~Reds POV~
"B yuh cook?" As soon as Johnny step inna di house a dat him greet mi wid. True me know a suh him stay mi nuh mek it bother me.
As soon as Kayla left mi mek sure say me put on him dinner cause me nuh wah no argument and fighting dis evening
"Yuh know it nah go kill yuh fi say good evening thou " every time me talk to Johnny bout him habit it just guh thru one ears and come back thru di next
" good evening. So wah yuh cook?" When yuh know how a person stay it come like yuh no mek dem ways get to yuh and dat is di thing with me and Johnny me know how him stay so me nuh mek him ways bother me
"me cook something fi yuh eat dats all yuh need fi know or yuh can go look inna di pot if yuh wah know a exactly wah " Mi tell him as mi go siddung pon di bed inna di one room house.
Me favorite series did about fi start suh mi tun on di TV all ready fi tune in
"suh why yah give mi suh much attitude in yah " just fi tell dis man fi go help himself to di food him say a attitude but mi neva know say Johnny unwise suh much
" Yuh had a bad day today a work?" Me affi really tun me head an look pon him a must a bad day him have and wah Com tek it out on me
"From wah day me a realize yuh. It seem like somebody a come whisper in a yuh ears while me gone a work a day time " no mon dis a get serious. A wah Johnny just say to mi?
"Me nuh seem fi undastand wah yuh wah try say so break it dung fi me undastand " Mi affi really look pon di old Fart bwoy in front a mi. It come like a everyday thing dis tun inna now. Yesterday we did a argue bout woman and today him wah come mek argument bout man.
"Nuh worry yuh self mon just know say mi know all wah deh gwan wid yuh, me a watch yuh so gwan think say yuh smarter than mi" a wah kinda beat round di bush conversation dis.
"If yuh have something fi ask or tell mi yuh nuh say wah deh pon yuh mind instead a deh go round di thing. Mi nuh know a which man argument yuh deh bring to mi but if yuh wah know wah deh gwan yuh nuh ask instead a deh come accuse mi a something. Which man yuh see deh come a yuh yard? Unless a you dem a com to but no man nah come yah to me so back up yuh talk yuh hear mi" me kiss me teeth and start tun up di volume pon di TV cause a so man gwan when dem know dem a cheat dem mek it look like yah do it to and poor me.
Everytime something like dis happen, either me blame him fi something and we argue or him blame me fi something like yah now and we argue it out and then mek up back but me nuh feel say it good enough fi dis thing a happen so often suh.
"Yuh fi member Say yuh nuh have nothing more than wah God mek yuh wid and a me mek yuh be somebody and tek yuh in when yuh never have nobody so member dat when yuh deh carry on wid yuh foolishness " di person who say words cut like knife never more correct cause di way how me feel right now it's like me wah push one sharp object inna di bwoy
" Wah yuh say? A nu me yah talk to so?" Me haffi get up off a di bed and really guh stand up in front a Johnny and point pon me chest and ask him "me, a really me Jada Myrie ya talk to so? After all di time weh me spend wid yuh? When mi did borrow money and lend yuh just fi yuh business go through me never do nothing fi yuh. And yuh should a never be di one fi tell mi bout me family and dat me don't have nobody cause yuh well and know di situation and fi tell mi say me nuh have nothing more than wah God gi me. Me not even go argue nuh more. Me na go tolerate no more a dis" Me no know when me tears did start but all me know is me did Start pull fi me handbag.
Arguing and fighting happen in relationships but when it reach di stage of getting disrespected me have sense and mi nah mek no careless man style me and feel say it alright me nah siddung in a it me rather lef him place and dat is exactly wah me a do right now. Enough is enough.
" B me neva mean it like dat mi just stress and pissed off and me never mean fi tek it out on yuh. Please forgive me " him deh behind me a chat and a apologize but me mek up me mind. Me nah stay here any longer.
Me tek up all a me clothes weh me coulda find at di moment one next day me wi come back fi anything else dat me lef after all me neva have nothing much so it nah go hard fi move out
"just because a something foolish weh me say yuh a pack up and leave. Me never run yuh out eno me just simply say something out a anger and yuh deh get up and a move out like a somebody mad" Me just a ignore him cause me really nah go fight anymore. Me go just tek it and go
"Tomorrow me a come back fi me rest a things " even though it a get late me a lef same way at least nobody nah go really see and can get fi laugh when dem see me a move out. At least him sister can be happy now. She get wah she did wah all along. "don't call or text back me phone either ".
Me tell me self say after tomorrow when mi get everything dat belong to me from out a him place me wi throw back him key inna him face and finally move on with me life. Time now fi find a new life.
**
Love can turn into hate instantly who believe that?.. Comment let me hear what you think.
YOU ARE READING
Fool For Charms
Romance"Anyhow mi see yuh a chat to di man again or even just hear say yuh deh chat to him a pay lick yuh deh get inna yuh face gyal " Mi hold mi right jaw wid me hand afta di box weh willy just gi mi " but mi neva -" Mi did about fi say something when hi...
