دخان بقلم /لولو_محمد (كامله)

الحلقه ٢٢

#لولو_محمد #lolo
(((((دخان)))))))
الحلقة الثانيه و العشرون

ياسر / ارجوك يا احمد انا هولع فيه
احمد/ مش قبل مفتحه و اشوف اللى فيه هات الزفت الكشكول
ياسر / على جثتى
احمد / بسيطه
احمد يضرب ياسر بوكس يرقده و يشد الكشكول
.......
ندى / احمد
ياسر يقوم يحاول يشد الكشكول من احمد
ندى / بس بقى فيه ايه الكشكول ده اللى عيالى هيموتوا بعض عليه
ياسر / فيه ماضيا الوسخ
........
فى المستشفى
هانيا نايمه و ليلى ممده عالسرير
ليلى / يعنى نعمه هى السبب
ياسمين/ نعمه بقت خطر اوى علينا
ليلى/ احمد اكيد مش هيسيبها فى البيت
ياسمين/ بس على فكره مش انتى المقصوده بالحادثه دى
ليلى / ابنى مات يا ياسمين ميهمنيش كانت تقصد مين انا اللى دفعت التمن
ياسمين / طب و تفتكرى نعمه هتسكت
ليلى/ اخرها تعمله تحمد ربنا انى محبستهاش
ياسمين / ممكن تروح تقولهم على كل حاجه
ليلى/ تبقى قطعت عرق و سيحت دمه و ريحتنى
......
فى البيت
ياسر ماسك طرف الكشكول و احمد ماسك الطرف التانى
ياسر/ ارجوك يا احمد اى كان اللى فيه  كان من زمان و خلص
احمد/ لو كان خلص محتفظ بيه ليه
ياسر/ صدقنى دورت عليه لما رجعت عشان احرقه ملقيتوش حتى اسال نعمه نفسها
احمد/ والله باماره مكانت طالعه بيه من اوضتك
ندى / اكيد الواطيه دى هى اللى كانت مخبياه سيب الكشكول يا احمد خلى ياسر يحرقه و اردم عالماضى يابنى
احمد/ مش قبل معرف فيه ايه ليه للدرجادى مش عاوزينى اشوفه
ندى/ قتلت ابنك و دخلت مراتك المستشفى و عاوزه توقع بينك و بين اخوك متسمعش لشطان نعمه يابنى و سيب الكشكول ده
احمد/ هسيبه بشرط
ياسر/ موافق
احمد/ انك تقولى الحقيقه كامله عن الى فيه
ياسر/ و هتفرق ايه
احمد / فى ايه فى ماضيك يخص مراتى يا ياسر ......اوعى
ياسر/ طب متفتحوش و انا هعترفلك بكل حاجه
احمد يفتح الكشكول / لو قربت منى او حاولت تمنعنى هقتلك انا نفد صبرى خلاص
صوره ياسمين اول صوره

احمد يبصله
ياسر/ كل البنات اللى هنا انا ظلمتهم و خدعتهم صدقنى ياسمين بنت كويسه انا مكنتش عاوزك تفتح عشان متحكمش عليها و تظلمها انا......
احمد يقلب فى الصفح بسرعه و مبيسمعش لياسر و يوصل لصوره ليلى و الكشكول يقع من ايده فى الارض
............
