الراقصه والمجنون
للكاتب: علي الحياني
رنا تصرخ وروان تصرخ راح نموت ...
اشوف السيارة اجتي سرريعه نضربت بالرصيف مال شارع نتضرنه شوي مانفجرة الناس طلعت تتراكض اخذة البنات وطلعنه اباوع السايق السيارة ضاربه قناص ومكتول والامريكان واكفين يم السيارة وجاي يطلعون العوائل ..
طلعنه وبسرعة رجعنه للبيت روان وجها اصفر ورنا ميته خوف واني اهدي بيهم ..
اووف وين من نروح موت وكتل وطائفيه والناس خايفه من الوضع ..
وصلنه البيت عمي بسام...اغشع وجوهتكم لونها اصفر شبيكم ...
ها لاعمو مبينه شي ..
طبينه للستقبال عمي مروان ...حساني شبيك ..
مبيه شي عمو بس صار نفجار وربك سترنه ..
شنوو نفجار شنو. اني طلعتكم من تهديد اجيبكم للموت والله اليوم مانضل صيح سناء روان حضرو الغراض اليوم ماشين ..
اخويه ابو عمر وين غايحين قعدو اليوم عدنه ضلو هسه وين تغوحون بهالوقت ...
لا خويه هسه نطلع وناخذ فندق والباجر ندور ع بيت ونستقر اربيل أأمن من الموصل ...
والله اليوم ماتغوخون باتو والصباح رباح ..
روان .. طبيت للغرفه تمددة ع السرير احس بطني تموتني من الالم دقيقه بعد دقيقه الالم يزيد طب حسن للغرفه ...
شبيج ترى شغله عاديه هذا الوضع هيج صاير كله نفجارات والموت صاير فدشي عادي ..
حسن جاي امووت ..
شنوو شبيج ..
حسن بطني جااي تمووتني اوووف حسن الحكني ابجي من الالم وعصر ابطني ...
حسن ...شفت روان جاي تتالم ردت اخذها للسيارة متكدر تمشي ...
حسن راح امووت الحكني ...
شلتها وطلعة ركض بيها نزلت عمتي رسل تصيح روان شبيها
طلع عمي مروان وعمي بسام وعمة سناء يتراكضون اباوع رنا مخليه اديها ع حلكها وتبجي اباوع الروان غامي عليها صيحت افتحو باب السيارة بسررعة خليتها بالسيارة وتوجهت للمستشفى مانتضرة احد الطريق احسه صار سنه اسووق سريع ودعي يارب يكون مابيها شي ادعي وبجي يارب اخذة روحي مني ونطيتني روح يارب خليها الي طبيت للطوارء ونزلتها ع السديه بسرعة وطببتها للدكتور كالي بسرعة وديها القسم النسائيه ..
وديتها ازدحام ماكو مكان الناس من شافو حالتها نطونه سراهم وطبينه بسرعة الدكتورة فحصتها كالت حضرو غرفة العمليات صاير عدها سقاط ...
اني صفت سقاط شنو باوعت للدكتورة كالت الجنين ميت بطنها ولازم نسويلها عمليه ولا نخسر الجنين والام ...
VOUS LISEZ
الراقصه والمجنون
Roman d'amourقصه تتكلم واقع شاب عاش تجرية صعبه في حالة فقدان العقل واصف نفسه بـ(المجنون) فكيف حدث هذا الجنون له؟؟؟ ومن هيا الراقصه؟ ماهوا المفقود في نضره؟؟؟؟ ومن الموجود؟؟؟ الراقصه والمجنون للكاتب: علي الحياني
