصابتهم جربت تحل متفتحش
نيبال: يتسما هدا راه مغلوق من الفوق ماشي بالمفتاح
قعدت طبطب شوي هكدا جا فتحلها ياسين
نيبال: علاه طولت باش جيت ؟
ياسين : رحت جبت كورسي باش نشوف شكون من العوينة
نيبال: ايه خلاص وبابا وين راه ؟
ياسين : منعرفش كي نضت مصبتوش فالدار كاين غير عمو بلال راقد فالصالة
نيبال: اه اوكي مكملتش هدرتها عاودو سمعو الطبطيب .. راحت نيبال فتحت صابتو باباها
نذير : السلام عليكم
نيبال و ياسين : وعليكم السلام
نيبال: وين كنت بابا ؟
نذير : رحت حبت الدوسي تاع ياسين من مسيدو وبدلت الكوارط تاع الطاكسي باش نولي نخدم لتم
نيبال: اييه مليح فقلبها: قعدت غير انا بلا خدمة ولا زدمة
نذير : وقتاش جيتي نتي
نيبال: هدا وين جيت مزال مين با مدخلت
نذير : ياسين بلال ناض؟
ياسين : مزال
نذير : امشو ادخلو
_______________عند سفيان ______________
داك الزهر اللي عندي ...عمري مخممت ندير بارمي كي كان يقولي بلال دير كنت نقولو واش ندير بيه من الدشرة منيش خارج درك تمنيت يكون عندي زهري نصدقو وميقبلوش بيه
طيبت نيبال القهوة وستقهواو وحكمو الطريق وصلو فالليل جوايه ال 9 راح بلال لدارهم بعد ماتشكرو نذير ودخلو لخرين راحو بدلو حوايجهم وخرجو تعشاو وشربو لاتاي وكي العادة نيبال فالفيسبوك ولخرين رقدو
________________عند لين _______________
لين : فقلبها: يادرى معامن راهي تحكي ... استناي ندير كيما قالتلي نيبال خير
راحت مشات لجيهتها بلعقل بلا حس باش متفيقش بيها صابتها ملوية داخل الكوات تحلفي غير راهي راقدة نحاتلها الكوات من عند راسها صابتها مغمضة عينيها ودايرة يدها عالتيليفون من تحت المخدة
لين: نوضي نوضي سمعتك تهدري متجوزيهاش علي
ميسا: اه وشنو لالا مكنتش نهدر
لين: ماشي كنتي راقدة درك 😏
ميسا: اااه ايه انا ... انا هدا وين جيت حنرقد مزال مرقدت
لين : باين عليك نقولك زوج كلمات حبسي هاد الهدرة تاع نصاص الليالي ول نقول لبابا سمعتي لباك تاعك بركات عليك
ميسا: لين يعيشك .....
YOU ARE READING
تمرد القلب {Dz}
Humor: وانا منحبكش متفهميش : والله متوقعت تجيني الضربة من عندك ختي كان جات من عند وحدوخرا كان مليح بلبزااااف : ان لله وان اليه راجعون : وااااو واخيرا صبت حريتي : علاه راكي ديري هكدا فروحك مقتطفاات من الرواية ....
