#حب بالاجبار
البارت الخامس والستون
ل وردالعامري
نور: كل الي جنت احتاجه بهل فتره راحه
ومده اكدر ارتاح كل يوم جاينه احد يوم زلم ويوم نسوان وكلها ادك براسي
وصلت لدرجه اكعد الصبح
اسئل ها منو حيجينه اليوم
والي كام كمت اسمع بس مالي حيل اناقش بعد
اليوم جمعه الاحد لجلسه لثانيه للدعوه الي هوه مسويها عليه طلب بيت طاعه
كعدت ويه كعدت الولد قبل ميطلعون للشغل كاعدين بالمطبخ يتريكون حنين وامي يسون الريوك
صباح لخير
-صباح النورر
ام نور: شكعدج الليل كله حاسه عليج تحوصين
نور: كعدت بعد اااا اريدكم بموضوع
ابوعدي: خير بابا كولي
نور: اريد احجي ويه حازم دزو عليه
حنين: ياللله يالله
نور: باوعت عليها سكتت هيه من يوم الي رجعت لبنيه ماشفنه منها شي وتحاول اتصلح ويانه كلنه
ابوعدي: كولي بنتي صاير شي
نور: اريد احجي وياه وجها لوجه وبس
لؤي: سهله اني ابلغه تدللين
عدي: شوكت يعني ليوم
نور: يكون افضل
ابوعدي: تدللين بابا بخدمتج
نور: طلعو للشغل ورجعو ع غده لؤي مبلغه ومتفقين ساعه 4يجي ابويه وعدي يطلعون للمحلات طلبت من لؤي يبقه
وجوده يطيني قوه
ساعه 3:30حازم بالباب
طببه لؤي اسمعه يكوله ماتحملت بعد الساعه متمشي
باوعت ع روحي بالمرايا
عجيبه هل قوه الي عندي
معقوله اني الي جانو يسموني فطيره فاهيه
اني الي جنت كل الي اعرفه ابجي والطم
السلام عليكم
-وعليكم السلام
نور: كعدت هوه كاعد كبالي جنت حته بكعدتي احس روحي صلبه موذيج المهزوزه الي ترجف وادنج
لؤي: اني اترخص احجو بينكم
نور: لالؤي اكعد اني اريدك تسمع الي راح اكوله
حازم: امري نور
نور: حبيت ابلغك اني مااحضر يوم الاحد بالمحكمه ولااحضر لتفريق
ابتسم قبل ميحجي
لسبب واحد ما احضر
لخاطر بنتي ماريدها باجر من تكبر تكول امي وكفت ابويه محاكم
YOU ARE READING
#حب بالاجبار
General Fictionقد تعمى الاعين ويحير العقل وينشغل القلب بحب من لاحب لهم
