"دائما الانسان و بتمنى تمشي خططه متل ما بده بس للقدر رأي تاني ما بتعرف شو مخبيلنا و لا شو مستنينا بالحياة"
عم تصحيها من نومها وتفتح شباك غرفتها الصغيرة .
الام: يلا ست رفيف قومي لهلأ لساتك نايمه رح تتأخري على جامعتك ......
رفيف ؛ حبابه نسومه بس اتركيني نام شوي بس شوي....
..يا بنت شو هاااااااي نسومه بعينك ما ابتستحي لك انا امك ....
-لك دخيلها نسمه واحلى نسمه بحياتي وهاي احلى بوسة لست نسووووومه مممممممححححح...
-يلا قومي جهزي حالك صاحبتك رح تجننك ازا اجت وما لقتك صاحيه.....
-حاضر يا ست الكل ...
قامت رفيف من فراشها تحممت ولبست بنطلون بيج على قميص اخضر ولبست شالها البيجي ، وبوت لون بيج مخطط باسود .
نزلت على المطبخ و قعدت على رخامة المطبخ وحكت ...
-الله على ريحة القهوة ...
-افطري بالاول يا بنتي بعدين اشربي قهوتك ..
-عارفيتني ماما ازا ما بشرب قهوتي اول ما اصحى من النوم ما بقدر ركز بأي شي ...
-ما في منك فايدة انتي و هالعادة إللي طالعة فيها لأبوكي...
شردت الام وبينت بعيونها ملامح الحزن والألم..
قربت منها رفيف وحضنتها وحكت : ماما لساتك بتحبيه لبابا صح ، مع كل السنين إللي مضت من عمرك ما نسيتيه و ما تخليتي عن حبك لاله .
تنهدت الام وحكت : صحيح بس حتى لو من زمان سامحته على اللي عمله فيي ، عمره ما رح يسامحني على إللي عملته فيه .
-ما تهتمي ماما انا حاسه انو رح يسامحك اول ما يشوف انك لساتك مزه حلوة وعيونك الحلوين إللي وقعوه من اول نظرة ما تنسيهم .
-وله اسكتي يا بنت بلا حكي فاضي اي مزه واي حلوة خلص كبرنا ههههه...
-ااااه قلتيلي والدكتور اسامه إلي عم يسبلك بعيونه كل ما يشوفك ااااه هههه لو بس يشوفه بابا ليحط بنص راسه طلقه هههههههههههه...
الام خافت وصار لون وجهها اصفر وتطلعت على رفيف وحكتلها : وله اصحك تحكي هيك قدام حدا مفهوم .
-مفهوم مفهوم نسووومه خانوم ....
رن جرس الباب وراحت رفيف لحتى تفتح الباب تطلعت شافت صاحبتها لارا ..
-صبااااحوووووو ست رفيف شو جاهزة رح نتاخر هيك ....
-فوتي بنتي تفضلي ...
-لا يسلمو خالتو يلا رفيف رح نتاخر ...
-اوك بس ثواني لحتى جيب شنتايتي ....
-يلا بااااي ماما .......الله معاكي بنتي .......سلام خالتوووو ....
راحو البنات على جامعتهن و قعدت الام نسمه على الكنبه وسرحت بالماضي ...
أنت تقرأ
أنآ وآلوحشـ (عشـق مـتمـلگ)
Mystery / Thrillerهي ؛ هادئة بريئه لكن تخفي اكثر من ما تظهر، ،، تعيش في عشق ماضيها ومن طرفها و متورطة بهوس وعشق مجنون هل تلتقي مع عشقها ام للقدر راي اخر ؟ هو ؛ بأبسط تعبير مجرد اسد متوحش .. هل يتحول الوحش الى انسان عاشق بقلب .؟... من الممكن ان يحصل عليها ؟.
