حب بين اتنين مجانين

الحلقه 33

بسم الله الرحمن الرحيم
الحلقه 33
****************************
سيف على نفس بروده : لا لا لو سمحتي متقوليش على نفسك كده انتى هتبقى مراتى
نور و هى كادت أن تضربه بالكرسى الذى امامها و قالت بصريخ : متقولش مراتى انا مش هبقى مراتك
سيف و قد قام و وقف امامها و قال بتحدى : زى النهارده الشهر الجاي هتجوزك و هيبقى الفرح كمان
ثم اكمل و عينيه تفيض عشقا : هتبقى ليا يا نورى
و عند ذهابه من امامها و تأكدها من ذهابه قالت بخبث و سعاده :  the game started Mr.seif
ليذهب سيف إلى غرفته ليتصل بجاكلين
جاكى : الو
سيف بضيق : انا طردت العريس
جاكى بصدمه : ايه !!!!!!!
سيف بعصبيه : كان بيقولى انه بيحبها
جاكى بعصبيه : و انت طبعا بهدلته
سيف  بارتباك : اهو ال حصل بقى اعمل ايه بقى
جاكى محاوله الهدوء : امشى دلوقتى لحد ما الاقى حل للوضع ده
لتغلق الهاتف مع سيف
و تتصل سريعا بحياه
لترد عليها و تقول جاكى  : اقوله ايه
حياه بخبث : ال هقولهولك تخليه يعمله بالحرف مفيش حاجه تزيد او تقل
جاكى : تمام حاضر
لتقول لها حياه على ما يجب أن تفعله و تغلق معها
لتتصل بمعتز
ب
ليرد و هو يقول بضحك : انا متأكد انه خرب الدنيا صح ؟؟
حياه : طرده و بهدله و زعقك فى نور و قرر أن هو ال هيخطوبها
معتز بانتباه : بس ال مفروض ان حضرتك قولتى يتبهدل شويه
حياه بخبث: هو هيحكيلك بكره بس المهم قولى
جاب سيره سوزى
معتز : هو مش طايقها بس عايز يعتذرلها بس هى قفله تليفونها دايما او تقريبا عملاله بلوك و مش عارفين نوصلها خالص و عنوان بيتها سيف مش فاكره
حياه : تمام حلو اوى كده عايزاك تعرفلى ال فى دماغه الفتره الجايه و هيتصرف ازاى و متجبش سيره سوزى دلوقتى خالص
معتز بفضول : هتعملى ايه
حياه : اصبر الصبر مفتاح  الفرج
( انا حساها بتتكلم على أنها تاجره سلاح 😂😂😂)
********************************
يوم الاحد
-  يا حبيبى ده ال يخاف من العفريت يطلعلك ينزلك يقعدلك المهم انك متخفش من العفريت
هتخطبله بكره يا ناس  يا ام نيازى صاحى نيازى و قوليله نسمه هتتخطب لعمر بكره لولولولولى و انا عايش و مش عايش و مش قادر على بعدك ( دماغ هبل 😂😂😂)
قالت ذلك نسمه و هى ترقص على السرير و تقول ذلك بصوت عالى بفرحهلتنهض نور بخضه و تسمع اخر جمله لتقول و هى تضحك : ده انتى مسخره
لتفاجئوا بدخول حياه الغرفه و تقول لنسمه بغيظ : ايه فيه ايه !! يعنى امبارح صاحيه بدرى امبارح قولت و ماله نشاط طب صاحيه دلوقتى و بتصرخى ليه
نسمه و هى تقفز على السرير بسعاده : هتخطبله بكره يا ماما بحبه يا ناس
ثم أكملت غناء و هى ترقص : الله بقى اللغبطه دى ليه يا اللى خاطفنى ياريت تقولى ايه حصلى على كده بقى ده اللى ب الملى ال انا عشت احلم بيه طب واحده واحده و بلاش كل ده يجى مره واحده ل اتجنن كده لو ده النظام معاك بالشكل ده مقدرش عليه
لتضحك نور بشده على منظرها المجنون و شعرها المشعث و جنونها
لتتفاجئ نسمه بحياه تمسك بسلاحها ( عارفينه طبعا 😂😂😂) و تجرى خلفها لتقفز نسمه من فوق نور لتسقط نور معها على الارض لتجرى نسمه فى انحاء الغرفه
