السلام عليكم احبتي متابعيني وعائلتي الثانية اليوم حيكون اخر يوم بحياة الجزء الاول للراقصه والمجنون وانشاءالله حبدي وياكم بنشر قصة الفاتنه والثعبان. مشاهدة ممتعه
🌷🌷🌷🌷🌷🌷🌷🌷🌷🌷🌷🌷🌷🌷🌷
الراقصه والمجنون
للكاتب علي الحياني
حسن ..الوو منو وياي الوو اسمع صوت هوسه وناس اصواتهم عاليه بس كلشي ماافتهم من عدهم يحجون كردي اني ضليت فاتح الخط
الووو حسن اني اسف لان اتصلت عليك بهيج وكت متاخر
حسن ... والله هذا صوت الضابط. لا عادي سيدي كول ياالله بشرني شصار من باسل.
الضابط... والله ياحسن اجتي سيارات من القنصليه السوريا اخذته وراحو وين محد يعرف حته اني اتبعت وراهم وماعرفتهم
حسن ... يعني شلون هسه باسل طلع من السجن رغم كلشي سواه
الضابط ... انت دير بالك على نفسج وعائلتك من تطلعون اخذو حذركم واني وياك شتحتاج اتصل عليه
حسن ... شكرآ الك والله متقصر ابشي واني تعبتك وياي
الضابط ... عادي ولايهمك
حسن ... سديت الخط وذبيت الموبايل على التخم خليت ايدي ع راسي احس راسي راح ينفجر من الالم
روان ... حياتي لاتشغل بالك انشاءالله ماكو شي وباسل هسه ترحل السوريا انت لاتفكر زايد والله تتعب
حسن ... باوعت عليها حسيتها خافت رجعت نزلت عيوني بالارض روان خلت ايدها على كتفي واني حاير معرف شسوي اووووف
روان ... سلامتك من الاووف حبيبي حساني حياتي لاتضوج نفسك خلاص انسه الصار
حسن ... شنسى رحمة لهلج هسه صرت اخاف عليكم اكثر من قبل باسل كلما يطب السجن يطلع وجاي يتحداني ويطلع بوجهي بين كل فترة
بعد اذا طلع بوجهي مرة ثانية مراح اتردد بشي اكتله ونهي كلشي لان هيج انسان منكدر نتوقع شي منه يغدرك وانت بنص بيتك
روان ... حياتي يلا كوم وياي كافي سهر ترى تعبنه يلا يلا الى النوم كافي تفكر وتشغل بالك يلا حبيبي
كوم نام الباجر ورانه طلعة البغداد وطريق طويل وانت تتعب بعدين يلا حبيبي
حسن ... كمت تمددت اريد انام مكدر. اتقلب بفراشي ومااكدر انام ضليت افكر بالمستقبل الا تعبت ونمت
حسيت على صوت روان تكعدني فزيت هي متمدده يمي وتباوع عليه تعدلت وكعدت يمي وتلعب بلحيتي وتبتسم يلا حياتي كوم ترى عمو سئل عليك
حسن ...ليش الساعه اشكد ولا كاعدين من وكت
روان ... الساعه بل 8 يلا حياتي كوم ترى استخدم القوة ضدك اذا ماكمت
أنت تقرأ
الراقصه والمجنون
Romanceقصه تتكلم واقع شاب عاش تجرية صعبه في حالة فقدان العقل واصف نفسه بـ(المجنون) فكيف حدث هذا الجنون له؟؟؟ ومن هيا الراقصه؟ ماهوا المفقود في نضره؟؟؟؟ ومن الموجود؟؟؟ الراقصه والمجنون للكاتب: علي الحياني
