عبدالباقي شاف أنس مرمي على الأرض وماسك جنبتو بيدو وبصرخ من الألم نفس السكينة الفضية في بطن أنس كانت داخلة كلها جواهو ما ظاهر منها شي غير نهايتها عبدالباقي جاء لأنس
-الشبح منو القاتل منو قول لي سريع القاتل منو دا منو القتل الناس دي كلها منو القتل ياسر منو قول لي
وبصرخ فيهو أنس ما كان قادر يتكلم ولا حتى يفتح خشمو من الألم بتاع الطعنة كان بنزف شديد حتى الأرض اتملت دم عبدالباقي لسه بسأل فيهو وبصرخ
-قول لي دا منو قول لي سريع
الغواص وعبدالرحمن وزينب وعلم جو طالعين لما شافو أنس في الأرض والدم بجري منو وعبد الباقي جنبو بصرخ فيهو جو جارين عليهو أنس رفع يدو بعد صعوبة عشان يأشر على القاتل عبد الباقي كان منتبه شديد مع يدو لحدي ما يدو وقفت في علم وفجأه أنس مات
عبدالباقي كان بس بعاين لعلم الغواص كان متأثر شديد على موت صحبو جاء مسكو وقعد يبكي
-انت ما عندك ذنب في حاجه أنا الدخلتك في اللعبة وخليتك تشيل ذنب ما حقك انا الغلطت معاك أنا
عبد الباقي مشى لعلم وأداهو بوكس في وشو وبقى بضرب فيهو
-انت الشبح انت القاتل انت القتلت الناس الما عندهم ذنب ديل كلهم قتلت لي ياسر ولدي قتلو انت أصلا انت من اليوم الجيت فيهو وقلت انك ود جليلة وعم يوسف أنا شكيت فيك وقلت انت كذاب ولما شلت القروش وقلت انك حتقعد معانا كم يوم عشان ما عندك محل تقعد فيهو وكمان مشيت المخزن وكنت قاعد فيهو يومين وما طلعت ولا حتى شفت الشمس بعينك كنت قاعد اليومين ديل من أكل ولا شراب وكنت بشوف في ظهرك(انت لا تستطيع أن تتحداني)انا كان مفروض من البداية أعرف انو دا انت انك الشبح لكن ما حخليك حاقتلك زي ما قتلت أي زول وحاعمل فيك زي ما عملت فيهم
بقى يضرب فيهو بقوة ويضربو في بطنو بقى يطلع دم من خشمو كان حايموت على يدو من الضرب الضربو ليهو عبدالرحمن جاء مسكو ولزاهو بعيد منو لأنو كان حايموت
-are you mad?you killed the man and he is not his fault
-هل جننت؟ستقتل الرجل وهو لا ذنب له
وهو لسه مصر يمشي ويضربو الغواص جاء مسكو منو علم بقى يكح شديد والدم بطلع من خشمو
-زينب ودي جوه وأديهو اي حاجه سريع
زينب وعبد الرحمن سندو دخلو جوه
-يعني انت اي زول حاتشك فيهو انت عايز تقتل أي زول كفاية الناس الماتو
-ياخ الغواص ما تمسكني انا عايز أقتلو أنا لازم أقتلو هو الشبح هو
-علم ما الشبح ياخ الشبح زول تاني
- طيب منو منو الشبح انا اقعد كدا لمتين ما فاهم حاجه ياخ انا كرهت اي شي ما ممكن البحصل معانا دا ما ممكن
-انت اصبر انا عرفتو بس فضل الإثبات
-ياخ انت ما قادر تصدق انو علم هو الشبح
-يعني عشان أنس أشر عليهو
-اي عشان أشر عليهو عشان انا شفت أنس في غرفة ياسر وبفتش على الخاتم دا
وطلع ليهو الخاتم
-دا خاتم منو
-انا ما عارف بس أنس كان بفتش عليهو وانا كنت شاكي في أنس لحدي ما هو مات وقبل ما يموت أشر على علم مافي غير علم ممكن يكون الشبح أفهم تاني مافي زول
- لا في
وشال منو الخاتم
-الخاتم دا خلي معي لأنو دا دليل على القاتل فضل لي دليل واحد وحاثبت القاتل
- انت ليه ما عايز تقول لي حاجه ليه مخبي عني
- أنا عايز أتأكد. أول بعدين بقول ليك أي شي انت بس خلي بالك من زينب وعبد الرحمن لأنهم هم الحايكونو مستهدفين بعد دا
-أنا ما فضل لي زول غيرهم ان شاء الله ما تحصل ليهم حاجه
-ان شاء الله أنا حاعرف القاتل قبل ما يأذي واحد منهم أو ممكن يقتل واحد منهم ويخلي واحد
-كيف يعني يقتل واحد منهم؟يعني زينب او عبدالرحمن حايموت؟
-للأسف في واحد حايموت
الغواص طلع وخلا عبدالباقي قاعد محتار راسو شيب من التفكير الكتير فقد الأمل في أي شي بس منتظر البحصل
عبدالباقي كان شاكي في علم وما مطمن ليهو قرر انو يتجسس عليهو يمكن يعرف الحقيقه
بالفعل مشى المخزن بقى واقف بره كان عايز يشوف علم بعمل شنو جوة المخزن قبل ما هو يجي لكن ما عارف كيف شال حديدة وبقى يكسر بيها عشان يعمل فتحة في المخزن ويشوف بيها علم بالفعل عمل ليهو فتحه صغيرة شديد بالحديدة يعني علم ما حايحس بيها بقى منتظرو لحدي ما طلع من البيت ومشى الحديقه وهو جاي على المخزن عبدالباقي كان مراقبو لحدي ما دخل المخزن وهو كان واقف بره
