يسر والخمر وليالي العسر 🖤

يسر والخمر وليالي العسر5 🖤

بارت 5
...........
لا يسمح او يحلل نشرها بدون ذكر أسمي
................
🖤✔بقلم حنين الربيعي ✔🖤
...............

صباح الخير عليكم حبايب
.....

اجة تقدم علية واني واكفة بمكاني لا أخذ ولا انطي

وصل يمي بينا مسافة كلش قليلة باوعت يمنى يسرة

ماكو منفذ بس الباب وشباك تهوية صرت ارجع ليورة

وهوة يتقدم

: ولج ساقط... دافع ثمنج أني شلون هيج تجرأين

وتمدين ايدج علية منو تكوني تعرفين اني منو وشنو

بكلمة وحدة اوديج ورة الشمس

: جان يحجي ويتقدم علية لحد ملزمني من راسي

كمت ارجف وقلبي يدك دكة ما اعرف شنو بس خوف

ضربني راشدي فر وجهي فر ورجع لزمني من شعري

وذبني على جرباية من حلات روحي وخوفي ضربته

على المنطقة الحساسة كام يتلوى ركضت افتح بالباب

بس مقفول رجعت انجريت من شعري خلاني بالكاع

وضرب راشديات

: ولج كحب...بنت الشوارع تسترجلين علية اعلمج

اليوم ميطلع عليج صبح 

: انتهيت من الضرب احس فكي انكسر من قوة الضرب

شالني وشمرني ع سرير وبعد ما ادري شنو صار

بس صوت هوسة قوية

: يلا بسرعة فتشو المكان كله والقو القبض على جميع

: سيدي بقت هاي الغرفة مقفولة

: روحو اني اشوف شكو بداخلها

: بس سيدي شلو

: مصطفى كتلك روح ولتلح ....

يسر : فتحت عيني وغواش وجع مكان أضلم  بديت

أوعي باوعت زين هاي وين أني كل الي بالحفلة

موجودين يمي شفت بنية تبجي سألتها كالت بالتوقيف

شنو توقيف

: سجن

: ضليت صافنة على روحي وعلى ؤقتي وين وصل بية ..

هاي تاليتج يا عسر وكعتي ضحية أخطاء غيريج.

ههه وسدادة ديون الخمر ضليت اتفحص المكان 

بعيوني وكل جزء بيه شفت قصي وين راح

يا ترى عرفني اي متأكدة عرفني لئن بينت علامة

الذهول والصدمة على وجهة بس معقولة عافني

وراح اجو الحراس نادو بالاسماء ومن ضمنهم أسمي