حياه بغيظ : مخلفه قرده تعالى هنا يا بت
نسمه و هى مازالت تجرى تقول بصوت باكى مضحك : لا مش جايه الله يا ماما ده بكره خطوبتى و خلاص السنه قربت تخلص و بعدها هنتجوز
لتقف و تقول بهيام : يخربيت جمال اهله
لتمسكها حياه من شعرها و هى تضربها و تقول بغيظ : طب اتقلى شويه يقول عليكى ايه
نسمه بوجع : اى اى خلاص بقى يا حياه
حياه لنسمه : روحى صاحى اخوكى عقبال ما اعمل الفطار
نسمه : ماشى
لتخرج نسمه و تقول حياه لنور بصوت منخفض : بصى بقى بكره الخطوبه سيف هيطلب انكوا تتخطبوا مع عمر و نسمه عارفه بقى هتعملى ايه
نور بهبل : هوافق طبعا
حياه بغيظ : الله يخرب بيت البهايم لا مش هتوفقهى مفيش موافقه غير لما تشوفى سوزى بس اصبرى انتى
نور على مضض و زعل : حاضر
حياه بخبث : و مالك زعلانه كده ليه
نور بضيق : مفيش
حياه : قولى
نور : قالى ان زى امبارح الشهر الجاي هبقى مراته
حياه بتركيز : و انتى ؟؟
نور : انا متلخبطه و من غيرك مكنتش عارفه هعمل ايه
ثم قالت لها بحب شديد : ربنا عوضنى ب ماما فيكى ربنا يخليكى ليا
احتضنتها حياه بحنان و حب و اخذت تمسح على شعرها :   و يخليكى ليا متخافيش يا بنتى سيف هيرجع و ثقتك فيه بترجع و هتشوفى و يلا بقى قومى حضرى معايا الفطار مفيش جامعه النهارده ليكى او للمجنونه التانيه علشان تحضيرات الخطوبه بكره و هننزل نجيب شويه حاجات
نور بابتسامه : عيونى يا خالتو حاضر
لتخرج حياه و تتجهز نور
********************************
-بسمعها كل يوم بتعيط بس بصوت مكتوم و ساعات بتحلم بكوابيس
قالتها لسيف كما طلبت منها حياه تتذكر فى ذلك الوقت جمله انعام سلوسه فى فيلم عايز حقى ( ان شاء الله و الف الف مبروك 😂😂😂)
سيف و هو يفرك شعره : ماشى
ن
نسمه لسيف : بس ايه ال انت عملته امبارح ده بابنى هو ده عريس يترفض و بعدين ده شكله بيموت فيها
سيف بغيظ : غورى بره يا نسمه ياما هفسخ خطوبتك و هعنسك
لتهرول نسمه سريعا إلى الخارج و هى تقول : يلاهوى و انا مالى
ليجلس سيف و هو يفكر كيف يرجع ثقتها به
***************************
- انتى هتسقطى  العظيم السنه دى أقسم بالله
قالتها هدى لنسمه و ه. تتحدث معها فى الهاتف
لتقول نسمه : عيب عليكى يا بنتى امتياز
هدى : يارب يا نسوم
نسمه : حساكى مبسوطه فيه ايه
هدى بسعاده : وليد جاى يطلب ايدى يوم الخميس
نسمه بفرحه من أجلها : انتى بتهزرى
هدى : والله زى ما بقولك كده
نسمه : لا احكى بقى
لتقص لها هدى ما حدث
لتقول نسمه بخبث : ده الحب ولع فى الدره بقى ( و فيا انا كمان يا هدى والله 😂😂)
هدى بضحك: أوى الصراحه
نسمه : طبعا مش محتاجه عزومه علشان تيجى بكره
هدى :  طبعا
نسمه بشقاوه : و متنسيش تجيبيه معاكى اهو فرصه تتكلموا
هدى : امشى يا جزمه
نسمه بضحك عليها : سلام
هدى : سلام
*****************************
على مائدة  الافطار
سيف بصرامه : انا هخطب نور بكره
حياه بغضب : اسمع بقى  انت امبارح طردت الراجل و كان شكلنا زفت و قرراتك زادت انت عايز تموتنى
سيف بضيق : بعد الشر يا ماما
