#حب بالاجبار
البارت الواحد والعشرون
ل وردالعامري
ساره: دائما بالوقت الضايع يجون اهلج ماما
ام نور: اشش هلا هلا تفضلو عيني
نور: طلعت الهم امي وبابا كله عدي شافهم من لشباك وطلع الهم اتكيناهم وطبو للاستقبال
خالي وزوجه خالي ومحمد
ابومحمد: شلونكم
ابونور: بخير الحمدلله انت شلونك شخبارك
ابومحمد: الحمدلله شلونه الشغل
ابونور: والله ماشيه لحمدلله
ابومحمد: الوضع تعبان بشارع والله صاير احنه واكف شغلنه هل فتره قله بيع وشره
ابونور: شنسوي حالنه حال العالم الناس كلها خايفه واكثرها ده تسافر
ابومحمد: اي والله اخبار بيت اخوك
ابونور: والله استقر بسوريا بلكن يطلعله لجوء
ابومحمد: هااا اي احسله اني ده اكولك ع بيت شسويت عليه
ابونور: هاا قصدك بيته موهمه هههههه دلال مينتعب عليك
ابومحمد: ههههههههه لاهوه ادري بي بسوريا
ابونور: هاا والله اجرناه واجاره احوله اله بين فتره وفتره
ابومحمد: هااا مناوي ايبيعه
ابونور: لا
ابومحمد: والله خوش بيت هوه يجيب سعر اذا تريد اعرضه يمي
ابونور: لامايبيعه يكولك باجر عكبه ارجع
ابومحمد: هاا شلونج نواره
نور: الحمدلله خالو
طبيت بيدي صينيه الجاي وورايه ساره كعك وبسكت بصينه
ابومحمد: يوم زواجج
ابونور: يوم تخرجج قصدك
ابومحمد: يله لاتزعل يوم زواجج وتخرجج
نور: شكرا خالو
قدمت لزوجت خالي وقدمت لمحمد
محمد: مبقه شي ع امتحانات راح تعطلون هسه مو
نور: اي مبقه اسبوع ونكعد
كملت ده اطلع
ابومحمد: وين نواره تعاي خالو خل نشوفج شتاكلين انتي كل مره تحلوين اكثر
نور: هههه شكرا خالو
ابومحمد: شكرا خالو ولخدود احمرن هههه
ابونور: بابا نور جيبيلي مي
نور: تفضل بابا
ابويه من صرت كدامه ده اقدمله المي غمزلي واشرلي براسه مفهمت اني شنو لموضوع ضليت اباوع عليه وهوه بيده لكلاص يشرب انتضر اخذه وامي وخالي يسولفون
