دخان بقلم /لولو_محمد (كامله)

الحلقه ٢٠

#lolo #لولو_محمد
((((((دخان)))))))
الحلقة العشرون

......
فى البيت عالسلم من فوق
نعمه معاها ازازه زيت بتكبها على اول سلمه فوق
نعمه/ اول ميوصلوا هناديكى عشان تنزليلهم متفككه مليون حته يا حيزابونه يا وش الفقر
........
فى العربيه
ياسر / كدا اشتريت كل حاجه تورته و جاتوه و ساقع و ساليزون و باتيه و حلويات شرقيه و باتونساليه ناسين حاجه
ياسمين/ ايه ريك نجيب بلالين و زينه
ياسر/ تحت امرك
ياسمين/ انا فرحانه اوى لليلى
ياسر/ و انا كمان بس ....
ياسمين / بس ايه
ياسر/ لازم تعرفى حاجه مهمه اوى بس خايف اقولك
ياسمين/ قول متخافش
ياسر/ زمان لما كنت بشرب و كدا عملت حاجات كتير غلط بس عمرى مخت حاجه من واحده غصب عنهم
ياسمين/ و المشكله
ياسر/ ماعدا واحده بس
ياسمين/ مش فاهمه
ياسر/ انا عارف انى المفروض ابقى بحسن صورتى فعنيكى بس يمكن اعترافى ليكى يخفف من وجع ضميرى
ياسمين/ انا بدات اتنرفز
ياسر/ انا اغتصبت ليلى
ياسمين/ انت بتقول ايه انت بجد بتقولى الكلام ده
ياسر/ بصى كنت فاكر فى وقت بس مكنش فى وقت
ياسمين/ دا عزرك يعنى
ياسر/ مكنش ليا عزر لاى حاجه عملتها زمان بس اللى كنت بعمله كان غصب عنى كنت ببقى مبسوط بدموعهم
ياسمين/ انت مريض
ياسر/ انا كنت بتحول لوحش و مكنش فى مخلوق بيقف قدامى كنت باذى اى حد يقرب منى و خصوصا بعد مازيتك ليلى كانت صاحبه اخت واحد صحبى كان يوم شتا و طلب منى نروح نجيب اخته عشان اتزنقت فى المطر و مش عارفه تروح ليلى كانت فى تالته ثانوى ايامها و كانت اول مره اشوفها كانت مبلوله من اولها لاخرها صاحبى قلع الجاكت بتاعه و اداه لاخته فعملت زيه و اديته لليلى و بقيت اروح كل يوم اقف مكان مختها لحد معرفت بتروح امتى و بتيجى امتى و مشيت وراها لما عرفت كل مواعيدها بقيت زى ضلها لحد فيوم جت تتخانق معايا و كلمه منى كلمه منها مفيش كام يوم و بقينا اصحاب بدات تزوغ مالدروس و تقابلنى فجاه لقيت ورق سفرى خلص و ليلى مكنتش بتسمحلى حتى احط ايدى على جسمها
ياسمين/ فختها غصب عايش ازاى
ياسر/ انا كنت فاكرها ماتت لما رجعت ولقيتها فوشى
ياسمين/ يعنى هترتاح اكتر لو كنت قتلتها طب كانت قتلتها فعلا
ياسر/ ربنا اداها واحد احسن منى مليون مره
ياسمين/ هتقول لليلى الكلام ده
ياسر/ انا اصلا مش عارف ليه قولتهولك بس ارتحت انك عرفتى
ياسمين / بس فى واحده تانيه حاولت تاخدها غصب
ياسر/ مين
ياسمين / نعمه و احمد لحقك
ياسر / لا لا لا محصلش  ...ثانيه انتى عرفتى منين انى حاولت مع نعمه
ياسمين بارتباك / متغيرش الموضوع
ياسر/ لا بجد عاوز اعرف
ياسمين / ليلى قالتلى تقريبا يا احمد يا نعمه قالولها
ياسر/ اولا انا عمرى مبصيت لنعمه اصلا
ياسمين/ امال احمد ....