حياه بحزم : خلاص لما نور توافق تتجوز هتتجوز غير كده مفيش حاجه هتم
سيف بغيظ. : ماشى يا ماما
ثم نظر لنسمه و جدها تأكل. فى طبقها و لا تلتفت اليه
ليقول بضيق : عن اذنك
******************************
-اسمع  بقى انا لازم اوصل لسوزى فى اقرب وقت 
قالها سيف و هو جالس امام معتز
ليقول معتز : إشمعنى دلوقتى يعنى
سيف : انا هتجنن الواد امبارح ده انا كنت هموته فى ايدى و هى مش عارف أخد ثقتها تانى
معتز : انا هحاول اوصلها و ربنا يسهل بس مكنش ينفع تعمل كده فى العريس
سيف بغيظ: الباشا بيقولى انه بيحبها و قال ايه خطفته من اول نظره احمد ربنا انى مموتهوش انا مش طايقه
معتز : خلاص يا عم اهدى ده حتى بكره فرح نسمه
سيف : مش محتاج عزومة متتأخرش
معتز : اكيد ممكن بقى تركز علشان الاجتماع قرب و تراجع ورقك
سيف : ماشى
****************************
- بصوا المحل ده جميل جدا و شكله عنده حاجات حلوه

قالتها حياه و هى تشير إلى المحل ليدخلوا و يختاروا فساتين
اختاروا الفساتين و حياه لم تترك اى منهما و كانت معهم و بعد أن انتهوا
حياه لهم : بصوا احنا هنروح و انا اتصلت ببتوع الزينه علشان يظبطوا البيت و بكره بتوع البيوتى سنتر جايين
نور و نسمه : تمام
******************************
لينتهى هذا اليوم سريعا وسط تجهيزات  و ياتى معاد الخطوبه
خرجت نسمه لعمر
ليتصمر مكانه من جمالها
كانت تلبس فستان قصير كت و شعرها مفروض على ذراعها ليتفاجئوا الناس به يحتضنها بشده ( يا فضحنى و مخرسنى فى كل المنطقه 😂😂😂)
و لكن يجد من يسحبه من خلف قميصه كالارنب
ليجده سيف و قال  بحنق و غيظ : ايه مفيش احترام لينا خالص
عمر  محاولا افلات نفسه منه: انا اسف من حبى فيها والله
سيف بحنق و تحذير : روح انت و هى اترزعوا و اياك اشوفك ماسك ايدها حتى
عمر  بطاعه : حاضر سيبنى بقى شكلى بقى وحش قدمها
سيف : امشى يا اخويا
ليتوجهه عمر و نسمه إلى مكانهم
بينما عينيه تبحث عنها ليجدها تنزل مثل الحوريات فستان أحمر قصير و كعب عالى
و شعرها مربوط منه خصل
و لكن نظر حوله و جد معظم الرجال ينظروا لها ليذهب لها و يلف ذراعه حولها (انجچها 😂)
و نظر لهم بتحدى
لتتذكر هى يوم الفرح و كيف كان يغير عليها و تتمنى الا تترك يده و لكن تلاحظ نظرات حياه المحذره لتسحب يدها بشده و تتركه مكانه و تذهب و تقف بجانب حياه
لتأتى هدى و ليد و يسلموا على نسمه : الف مبروك يا نسمتى و تحتضنها بشده و يلتفوتا لعمر : مبروك.يا دكتور
نسمه لهدى: عقبالك يا جميل
وليد و هو يلف ذراعيها حول ذراعيه : قريب اوى
عن اذنكم و ذهبوا ليجلسوا فى طاوله لوحدهم
حيث أن الفرح كان يقام فى الحديقه و الانوار تملؤها
ليأتى معاد الشبكه
و ليلبسها عمر لنسمه الشبكه و يقبل يدها بحب و يقول لها : مبروك عليا
بينما سيف عينيه كانت عليها و هى ايضا كانت تنظر له نظرات هم فقط قادرون على فهمها
و لكن تشيح هى بعينيها أولا و تتجاهله
لينتهى الفرح سريعا وسط تجاهل نور لسيف و سعاده هدى و وليد و عمر و نسمه
*******************************

ارائكم