يسر والخمر وليالي العسر 🖤

يسر والخمر واليالي العسر32🖤

بارت 32
...............
لا يسمح او يحلل نشرها بدون ذكر أسمي 🖤
...................
❤✔بقلم حنين الربيعي ✔❤
........................

نزلتني هم ركصت وياهم

والكامرة مشتغلة لعبنا لعب حتى سوينا قطار واني

بالبداية وافترينا داير مداير الميوزة اجواء ولا اروع

ولا عبالك اني العروس شكد جنت شايلة هم وشلون

اتصرف وشسوي ههههه بس خبالات هية الفرحة

مرة بالعمر بس ما اكلت كلشي حتى جابو كيك ما

اكلت خفت لئن ام فاطمة هنا بعدها شغلو اغنية

ردح وكلها نزلت تركص واني وياهم كالت راح يتفضل

العريس يودع عروسته حتى يروح الحفلة توديع

العزوبية اجة قصي ويا عدي وام قصي بس تهوس

وتركص صار بيها كل الحيل حتة انكلها اكعدي ماكو

مترد. تكول عرس الغالي خلوني شافها عدي

: يمممممه ضمي الباجر مو بليل تكومين تبجين

: ولك وغممه خليني فرحانة اليوم والله كريم الباجر

عود اشرب هذا ابو طلي مدري بقر

: شنو يمه

: هذا النطيته اليسر وكتلها يسوي بيج كل الحيل

: هاااا ههههههه يمه بربج طلي وبقر

: وصل يمي قصي وجرني شغلو اغنية هادئة ركصنا

سلو بعدها كامن يصيحن ردح ردح طلعت ردح

وكلها تركص شالني قصي وفرني وعدي هم شال

نادين وفرها وهية تضحك حتى تريد توكف على

رجليها من الضحك

متكدر ضلو شوية يركصون وراحو

نادين : ولج يسر تعاي اكعدي كافي

: اي والله تعبت رحت كعدت جان تجي يمي نادين

رفعت البدلة وكعدت

: اكلج زلمنا بس لا سكارة

: ليش

: ولج مشفتيهم عدي بعرسي مسواها وشلون يركصون

وبين النسوان مستحيل يسوهة ممصدكة صاحين

: حتى اني تفاجأت من قصي تدرين الطريق كله

يوصي بية اذا كالن اركص وياها ارفضي استحي

بينهن حتى هذا السلو

: ولج حتى اني ويحذر بية ما اركص متشوفين هسة

متفاجأة منهم شغلتهم مو خالية احنة نبسبس ودخل