معاذ شاف منار راحت بدل بلاصتو وقعد حذا فوزية : خالتي حاب نقولك حاجة
فوزية: اني نسمع فيك
معاذ: خالتي الصراحة عجبتني منار وحاب نخطبها اذا تقبلو
فوزية: ااا الصراحة فاجأتني وزيد امك حابة تخطبلك بنت عمك
معاذ: انا ما عجبتنيش بنت عمي عجبتني بنتك اذا تمدوهالي
فوزية: يا وليدي انا ماعندي ما نقولك الراي يرجع لباباها وزيد الطفلة راهي صغيرة ما نظنش يمدهالك
معاذ: شوفي يا خالتي انا جيت نهدر معاك انتي اعطيني كلمة بلي راكي قابلة وما تمديها لحتى واحد وانا نستنى شوي ونجي نخطبها والهدرة هاذي تبقى بيناتنا
فوزية: انا ماعندي ما نخير عليك ونقدر نتهنى على بنتي معاك
معاذ: نعتابرك بلي موافقة
فوزية: واذا كنتو مكتوبين لبعضاكم مانوقفش بيناتكم بصح منار منعرف لا تقبل ولا لالا
معاذ: خليها عليا انا نهدر معاها ونتفاهمو مع بعض وندير اللي نقدر عليه باه نهنيها معايا ( سو كيووت 😭😭😍😂)
فوزية: انا هذاك وش نحوس نشوفها هانية برك وفرحانة
معاذ: المهم يا خالتي انتي ضك علابالك بالعلاقة اللي راح تكون بيناتنا وخليني انا نهدر معاها ماتقوليلهاش انتي خليها بيناتنا
فوزية: اوكي متفاهمين
تكى معاذ على الكرسي وهو يتبسم ويخمم : قدرت نظمن بلي منار بقات ليا مزال نهدر معاها
فوزية: *درت معاه* وين راح مخك
معاذ: لا والو انا لازم نروح ضك ومرة اخرى الهدرة تبقى بيناتنا حتان يكتب ربي
فوزية: كون هاني
معاذ: انا نخليك ضك
فوزية: بالسلامة
منار داخلة بالقهوة وهو خارج
(القهوة نشربها انا 😒😒🔪)
منار: وين رايح ما شربتش القهوة
معاذ: لازم نروح عندي خدمة
منار: والقهوة هاذي كيفاه نديرلها 😒
معاذ: اشربيها وحدك *وخرج* (زمر 😒😂)
فوزية: رجعيها للكوزينة ولازمك تقفازي يابنتي باه كي تزوجي تلقاي روحك
منار: انا مزلت صغيرة
فوزية: شدي فذاك الخيط
منار رجعت للكوزينة بالقهوة : وكي عاد مايشربش لاه يتعبو فيا وديري قهوة 😒 بصح علاه جا * وراحت تجري عند امها لي كانت تتفرج
منار: ماما علاه جا معاذ
فوزية: جا يزور برك
منار: بصح ما ستناش بابا علاه
أنت تقرأ
معاذ ومنار °° باللهجة الجزائرية °°
الخوارقكرونيك جديدة باللهجة الجزائرية الابطال : منار ومعاذ
