حروف خرساء

البارت السادس

(حروف خرساء)
#Akbal_Mahameed
&&&&&&&&&&&&&&

اني سيد سلطان سيد وجدي رسول الله افتخر جداً بهذه النسب  ..مواليد 1985 ضابط رتبه ملازم  ..
من سكنه النجف الاشرف  ..
احب بنت عمي اسمها نجلاء من الطفوله حب فطري  ..
لكن تعلمت ع الصد منها والرفض خطبتها قبل سنتين كنت طالب كلية ورفضت وكانت حجتها انته طالب بعدك شلون نتزوج وانته مامتخرج وماتشتغل  ..

تخرجت وخطبتها ورفضت بحجه بعدني مامخلصه دراسه واريد اكمل كلية يله اتزوج  ..

ماحبيت اجبرها عليه وتالي تكرهني ردتها تكونلي زوجه برضاتها   ..اعترفت الها بحبي ورفضته  ..
حاولت وياها ونفس الرفض كنت اشتعل بناري وانطفي من اشوفها رفضها  ..

نجلاء كانت حلوة بمعني الكلمة طويله ورشيقه  حنطيه وعيونها رصاصي كنت اشوفها حوريه  ..
وهاي الحوريه لازم تكون اليه   ..

بيوم جان عندي واجب خارج المحافظه ضليت خمس ايام اشتاقيت الها موت   .
خابرتها بوقت استراحتي بليل اول شي طلعلي انتضار اشطت لله ويامن انتضار هاي  ..
ضليت اتصل لحد ماجاوبت  ..

سلطان الووو  ..

نجلاء هلاا  ..

سلطان ويامن انتضار  .

نجلاء شعليك...

سلطان احترمي شنو شعليك  ..

نجلاء ايي يااخي شعليك ويامن انتضار..

سلطان استغفرالله يالله انتي ماتعرفين الاحترام  ..

نجلاء لا والله مااعرفه علمني علي  ..

سلطان تدللين من انزل اعلمج  ..

نجلاء يمته تنزل    ..

سلطان باجر  ..

نجلاء امم  ..

سلطان شلونج  .

نجلاء بعد وكت   .

سلطان غير سوالفج لهتني  ..

نجلاء زينه انته شلونك...

سلطان زين نجلاء  ..

نجلاء نعم  ..

سلطان احبج شوكت تحنين عليه  ..

نجلاء سلطان انته تعرف جوابي شنو  ..

سلطان غير اكو سبب  .

نجلاء يااخي هيه نفسيه واني مااحبك  ..

سلطان اخذي راحتج نجلاء باي  .

نجلاء باي  ..

سديته منه وشطت من القهر ماحجيت وياها واله خلتني ناار كبره   .

خلص دوامي ونزلت لبيت اهلي  ..
دخلت للصاله امي  كاعده تقره قران صدقت ورفعت راسها  ..