انضميت منذ ٢٠١٥ لتطبيق الواتباد، و الحقيقة إني كنت متحمسة جدًا للتطبيق دا، كان رهيب، اللي هو أخيرًا فرصة أقدر اعبر عن اللي جوايا، و يبقى عندي أخيرًا هواية بائسة مثلي، و اكون شخص مهم.
و هي الكتابة و القراءة، الصراحة انا معنديش موهبة الكتابة، دي جت بالصدفة عن طريق الخواطر القبيحة المشوهة اللي كنت بكتبها من غيظي في ماما، بعبع حياتي.
و بعدين قلت أجرب أكتب رواية و كدا، فشلت، و قررت اقرأ في صمت بالواتباد فحسب و ألم نفسي.
"رائحة النعناع المختلطة برائحة السجائر"
أخخ، هذه الجملة المقدسة، عند تقريبًا كل قصص الهواة -فانفكشنز- بتاعة هاري ستايلز و ممكن يبقى زين مالك من فرقة إتجاه واحد، بهزر، ون دايركشن.
دا غير روائح ثانية كدا الواحد مش عارف يحددها، لول، لا داعي لذكرها.
اللي هو يجماعة، هو خلاص صندوق واحد و نمتوا فيه؟ غيروا، نوعوا يا ولاد، ارحمونا.
طبعًا حرية شخصية لكم يعيال، بس الواحد زهق من نفس الجملة اللي بتتكرر.
و مش عارفة بصراحة لو لسه بيكرروا نفس موضوع الروائح دا، لكن أرجو أنهم يكونوا توقفوا بجد.
و لأني أحمل عصا العون، فبعد تنقيب في جوجل عن روائح الأبطال و الشخصيات، و ما شابه.
لقيت موقع بسيط، لطيف، و فكرته مغرية و حلوة الحقيقة.
و هو herosmellslike.com.
Oops! This image does not follow our content guidelines. To continue publishing, please remove it or upload a different image.
زي ما انتم شايفين، الموقع عبارة عن مولد، يعني تحط أي إسم و بيطلع رائحة او انطباع عنه، مثلا لما كتبت إسم عزيزنا الأب الكبير واتباد، طلعت رائحته «النبيذ و الأمل». و أنا شايفة إن دا صحيح، لأنه بيعطي أمل لهواة كثيرين، مش عارفة إيه علاقة النبيذ، محدش يسألني. ؛-؛
فكرة الموقع سخيفة شوية، بس مفيدة بصراحة.
تلقائيًا أي شخص عادي يسأل، هو انا لسه هكتب للشخصية رائحة؟ في الحقيقة، الرائحة واحدة من الأمور الإنسانية و حتى الحيوانية، و اللي بتعطي بُعد حي للشخصية الخيالية اللي كتبتها.
يعني مجرد إني اخترع شخصية و أحط صورة قدامي ليها و إسم و أقفل الشخصية على كدا، دا مش كافي يا رفيقي.
إذا كنت عايز تخليني أحس بإنسانية هذه الشخصية، فهي بالأمور المتعلقة بالشخصية، زي طريقة معينة بالمشي، أشول أم أيمن، مثلًا طريقة مضحكة للضحك، عصير أو شراب معين تشربه الشخصية -القهوة صارت مبتذلة-، و الهالة المحيطة بيها، و هنا دور الرائحة.
و هنا وصلنا للنهاية، مفيش استفادة طبعًا.
دمتم سالمين. 💛
أغنية اليوم: CLANN - I Hold You لقناة House Of Youth
