حروف خرساء

البارت العاشر

(حروف خرساء)
#Akbal_Mahameed
&&&&&&&&&&&&&&

طبعاً اهل سلطان انطو فلوس مال جهاز والخطبه والذهب كالو وره الخطبه تطلع هيه وياه تشتري

اجه يوم الخطبه قبلها بيوم الصبح طلعت تسوكت للخطبه واخذت فستان وردي فاتح الردان كيبور شفاف ومن الصدر كصته دائريه وكبيرة بس يجي فوكاه كيبور يغطي صدري  ..

ورحت للصالون حفتلي وعدلت حواجبي  ..
ومكياج خفيف اجه ابراهيم اخذنه من الصالون  اني وايمان  ..
طبعاً صفا راحت واصارت من اهل العريس كالت عود اجي وياهم لان رجلها ماقبل تبقى صار هواي يمنه  ..
رجعت للبيت ساعه ب1 ونص..
شافتني امي حضنتني وكامت تبجي  .
ام زمرد عين الحارة بارده عليج يمه طالعه تخبلين  ..

زمرد امسحي دموعج راح تبجيني وياج  ..

ايمان يمعودين كولو يالله تره بس خطبه ماياخذها هسه  ..
كعدتني ورتبت مكياجي  ..
صارت الساعه ب2 ونص واجوي اجتي ايمان وتلف بحجابها..

ايمان اجوي ولج  ..
مااعرف ليش ساعتها حسيت السالفه صارت صدك وبعد مامنها مهروب خلاص راح اتزوج وارتبط بشخص طول العمر وراح ادخل الحياة الزوجيه  ..
حسيت اطرافي ثلجت  ..
فززني من افكاري دخلت العلويه وهيه تهلهل  وتصلي ع الحبيب محمد ..

تقربت مني  ..
ام سلطان الف مبروك بنتي يارب زواجه الدهر ومنج العيال ومنه المال  ..
بوستني وباستني براسي  ..

زمرد تسلمين علويه الله يبارك بيج...
اجني خواته باركلي  ..
تالي دخلت صفا  ..
بوستني وباركتلي  ..
صفا الف مبروك  يعمري وج زمرده طالعه تخبلين  ..

زمرد حياتي ولج صرتي من اهل العريس  ..

صفا شسوي خيه غير رجلي ماقبل اجي  ..
كعدت يمي والنسوان تجي تباركلي  ..
جانو جايين خالات حسين خوات امه والعلويه وبناتها ونسوان عمه ثنين وبناتهم  ..

شويه وكالو خلي العروس تجي علمود تيم العقد  ..

كومتني صفا وايمان وكفت وره الباب والشيخ يردد طقوس العقد كال اذا قبلتي قولي نعم وانته وكيلي  ..
رددت وراه وارتفعت الهلاهل  ..
رجعوني بمكاني والكل يبارك ويهلهل  ..
ابراهيم كال تسترن راح يدخل الولد يشوفها  ..
راحن خواتي يلبسن شالاتهن  ..
دخل والعلويه وكايدته  ..
رفعت عيني باوعتله ورجف كل جسمي  ..
لابس قميص سمائي وبنطرون اسود  ..

تقرب مني زاني كمت وكفت لزمني من كتوفي وقربني اله باسني براسي  ..

سلطان  الف مبروك  ..

زمرد الله  يبارك بيك 
كعد بصفي ويباوعلي  ..
اني مخليه اديه بحضني جر ايدي من حضني فزيت
خلاها بين ايديه ويفرك بيها  ..