فى المستشفى فى اوضه ليلى
ممرضه تدخل / ازى القمر احسن
ليلى/ الحمد لله
الممرضه/ انا حبيت بس اسلم لما قالولى ان حضرتك يعنى مرات الدكتور احمد بجد ربنا يكتر من امثاله طبعا كان نفسنا نقابلك فى ظروف احسن من كدا
ليلى/ قدر الله و ما شاء فعل
الممرضه / دا بوكيه ورد صغير كدا من ستاف التمريض و على فكره الطرقه بره اتردمت ورد اصل الدكتور احمد جمايله عالكل
ليلى/ ربنا يخليكوا كلكوا
الممرضه/ لو احتجتى اى حاجه نديلى كلنا هنا تحت امرك
ليلى/ الف شكر
هانيا تصحى
الممرضه / بسم الله تبارك الخلاق انتى هانيا
هانيا تهز راسها
الممرضه / ممكن اخدها  معايا شويه هرجعها علاطول والله و هاخد بالى منها زى عنيا
ليلى/ معلش بلاش لتتعبك
الممرضه / انا اسمى اخلاص انا مش هروح بيها بعيد متخافيش
ليلى/ ماشى .....هانيا متعمليش مشاكل  و ارجعى علاطول
الممرضه تخرج و معاها هانيا
ياسمين/ افرضى خطفتها
ليلى/ متخافيش كل اللى فى المستشفى عارفين احمد و هانيا جت معاه هنا مليون مره متخافيش
ياسمين/ قلبك جامد اوى
ليلى / هعمل ايه احسن برده انها خرجتها بدل مكانت تسمع حاجه كدا و لا حاجه كدا
ياسمين/ يعنى هترتاحى لو احمد عرف الحقيقه
ليلى/ انا عايشه فرعب كل يوم خايفه اليوم ده يحصل بتخيل رد فعله هيسيبنى و لا هيسامحنى و كل يوم فكابوس شكل تعبت
ياسمين/ طب مهو ياسر كمان هيعرف انا لسه بقول يا هادى
ليلى/ وقوع البلا و لا انتظاره محدش عارف الخير فين
نعمه تدخل
ليلى/ انتى ليكى عين تيجى هنا
نعمه/ انتى عارفه انى عمرى مكنت هاذيكى وبعدين مهى مش اول مره تقعى من نفس السلم
ليلى/ انتى اتجننتى خلاص المرادى قتلتى ابنى
نعمه  / و انا لما كبيت الزيت مكنتش اقصدك و لا كنت اعرف انك حامل
ليلى/ اللى حصل حصل احمدى ربنا انى مش هعمل فيكى محضر و احبسك
ياسمين/ لحظه واحده فى حاجه مهمه عرفتها النهرده و ملحقتش اقولها
ليلى / ثوانى يا ياسمين ..،، نعمه اخرجى من حياتى كفاياكى اذى لحد كدا
نعمه/ اذى انا السبب فى الاذى خلاص نعمه بقت كخه خلاص طبعا ليكوا حق بعد مكل واحده فيكوا قعدت على خميره حلوه مع واحد لازم نعمه تطير و تنزاح من سكتكوا
ليلى/ دا اخرك يعنى شويه صوت و جعجعه و ردح
نعمه/ لا انا اخرى لسه بدرى عليه اوى يا ست الهوانم احب افكرك انى ممكن اروح لجوزك حبيب القلب الملاك و اقوله على الحقيقه كامله
ليلى/ انهى حقيقه
نعمه/ انك طول الخمس سنين مش فاقده الزاكره و لا حاجه و انك مثلتى عليه عشان تستغليه و تنتقمى من اخوه
ياسمين/ محدش هنا استغلالى غيرك
نعمه  / و برده هروح لياسر زينه الشباب و اقوله على اتفاقى معاكم و ازاى رجعتى لحياته و رجعتى ليه و كنتى ناويه تعملى ايه لولا انه تاب و قرر يصلح غلطه معاكى
ليلى/ روحى قوليلهم
نعمه/ الله دا الدم ضرب فعروقك و الشجاعه ظهرت اهى و مش خايفه
ليلى/ محدش هيصدقك مش هتعرفى تثبتى حاجه
ياسمين/ اصلا ياسر حكالى عالحقيقه النهرده
ليلى/ انهى حقيقه
ياسمين/ الهانم اللى بتقول ان ياسر كان بيتحرش بيها و حاول يغتصبها كدابه
نعمه/ الله و انتى صدقتيه طبعا الملاك البرئ
ياسمين/ اللى شايفاه منك النهرده يخلينى اصدق اى كلام قذر عنك انتى اللى روحتيله و عرضتى عليه نفسك و لما احمد شافكوا عملتى انه كان بيغتصبك 
نعمه/ اسم الله على ام الشرف اللى فضلت فى حضنه ايام و ليالى منغير جواز و فى الاخر رماكى فاقرب صفيحه زباله لو عالشرف مش انتى ياختى اللى هتدينى دروس لانك يا ست ياسمين متفرقيش اى حاجه عن اى بنت شمال بتبيع لحمها قصاد الفلوس
ليلى/ كفايه قرف بقى كل ثانيه بتفوت بحتقرك اكتر
نعمه/ على كل دا اللى عندى فكرى انا ليا زيكوا فكل حاجه التلت و التلت و التلت قسمه الحق
ليلى / بصى يا شاطره اعلى مفخيلك اركبيه اه انا مكنتش فاقده الزاكره و اه اتفقت معاكى انا و ياسمين اننا ننتقم من ياسر بس عمرى عمرى مخدعت احمد و لا استغليته بس لو جدعه اثبتى
نعمه/ و الكشكول
ليلى / الكشكول معايا انا خبيته لما حسيت بقرفك
نعمه / مسكينه يا نعمه خدوكى لحم و رموكى عضم بس انتى يا نعمه مش هتسكتى طبعا اقولك على المفاجاه بقى
ياسمين/ مش عاوزين نعرف اطلعى بره قبل منادى للامن يرموكى بره
نعمه/ لا و على ايه خارجه بس انا لقيت الكشكول و  هو حاليا فى البيت مع حبايب القلب ادعوا ربنا بقى ياسر  يعرف يخلى احمد ميشوفش اللى فيه
ياسمين / انتى بتقولى ايه
نعمه/ انتى مش مصدقانى انا سيباهم فى البيت بيتخانقوا عليه و ست الهوانم الغندوره ندى بتحوش بينهم
الممرضه تدخل و معاها هانيا شايله كيس حلويات كبير جدا
نعمه/ اهلا اهلا حبيبه قلبى
ليلى/ مع السلامه يا نعمه نورتى
هانيا/ انتى ماشيه و لا ايه
نعمه/ اه يادوب اروح اللم هدومى يا هانيا يا حبيبتى بس متخفيش هنتقابل قريب عن اذنكوا
نعمه تمشى
هانيا / شوفتى يا ماما طنط اخلاص جابتلى ايه
ليلى / قولتى ثانك يو لطنط
اخلاص / طبعا بسم الله ما شاء الله ادب  ايه و تربيه ايه بنت ابوها بصحيح ربنا يطرح فيها البركه و يرزقكوا خيرها يارب و يبعد عنكوا ولاد الحرام
........
