التصفيح39
انا مسكته من رقبته انت ليش تتنفس انا الى نتوجع مش انت
حمزه اسف حبي متوتر هلبه
انا أخر مره تقربني الولاده توجع هلبه
حمزه يدور ف مفتاح السياره التوبه ياحبي
مشينا المستشفى ودخلوني طول جبت طبيعي والحمدلله كانو بنت وولد
حمزه الحمد لله ع السلامة حبيبي
انا الله يسلمك مبروك مازاد علينا
حمزه الله يبارك فيك يا أحلا ام ف الدنيا
خشت ماما ومعاها وداد وحمدولي السلامه
جت الممرضه وجابت الولاد صغار يهبلو
حمزه ياحليلي وكان خايف يشدهم
انا نضحك عليه وهوا يشوف ومش مصدق
ف الصبح روحنا ودرنا لمه كبيره وسمينا حازم وحلا هدا كان أختيار حمزه
ف الليل
حمزه نبي نرقد ياناس
انا حبي نوض شد معايا والله دهشت
حمزه هدا يبي تغيير حفاظته
انا شد عني حلا خلي نغيرله
تعذبنا فيهم واجد وحمزه كان معايا وساعدني فيهم
بعد مرور سنه
سنه حلوه ياحلوين سنه حلوه ياحلوين سنه حلوه سنه حلوه سنه حلوه ياأحلا تنين ونفخو الشمعة
حمزه شوفو هنا يابابا خلي نصوركم
لبني صورني معاهم
سامي تعالو نأخدو سلفي
حمزه اليوم دبري لمن تعطيهم نبيك ضروري مستاحشك
انا ههههههه شوف أمك بالكي ترفعهم
حمزه سامي تعالا نبيك
سامي نعم
حمزه اقنع امي ترفع حلا وحازم نعطيك مية دينار
سامي تحسابني عيل لامانبيش
انا خاطيك الرشوه وتعلم باهي ولو جبتلك رقم ريان
سامي موافق
حمزه فتح فمه تفو جيل صايع ومن ريان هدي
انا ههههه سر
الكل روح ووعت حلا وحازم
حمزه وأخيراً ياعمري انا وانتي
أنا ياقلبي انت وحضنته قعدنا نهدرزو
حمزه اني أسعد انسان معاش نبي شي من الدنيا حتى كان متت عادي
انا بعيد الشر عنك ماتنكد عليا ايوااا
حمزه تعالي ياعمري انت دواك ع فوق السرير
انا واطي
ف الصبح
حمزه يسعدلي صباحك ياعمري
انا صباح الورد
حمزه المطر تصب
انا ايه من الفجر
حمزه بنمشي نجيب الصغار ستاحشتهم لين خلاص
انا افطر قبل
حمزه لا نبي نفطرو جميع حبيبي
انا نمشي معاك
حمزه لا توا نرجعلك ياعمري مش معطل وكان ف لمعه غريبه ف عيونه
انا ماتمشيش
حمزه رجعلي حضني وباسني نحبك شويه ونجي
انا تمام قلبي
فاتو ساعتين وحمزه عطل ومايردش ع هاتفه تصلت بالكل بس مافيش رد
رن الجرس وفتحت الباب كانت ماما ودموعها ف عيونها
انا لا ماتقوليش حمزه صارله شي
ماما حضنتني البقاء والدوام لله.
انا نعيط ونريش مستحيل لا توا كان قدامي وقالي بنرجع ليش ياحمزه لمن خليتني اااااااه ياماما قولي كذب حمزه مامات اكيدا داير يتبعالتصفيح40
اكيدا داير فيا مقلب نبي نموت كيف بنعيش من غيره
ماما تبكي ومش قادره تصبرني
مشيت للمستشفى وشفته كان وجهه منور كأنه راقد طبعآ سبب الوفاه انه حمزه كان قاطع الطريق وجت قدامه سياره واخد صاحبها سرعه وخش فيه
حبيبي افتح عيونك انا جيت بطل براده هيا خلاص معاش تقطعلي قلبي عليك حمزه حمزه ليش درت فيا هكي وعدتني ترجع لمن سيبتني ليش مارفعتني معاك
حضنته وقعدت نبوس فيه كسرتلي ظهري ياحمزه ليش ياربي ليش ااااااااه ياقلبي شن بنقول لولادك من بيرفعهم للمدرسه من بيلعبهم نوض ياروحي ليش خليتني
مات حمزه ومات معاه قلبي وفرحتي الحياه هدي ماتفرح بدال ماتعطي تأخد تفرحك يوم وتبكيك دهر اخيه يادنيا مافيكي أمان اليوم أخر يوم ف العده حمزه ميت ليه4 شهور و 10ايام كأنه اليوم ويقولك الأيام تنسي كذب ليش انا مانسيت مازالت نتوجع بس مانقدرش نعيش ف الحزن طول العمر عشان صغاري ومستقبلهم الليله بنحول اللبس الأسود عشان صغارنا ياحمزه ونوعدك نكبرهم ونعلمهم ونخليك فخور بيهم تمنيت قصتي حياتي تكون زي أغلب الروايات نعيش ف سعاده مع الشخص الى نحبه ونكمل معاه باقي حياتي بس للأسف القدر فاز وانا خسرت هالشي مش معناه اني معترضه ع امر الله لابالعكس الحمد لله ع كل حال ممكن ربي مش كاتبلي نفرح ف الدنيا وفرحتي الكبيره تكون ف الأخره بس مانبيكم تنسو كابوس التصفيح لكل بنت او ام او اخت مصفحه حوليه هدا سحر يسبب مشاكل للبنت وحاتلاحقها حتي بعد الزواج وممكن حتي كان حملت الجنين يتشوه لاقدر الله القرآن والدعاء هما علاج لكل داء مع التوكل ع الله وماتنسو الدنيا فانيه حبو وانحبو سامحو اضحكو افرحو ماتخلو شي ف بالكم لأن بعدين مش يقعد شي غير الندم وكلمت ياريت انا نادمه لأني ماحبيت حمزه من الأول ونادمه على كل لحظه بعدت عنه فيها ماتخلوش الزعل والحقد والكره يفرق بينكم وبين احبابكم أدعولي ربي يصبرني ويقويني باش نقدر نربي صغاري وماتنسو تدعو لحمزه ولأختي لبنى بالرحمه نشوفكم ع خير حبايبي
النهايه
تمنيت نقدر نسعدكم بنهايه سعيده بس للأسف مانقدرش لأن الروايه واقعيه مع الأسف الحياة مش ديما طيبه معانا انا وحده من الناس الى كنت مصفحه وعانيت هلبه منه وبنت جيران نشلت والسبب التصفيح وفيه هلبه بنات عانو منه وللأسف ف بنات استغلو التصفيح وكانو يزنو مع الشباب ياريت توعو الناس الى تؤمن بالتصفيح ف الختام نحبكم كلكم وشكرا على دعمكم واسفه ع التقصير
