جنت كاعده بغرفتي الدنيا صبح ساعه عشره هيج
مرحت لبيت ام ايهم
كلي ايهم عنده خفاره بالمستشفى محيكون موجود
فا مارحت عدهم
قاطعه حاليا شغلة الخياطه
كاعده واكنس غرفتي
مبايلي عالشحن
سمعته دايدك
رحت عليه شفت المتصل ايهم
كلبي انقبض
مو من عادته يخبرني الصبح
ادري بي يكون مشغول هيج وكت
فتحته
قدر: الو ايهم
ايهم: اكرهج ولج الله يلعنج
قدر: شبيك شكو
ايهم: ليش هيج
قدر: بس فهمني شكو
ايهم: شجانت غاايتج تلعبين عليه لو شنوو ولج
قدر: بس فهمني شبييك ليش هيج تحجي
ايهم: ولج وحده بطوول ايدي تلعب عليه ولج بعدج زعطوطه على هيج اشياااء
قدر: ايهمممم شهل حجي شكووو
ايهم: طلعتي مخطوبه ومدكوليلي ليييش ولج والله حبيتج ليش خليتيني اتعلق بييج
قدر: دقيقه دقيقه شنو مخطوبه شهل حجي
ايهم: لتجذبيييين وتسوين روحج غشيييمه
قدر: والقران مدافتهم شداتحجي انت الله يخليك بس فهمني من البدايه شكو
ايهم: رحت لعمج كريم اليوم شفت عنده عمج الاخ قررت اخطبج منهم واخذ موعد منهم حتى اجيلكم للبيت
قدر: اي؟
ايهم: اييي گرة عييينج جاوبوني انو قدررر مخطوووبه
قدر: مخطوبتيييش المن مخطووبه
ايهم؛ واني شمدرينيييييي كالولي قدر مخطوبه من ابن عمهاااا وعقل مضل براسي ولج لييييش
قدر: ايهم وداعتك مادري بالموضوع
ايهم: لتحجين بداعتيييي جاوبيني شنو جانت غااايتج من تقربتي عليه ولج ليش دخلتي حياتي من الاووووول شتريديين منييي
قدر: ايهم بس هدي شبيك شهل حجي ولك تشك بحبي الك
ايهم: لعد شهل حجي الي سمعته من عمامج قدر جذبي عليه وكولي ماكو هيج شي
قدر: والله العظيم بروح ماما وبابا ماعرف بالموضوع ولك والله ماعرف حلفتلك باغلى شي عندي انو مادري بالسالفه ايهم لتعوفني الله يخليك
ايهم: سدي هسه مطايق روحي
قدر: وينك هسه انت
ايهم: بالدوام
قدر: شوكت ترجع
ايهم: مارجع ماريد اشووفج لتشوفيني خلقتج
قدر: ايهم ليش هيج تحجي ولك اني قدددر شبييك
سده الخط بوجهي
كمت ارجف
شنو مخطوبه؟
شهل حجي
لالاااا ممعقوله شديصيييير
اريد اتحرك خدرت رجليه
لا والله ماتخيل حياتي بدون ايهم
نزلت جوا
جانو زوجات عمي كلهم بالمطبخ
باوعت بوجوهم اريد افتهم فد شي
اريد اعرف صح اني مخطوبه ولايكون مادري
لايكون مقلب مسويه بيه ايهم
اي اي ايهم يحب المقالب هواي
عنده هيج حركات
بقيت اقنع بروحي انو مقلب
وهسه حيخبرني ويكعد يضحك ويتقشمر
اي اكيد
بس نبرة صوته مجانت مالواحد ديجذب
لالا ايهم يعرف يمثل
اي اي ديمثل عليه
بقيت احوص واللوب
ايدي بعد متمسك شغل
صعدت للغرفه
يمكن مية مره اروح واجي
رجليه تكسرت
توترت هوااي
بقيت اقنع بروحي انو مقلب
اي والله اكيد مقلب
والله اذا طلع مقلب حسامحه
اي اسامحه خطيه
اريد الوكت يمشي حتى يرجع ايهم واروح افتهم منا
الوكت يمشي وياخذ من عمري
باوعت صارت ساعه 1 الظهر
بعد مكدرت اتحمل بعد
طلعت ركض
رحت لبيت ام ايهم
باوعت سيارة ايهم بالباب واكفه
اي اي موجود يعني
دكيت الباب
مره
مرتين
ثلاثه
لحد الخمس مرات ادكه
طلعتلي ام ايهم وجها مخطوف
أنت تقرأ
مذكرات القدر
ChickLitمن بعد مالكره يدخل گلب بعضهم هل ياتره يكلب الكره إلى حب؟! وشون حيلتقون ببعض؟! .... وهل مصيرهم لبعض؟! ... ...روايه حقيقيه اجتني من احد ابطالها وطلب مني اكتبها الكم خليتها مثل ماهو طلبها بحقيقتها وبواقعها بس غيرت بيها شوية اشياء بسيطه مثل الاسماء وبع...
