وصلو جوا وبقو يفتشوا مقدام وزعهم لفرق اي اتنين يمشو لجهه وهو اختار يمشي الغرفة الارضيه بقى ماشي ماسك المسدس بتاعو في يدو ومجهزو بمشي خطوه خطوه عشان م يصدر صوت لحدي م وصل الغرفه وخشى براحه كان بتلفت عليها لكن م شاف حاجه كانت فاضيه ونضيفه وم فيها أثر دم بقى مستغرب الغرفه دي متين اتنظفت كدا؟!!ومتين بقت فاضيه؟؟!طلع من الغرفه وطلع ع السلم ومشى الطابق التاني بقى يتلفت ويصرخ
-اطللللللع يعبد الباقي انا منتظرك
كان صوتو برجع في صدى فتح كل الغرف الفي الطابق التاني وفي كل غرفه كان بسمع صوت وااااااااه ههههههه وكان بلقى مكتوب في الحيطه بالخط الاحمر
-you can not challenge me
-انت لا تستطيع أن تتحداني
الحاجه دي خلتو يعرف انو عبد الباقي كان هنا وانو هو الراجل العجوز الكان متنكر زهجج شديد دمو فار قام طلع ع الطابق التالتتت فتح أول غرفه سمع نفس الصوت ولقى مكتوب في الحيطه نفس الجملة وفتح الغرفه التانيه والتالته وكان نفس الشي لما فتح الرابعه سمع خطوات زول وراهو لكن م شاف الزول بس كان في سراب في السلم وصوت اقدام طالعه قام جرا وطلع ع الطابق الرابع فجأه السراب دا اختفى وصوت الاقدام بقى ماف لكن اتأكد انو عبد الباقي هنا وم طلع من القصر
القصر كان عباره عن ناطحات سحاب والسلالم عباره عن متاههه تطلع من واحد تدخل في التاني لكن مقدام طلع كل السلالم دي وم كان مركز في التعب وكل م يطلع سلم كان بشوف سراب عبد الباقي طالع فوق وبلحقو كان زي الزول الجاري وراء حاجه م موجوده لحدي م وصل نهايه القصر لقى نفسو في مكان عالي شديد والهواء بضرب فيهو للحظه حس السماء قريبه منوو حتى السحب كان بحس لو رفع يدو ممكن يهبشها بقى يعاين في كل الاتجاهات لحد ما وقعت عينو في عبدالباقي كان واقف ذي الصخره بدلتو السوداء المعتادة وساعتو الفضيه الفخمه كان مرتب لحيتو بطريقه جذابه وشعرو السبيبي الأسود ماكان شايل حاجه في يدو وكأنو مستسلم للموت
-مقدام م صدق انو شافو قدامو ووجهه عليهو المسدس وقال بنبرة حاده أرفع يديكك
عبدالباقي رفع يدينو باستسلام
-وكان مستاء
- يعني انت العملت المصايبب دي كلها يعني انت القتلت الناس دي كلها يعني انت القتلت نرجس البت البحبها انا والهلي خطيبتي هههه يعني انا اسي واقف قدام قاتل البشر شخصيا لي الشرف والله يعني انت الخليتني اتجرجر الجرجره دي كلها وراك كل الشهور دي ويااااااهه
-عبدالباقي بكل برضو ابتسم ليهو ابتسامه عفويه كأنو بقول ليهو اي انا قدامك وفتح يدينو شديد وقال ليهو مش انت تعبت كتير عشان تلقاني انا اسي قدامك قاتل البشر شخصيا واقف قدامك وبدعييك انو تقتلو طيب منتظر شنوو؟
يلا اقتلني من غير م تردد
-ويبين يااا بالبساطه دي؟
يعني انت بعد التعذيب العذبتو للناس والخوف الدخلتو في البشر والعملتو في أهلهم عايزني اقولك بالسهولة دي ؟!!م حذرتت يولد بلدي