ياسر/ هحكيلك
ياسمين / اتفضل
ياسر/ لما سبتك كنت مدمر بدات املى حياتى باى حاجه تدمرنى مخدرات و خمره و بنات اى حاجه مدمره و خلاص كل يوم كنت اروح البيت و معايا واحده او اتنين  و احمد كان بيتخانق معايا كل يوم و عمرى مسمعتله و كل يوم اسوء ماللى قبله و فيوم كنت متخانق معاه جامد و كرش البنات و قالى انه هيبلغ الشرطه فنمت  و كنت مدايق جدا مفيش نص ساعه لقيت نعمه داخله و كان معاها كوبايه عصير قولت فى الاول احمد باعتها عشان يصالحنى خلتها تدخل و خدت العصير اقسملك انه زى مبقولك حصل هى اللى جت جنمبى و قعدت تقولى متزعلش اسلوبها و طريقتها و قاعدتها كانت مستفزه انا ماجبرتهاش على حاجه بالعكس كانت بتساعدنى
ياسمين/ انت متاكد ماللى بتقوله
ياسر/ و رحمه ابويا هو ده اللى حصل مع نعمه
ياسمين/ امال احمد
ياسر / فجاه احمد فتح الباب و شافنا هى صرخت كانى كنت بغتصبها  فاحمد اتخانق معايا قولت خسرانه خسرانه انتوا الاتنين متلزمونيش شدتها من شعرها و رمتها تحت رجليه و قولتله اهى عندك اهى انا اصلا مش غاوى خدم هى بقى نزلت على رجل احمد و باستها و جريت بره فاحمد اتخانق معايا تانى
ياسمين/ طب ليه مدافعتش عن نفسك
ياسر/ انا عيل زباله مكنش هيصدقنى دا غير ان نعمه متربيه معانا ابوها و امها معانا من زمان اقولهم ايه بنتكوا شمال لا و مين اللى بيقول عيل سكرى و مدمن و بتاع نسوان فسكت و خلاص
ياسمين/ بس الكل فاكر انك
ياسر/ اللى عملته فحياتى مش دى اللى هتزوده المهم
ياسمين/ المهم اننا لازم نروح عشان ليلى مستنيانا
ياسر/ ياسمين انا حكيتلك عشان انا عاوزك تبقى عارفه انا واثق فيكى اد ايه و بجد عاوز ابدا حياتى معاكى من جديد
ياسمين/بص انا مش عارفه اقولك ايه يا ياسر بس فى اى حاجه تانيه تحب تقولها
ياسر/ لا كل علاقاتى التانيه ياما كانت مدفوعه ياما كانت بمزاجهم موعدتش و لا واحده باى حاجه كنا بننبسط و بس
ياسمين تبص فى الارض و تسكت
ياسمين/ سمعت من زمايلنا انك عملت كشكول انجازاتك و حاطت صورتى فيه
ياسر  / اه للاسف كانت فكره غبيه كل بنت عرفتها حطيتلها صوره فيه حتى ليلى كانت اخر واحده
ياسمين/ و هو فين
ياسر/ معرفش دورت عليه امبارح عشان احرقه ملقيتوش
ياسمين / انت احتفظت بيه ليه اصلا ليه محرقتوش لما رجعت
ياسر/ مجاش فدماغى ابص عليه حتى نسيته خالص و اول مفتكرته دوخت عليه ملقيتوش
ياسمين/ كنت ناوى تعمل بيه ايه اصلا بتعمله ليه
ياسر/ لعب عيال انا لو كنت ناوى اعمل بيه حاجه كنت خته معايا او على الاقل ....يابنتى دانا كنت مخبيه تحت الدولاب و مفيش مخلوق شافه ...غير ليلى مكنش فى وقت اللزق الصوره بعد متمشى فطلعته قدامها
لحظه صمت
ياسمين/ بتفكر فايه
ياسر/ تفتكرى ليلى فاقده الذاكره بجد
ياسمين  بارتباك /احنا اتاخرنا اوى لازم نمشى
........
فى البيت
نعمه/ هى الوليه دى مش ناويه تنزل بقى و لا ايه اناديلها يعنى و لا اعمل ايه .....ست ندى ..،، ست ندى
ندى تطلع من اوضتها تقف تمسك فى ترابزين  الدور التانى و تبص على نعمه فى الهول
ندى / انتى فاكره نفسك فى الحاره واقفه بتنادى كدا فسوق
نعمه/ كنت عاوزه اقول لحضرتك يعنى
ندى / تقوليلى ايه تطلعى فوق و تخبطى عليا مش اسلوب الشوارع ده
نعمه/ حقك عليا يا ستى اخر مره معلش
ندى / كنتى عاوزه تقولى ايه
نعمه/ الغدى جاهز
ندى/ و انتى شايفه حد جه هاكل لوحدى يعنى انا هدخل انام مش عاوزه وجع دماغ
ندى تمشى
نعمه/ وجع فبطنك يا بعيده ماشى وربنا لوريكوا يا عيله زباله
ليلى تدخل
