مذكرات القدر

البارت الخامس

سحبت عمه لمياء ومتوجها للسياره اريد اصعد عيط عليه
ايهم: اوكفي لج
قدر: احترم روحك
ايهم: دقيقه اني وين شايفج
قدر: مشايفني بمكان ويلا خليني اروح
ايهم: اوكفي دمرتيلي سيارتي وتردين تروحين
قدر: يابه كلنالك اسفين شبيييك
لمياء: ابو الغييره الله يخليك خلينا نروح حرمات لوحدنا باقيين بالشارع ترضاها بربك
ايهم: وشون تعوضوني عن الطخه الي بسيارتي
قدر: شتريد ونعوضك بله

راح بم سيارته وهم رجع يتلمس الطخه بسرعه راحت ركبت عمه لمياء واني هم اريد اركب شو سمعنا صوت واحز يكول
الشرطي: اوكفووووو هاي شكو هنا
بارعت لكيت اربعه جايين من الشرطه نزلنا واني زاد عندي الخوف
ايهم: مصار شي عيني مجرد سوء تفاهم
الشرطي: سوء تفاهم لعد هاي الطخه الي بسيارتك شنو
قدر: اخويه والله بالغلط جنت مستعجله لان اريد الحك الصيدليات اختي مريضه
الشرطي: شون تسوقين وانتي بهالعمر
قدر: هاا...
لمياء: اخويه هيا هيج تبين صغيره هيا الرجال مالبيتنا ماعدنا غيرها
الشرطي: انطيني اجازتج
اباوع على عمه لمياء وحده تصفن بالخ
الشرطي: اجااازتج وييين
مادري شكله الله لايراويكم شعوري بلحظتها لان اعرف هسه حيطببوني بسين وجيم لان معندي اجازه واصلا عمري القانون ميسمحله تسوق سياره وفوكاها بنيه رحت بيها ياقدر
الشرطي: مو كاااعد احجي وياااااج اجازه معندددج مو
ايهم: وفوكاها ماشيه من غير اجازه
معرف شحجي ولا شكول بس كلت اني رحت بيها رحت خلي اعترف
قدر: اي معندي اجازه
الشرطي: خوووش تعالو لزمووها وحولوها للمركز
لمياء: لا الله يخليييك وين حتودوووها يمممه قدددر
قدر: عمه لمياااء رجعي للبيت بتكسيييي ولتخافيين عليه
لمياء: شوون اتركج قدررر
قدر: معليييج بيه روحييي عمه

صعدوني بسيارة الشرطه باوعت على هذا الرجال الدعمت سيارة بقيت اخزر بي
هو السبب...
لو جان مخليني رايحه كبل ميجون علينه الشرطه جان مو هيج حالي...
بس شكد مغرور وراف خشمه ياربي..
حسبي الله... ربي يسر ولا تعسر
معرف بعد شسوي التوتر اكلني اكل من راسي لرجليه والدنيا ليل باوعت على روحي لكيت لابسه تراك بس مرتب شويه لمن بدلت ملبست هدوم طلعه
نزلوني وطببوني على غرفة الضابط

الضابط: شسمج الثلاثي
قدر: قدر محمد حسين
الضابط: شكد عمرج
قدر: 16
الضابط: 16 وتسوقين سياره
قدر: والله اضطريت اختي جانت مريضه حيل وولاد عمي موجودين
الضابط: ماكو احد بالبيت غيرج يسوق
قدر: محد يعرف غيري من البنات
الضابط: شيشتغل ابوج
قدر: متوفي
الضابط: الله يرحمه وين ساكنه
قدر: بمنطقة..............
الضابط: كرايب الشيخ حسين؟
قدر: اي

جان اكو واحد وياه كاعد هيج شويه شباب اسمه قاسم اعرفته هو ناداله الضابط ابد مارتاحيتله مدري شون نظرات يباوع وجان كاعد يشرب جكاره وبيده قوطية تايكر ومركز بكل كلمة اكولها
لمن كلت اني كرايب الشيخ حسين نطز وكلي
قاسم: شيصيرلج حمزه إسماعيل
بمجرد نطق اسمه كلبي كام يرجف احسه من موجود اسمه بسالفه معناها هاهيه رحت بيها...
ترددت بالبدايه خفت اكللهم شيصيرلي اخاف يروحون يكولوله والله يموتني بعدين
قدر: ابن عمي
قاسم: اهااا صدك
الضابط: ليش مين تعرف حمزه
قاسم: شبيك هذا الي طب كليه عسكريه هذا الشاب الطويل
الضابط: يصير ابن عمج الح؟
قدر: اي
الضابط: اني اعرف اهلج مضبوطين شون يخلوج تسوقين من غير اجازه
قدر: والله سيدي كلتك مجان اكو احد بالبيت واختي تمرضت حيل
قاسم: ومتسويلج اجازه
قدر: شون اسويلي واني بعد عمري ماتعدا الـ18
قاسم: اعصابج يمعوده