#حب_مقتول
حلقة 5
قصة من وحي الخيال
للكاتب محمد مالك
__
بابا..شد ايد شريفة: خيرك شن فيه
شريفة: ذهبي نخنب
في الحظة هادي الاخوة الستة شكو في بعضهم
ماجد شك في سلسبيل بتنقتم من سالي واستغلت موقف امس قالت حيشكو فيها
احمد شك في سالي قال اكيدة هيا
وسلسبيل شكت في عمر
وسجى شكت في ماجد قلبها قالها هوا
اما عمر شك في احمد لانه قال ناقصينه فلوس وحوشه مكملش
اما سالي شكت في شريفة انها كذابة
بابا..خش داره طلع مفاتيح الحوش
ومشى للباب وسكره بالمفتاح
بابا: مفيش حد يطلع من اهنى لن نعرفو من خنب الذهب والي خنبه يطلعه توا نسامحهه
سالي: تشك في صغارك يا بابا اكيدة شريفة كذابة
بابا: انتي سكرى فمك كلكم متحبوهاش هاده علاش انشك فيكم تبو اضروها ولو بشوية
ماجد..حط ايده ع راسه : استغفر الله العظيم
احمد: وشن الحل توا به
بابا: اكيدة الذهب مطلعش من الحوش قاعد بنفتش كل مكان والي نلقا عنده الذهب يا ويله طلعوه خيرلكم راه
عمر..يضحك بصوت عالي: من نيتها السودة ان شاء الله معاش تلقاه
بابا..تلفت لي عمر: متاكد انك انتا اني افتح الشنطة ترا
عمر: لا مش فاتحها
بابا..بعياط: افتح قتلك
عمر..ضرب الشنطة برجله: تفضل شوف مش ترضى عزوزة الشمطاء الي عندنا
شريفة تفنص في عيونها
بابا فتح شنطت عمر وقعد ينكت فيها وطلع كل حوايجه ملقاش حتا حاجة
عمر: ان شاء الله استريحتو
بابا.: دارك مزال
عمر: تفضل فتش براحة راحتك
خش بابا فتش بعد شوية طلع ملقاش حتا حاجة
عمر..خدى شنطته: نستاذنكم اني
شريفة: شن متبيش تعرف الخانب ؟
عمر: اكيدة انتي خوتي ميديروهاش يا سوسة
خدى شنطته وطلع
بابا فتش دار احمد وماجد وسجى
وملقاش اي شى
احمد مش عاجبه الي صاير كيف فتشو داره
بابا: توا يا سلسبيل يا سالي مزال انتو
ماجد..في دماغه شكله شكى صح سلسبيل خنباته
ركب بابا وشوية طلع من الدار وفي ايده الذهب اهنى كانت الصدمة المرسومة ع وجهه الكل
YOU ARE READING
حب مقتول
Mystery / Thrillerاخت تؤام تغدر باختها ع خاطر شخص ولا يسوا 💛 قصتكم اليوم معا سالي كيف حتتعامل معا مرت بوها واختها وحبيبها وعائلتها وجريمة القتل الي حتصير 💛