بره الاوضه فى المستشفى
نعمه تطلع موبايلها وتوقف التسجيل
نعمه/ بتقوليلى اثبت من يومك طيبه يا ليلى دانتى اديتينى اللى لو كنت وقفت على راسى مكنتش هوصله
نعمه تحط الهاند فرى فودنها و تبدا تعدل فى التسجيل
نعمه/ بس كدا نسمع بقى التسجيل الحلو قبل موديه لحبيب القلب
نعمه تشغل الموبايل
نعمه/اروح لجوزك حبيب القلب الملاك و اقوله على الحقيقه كامله
ليلى/ انهى حقيقه
نعمه/ انك طول الخمس سنين مش فاقده الزاكره و لا حاجه و انك مثلتى عليه عشان تستغليه و تنتقمى من اخوه
ياسمين/ محدش هنا استغلالى غيرك
نعمه  / و برده هروح لياسر زينه الشباب و اقوله على اتفاقى معاكم و ازاى رجعتى لحياته و رجعتى ليه و كنتى ناويه تعملى ايه لولا انه تاب و قرر يصلح غلطه معاكى
ليلى/ روحى قوليلهم و محدش هيصدقك مش هتعرفى تثبتى حاجه  بصى يا شاطره اعلى مفخيلك اركبيه اه انا مكنتش فاقده الزاكره و اه اتفقت معاكى انا و ياسمين اننا ننتقم من ياسر  بس لو جدعه اثبتى
نعمه تبتسم / حلو اوى كدا نرجع بقى الفيلا و نسمع حبيب القلب التسجيل بتاع ست الحسن و نشوف انا و لا انتوا يا عيله زباله
نجاح توصل / نعمه ليلى مالها
نعمه/ وقعت من عالسلم
نجاح/ يا مصيبتى و هى فين
نعمه / فى الاوضه دى خشيلها خشيلها
...........
فى الاوضه عند ليلى فى المستشفى
ليلى/ بس كلفتى نفسك والله دا كتير اوى
اخلاص / دا الود ودنا كنا نفرشلها الارض ورد و نشيلها على روسنا انا هسيبك ترتاحى بقى لحسن انا رغايه و موصيكيش
ليلى/ اتفضلى
الممرضه تخرج
ياسمين/ هنعمل ايه يا ليلى
ليلى/ اعزمى يا هانيا على طنط ياسمين بحاجه حلوه من معاكى يمكن تاخد بالها  انك موجوده
ياسمين/ ادينى قعدت اقعد ايه انا هدخل الحمام انا بطنى سابت
ليلى/ خشى ياختى اما نشوف هيجرالنا ايه
هانيا  تعزم على مامتها ببسكوته
ليلى/ شكرا يا روحى كلى انتى
نجاح تدخل / سلامتك يا ليلى احمد اتصل بيا و قالى انك تعبانه شويه
ليلى/ انا كويسه يا ماما الحمد لله
نجاح/ انا قابلت نعمه بره و قالتلى انك وقعتى من عالسلم
ليلى/ هى لسه بره بتعنمل ايه دى اصلا
نجاح/ انا مش فاهمه هى مش الفروض تكون موجوده و لا ايه
ليلى /تعالى ارتاحى انا هحكيلك اللى حصل
........