التصفيح2
ناهد غريبة ماتعاركتي مع راجلك
انا ان شاء الله البوبريص هدا راجلي اجعنى معنسة ف حوش بوي ماعنده حتى السكس بكس
قصى استغفر الله العظيم بدينا ف قلة الأدب
انا مانبيش نقولك حيوان لأنى نحب الحيوانات انا نقصد بالسكس بكس عضلات البطن
قصى من وين تعرفيهم يافانص
انا من مسرح مصر ياحمدي المرغنى
قصى انتي هديكا السمينة
ناهد مبردهم مانحبهم
انا عينك علي ربيع يهبل شخصية بنتزوجه هوا مش البوبريص هدا
سناء ههههه تستاهل ياقصي ماحد يأخد ف حقنا الا لين
انا قصى جيبلنا ايس كريم
قصي نعم ياختى شن أسمه
انا ايس كريم
قصى اسمه جيلاطي بلا بودعة زايدة
انا شفايفي يتفلقو كان قلت جيلاطى واعرة عليهم
قصى اما شفايف وهما سود تقول تسبسي والنبي معاش تدلعي جبتيلي القداد
انا باهي جيبلي ايس كريم بطعم الستربوري
البنات يضحكو
قصي تشوفي فيه الشبشب على وجهك يجيك
وف الوقت الى نحنا كنا فيه نضحكو ونهدرزو فيصل رجع للحوش
لبنى تستعد للأمتحانات وتقرا بالوسع وكانت لابسة شورت وبدي وشعرها لاماته فوق
فيصل قفل الباب بالمفتاح وفصل الجرس وقفل تلفونه ودخل ع لبنى
لبنى نخلعت انت امتى جيت
فيصل كانو عيونه حمر جايك أنتى ياحلوة
لبنى بدت تبكي وترعش انت شن تبي مني
فيصل حول تيشيرته توا تعرفي شن نبي منك
لبنى تعيط بصوت عالي
فيصل قرب منها وصكرلها فمها وأغتصبها
سناء وين لبنى
انا خليها البنت المثالية تلقيها فاتحة كتابتها وتقرا
ناهد تحسابي زيك ياغبية
انا خلي نكلمها وقعدت نتصل بيها لكن ماردت
قصى فتح الباب وكان جايب الجيلاطي ع قولته
انا يامي أيس كريم
قصى والله كان مابطلتي دلع مش حادوقيه
انا عيب يابرو انا ندلع والله ماصارت ياطيري
قصى تعجبني ياكلي تعالي تسمسمي توا
عند لبنى كان شعرها مشفشف وشبه عارية وتبكي
فيصل تعرفي كان تفتحي فمك ولاتخبري حد نهارك الى دوري فيه وامك مش حاتصدقك ولو تكلمتي أنسى دراستك وحاتشوفي شي مش حايعجبك
لبنى كانت تبكي بحرقة وخايفة
فيصل مش حاتكون هدى اخر مرة بنستاحشك ياحلوة
جدي نوضو خشو تضحكو يسمعو فيكم الناس البرا
انا وين بنقعدو ادفنونا وخلاص
جدي والله كان نجي ندفنك وانتى حية نهار اغبر وين زوجنا امك لبوك وجابت الضنوة الفاسدة
انا زعلت ودخلت
قصي حي انتى من قبل شينة وزعلتي كان تشوفي روحك فيلم رعب
أنا شن دنبنا لو هما طلقو ماعمرهم حسو بينا
قصى تعالي نأخدلك حقك
انا كيف
قصى مسكني من يدي ودخل لحمام جاب موس يتبع التصفيح3
جاب موس حلاقة تعالي هيا
انا هدا شن
قصى من زمان انا ناقم عليه لأنه بدال مايورثنا عيون زرق ولاخضر ورثنا الحواجب الكثيفات
انا ههههه زي كرت المدار
قصى هيا خشي بشويا
انا توا ينوض يهجم علينا
قصى نومه ثقيل وقعدنا نقربو منه ورزيناه ف حواجبه
انا عبى الرقم السري
قصى خلي نصوره ههههه منظره يضحك
خالي خش علينا وقعد يشوفلنا ويشوف لجدي وجبدنا من ايدينا وطلعنا شن درتو لجدكم ياكلاب ودخلنا لدار وضربنا بالسبته
ماما شن فيه خيرهم
خالي بري شوفي شن دارو لبوك
جدي طبعآ من لما ماتت حناي تكفل بيه خالي وليد لانه الكبير عندي ثلاثة خوال و4خالات بس يسكنو بعاد علينا
ماما ياغبراتي مالقيتو الا حواجب جدكم تلعبو عليهم
البنات وامهم يضحكو
ماما نوضي نروحو خزي هلى وجهك الناس تكبر ودير عقل وانت تكبري وتهبلي
روحنا وامى تدعي وتعاود
اناخشيت ندور ف لبنى ولقيتها ضامه رجليها وحاطة راسها عليها غريبة مش شادة الشيتات وتقري
لبنى رفعت راسها وكانو عيونها متورمات من البكى
انا لولو حبي خيرك
لبنى شي بس من بكري نحاول نقرا وماقدرت نشد شي ف راسي
انا لا كان ع هدي ساهلة توا نوتيلك حجبات من الطراز الرفيع مش حايكشفك حد
لبنى بتسمت ابتسامة مجاملة مبردك
انا فتحت تلفوني شوفي شن درنا ف جدي انا وقصي
لبنى قعدت تضحك يامجانين مسكين جدي
ماما خشت علينا وين خوك
لبنى نتصل بيه خارج التغطية
ماما اكيد مع صحابه يغير ف جو
جاء الليل
انا نراسل ف قصى ونضحك اما لبنى فاكانت الليل كله تبكى لعند وصلتها رسالة اليوم عشت معاك احلا جو ومتخافيش انتى مازال بنت وحاتقعدي بنت الصراحة امك دارت فيا خير لما صفحتكم غدوة دبري اي سبلة باش نجي نأخدك من الجامعة ونطلعو
لبنى حطت ايدها ع فمها وقعدت تبكى باش مانسمعها
لبنى كانت تحب دراستها ومتفوقة وتخصصها هندسة ديكورات وقعدتلها سنة وتتخرج
ف الصبح نضنا وفطرنا
فيصل كانو عيونه ف لبنى
لبنى ماما اليوم بنتأخر بنروح مع أسيل لحوشهم بنقرو للأمتحانات
ماما كان فيصل موافق حتى انا موافقة
فيصل ماعنديش مشكلة واسيل نعرفوها بنت كويسة
لبنى ناضت من الطاولة وهيا مضايقة ومهمومة
أنا الصراحة مش متريحة ولبنى داسة عليا سر خطير وفيصل من أمتى يخلي فينا نقعدو عند الناس حتى كانهم صاحبتنا لازم نشغل قرني الأستشعار متاعيني قصدي لازم نلعب دور المحقق كونان مشينا للجامعة انا كنت نقرا لغات مش نفس الجامعة مع لبنى
يتبع