ليلى / مالك يا نعمه واقفه كدا ليه
هانيا / انا هطلع اغير هدومى
نعمه/ لا لا لا استنى
ليلى/ ليه
نعمه/ تطلع ازاى مش تسلم عليا الاول دى حبيبتى انا هطلعها بنفسى
ليلى/ طب طلعيها و انزلى بسرعه عوزاكى فموضوع ضرورى
نعمه/ خير
ليلى/ طلعى هانيا الاول و انا مستنياكى هنا
نعمه /حاضر
نعمه تطلع بهانيا فوق و تشيلها و تنط بيها السلالم قال يعنى بيلعبوا و تاخد بالها مالزيت
ياسر و ياسمين يدخلوا
ياسر/ اوعى تقولى اتاخرنا
ليلى/ مالك يا ياسمين
ياسمين / لا ابدا مفيش الف مبروك
ليلى/ الله انتوا جايبن زينه طب يلا نعلقها فورا
ندى من فوق / انتوا جيتوا ياولاد انا نزلالكم
ليلى/ استنى يا ماما روحى اقعدى مع هانيا لحد منخلص تعليق لحسن تنزل و تبهدل الدنيا و ابعتيلى نعمه بليز
ندى /هو احنا عندنا حفله النهرده كمان و لا ايه
ياسر/ ان شاء الله اتنين يا ماما
ليلى/ ابعتيلى نعمه بسرعه بليز يا ماما
ندى / حاضر
ندى تدخل اوضه هانيا / ليلى عوزاكى تحت
نعمه/ هو حضرتك نزلتيلها
ندى /لا انتى هتقضيها رغى انجزى يلا انا هكمل لبس هانيا حبيبه انا
نعمه تخرج و تنزل بحزر و ماسكه فى الترابزين جامد
ياسر/ مالك انتى اول مره تنزلى سلم و لا ايه
نعمه/ هه لا بس دايخه شويه
ليلى/ خير سلامتك يا نعمه
نعمه/ لا متقلقيش انا بقيت كويسه ازيك يا ست  ياسمين
ياسمين/ مش تباركيلى
نعمه/ الف مبروك على ايه
ياسمين/ ياسر طلب ايدى و انا وافقت
نعمه ترفع حاجبها و تبص لياسر و بعدين ياسمين / والله فرحتلكوا اوى فوله و اتقسمت نصين عن اذنكوا بقى اما ارقع زرغوطه
ليلى/ خليهم اتنين
نعمه/ بجد خير ان شاء الله فرحينى
ياسر/ ليلى حامل
نعمه/ لولولولولولولولولى
ليلى/ احنا هنعمل حفله مفاجاه لاحمد هو زمانه جاى عوزاكى تاخدى الحاجات دى المطبخ و تظبطيها و احنا هنعلق الزينه
ياسر/ هو فى سلم هنا صح
ليلى/ فى سلم فى المطبخ و واحد فى الجنينه
ياسر/ طب ممكن اخد بتاع المطبخ لو سمحتى يا نعمه
نعمه/ ثوانى و اجيبه
نعمه تجيب السلم و ليلى و ياسمين و ياسر ينفخوا البلالين و يعلقوها و نعمه ترص الاطباق و تظبطها
ليلى / كدا كل حاجه جاهزه
ياسمين/ لا فى حاجه مهمه ناقصه
ليلى/ ايه
ياسمين/ العروسه ايه اللى انتى لابساه ده اطلعى يلا غيرى هدومك و اللبسى حاجه كدا و اظبطى شعرك متنزليش الا لما العريس يوصل
نعمه / لا مهى حلوه اهى
ياسمين/ لا طبعا مش حلوه يعنى لو حبينا ناخدلهم صوره تطلع بالجينز ده كدا و بعدين لو سمحتى تنضفى المكان مطرح اكياس الزينه و البلالين المفرقعه دى
نعمه تبصلها / تحت امرك يا ست ياسمين انا بقول يعنى تطلعى معاها و اهو برده تساعديها فى اللبس دانتوا حتى هتبقوا سلايف
ياسمين / لا طبعا هنبقى اخوات بس برده معاكى حق يلا يا ليلى
ليلى/ لا معلش يا ياسمين انا مبحبش حد يدخل اوضتى دى مملكتى انا و احمد هو صحيح هانيا اقتحمتها بس اهو عقد اوعى تزعلى منى
ياسر/  خلاص يا ياسمين سيبيها براحتها و بعدين انتى عاوزه تسيبينى هنا لوحدى تعالى نتكلم جوه شويه على منعمه تخلص ترويق المكان و ليلى تنزل
ياسمين / خلاص اللى تشوفوه
من فوق
ندى / مامى شوفتى لبست ايه انا نزلالك
ليلى/ خليكى يا روحى انا طالعه
ياسر / ينهار ابيض فضلنا نرغى اهو احمد وصل
ليلى / دى فعلا عربيته
ياسمين/ اطلعى اجرى و احنا هنعطله
ليلى/ قولوله ان دى حفله عشانكوا ها اوعوا تحرقوا مفاجاتى
ياسمين / طب اطلعى بسرعه بقى انتى لسه هترغى
ليلى تطلع السلم بسرعه و تتزحلق فى الزيت و تنزل السلم كلو دحرجه فاقده الوعى وسط صراخ الجميع
.......