الساعه 3:30 نص الليل
شاب عشريني بملامح وسيمه جدا .. لابس بنطلون اسود وفنيلة بيضاء ومدخل يديه في جيب البنطلون .. كان بعاين ل "بير السلم" كأنو منتظر زول .. دخلت بت عاينت ليهو بابتسامه وضحكت .. دخل وراها شاب معضل وباين عليهو الهدوء ووراهم شاب تالت .. سلمو على بعض واتكلمو وبعدها بدو يتكلمو بشكل جدي .. البت كانت طويلة وشعرها اسود لابسه تشيرت رمادي واسع وبنطلون جنز على اخضر .. بتتكلم بثقه وبتحاول توضح ليهم شي مهم .. الشاب الكان مستنيهم بعاين ليها بتركيز ونفس الشي البقيه ..
منو الشخصيات دي والساعه 3 نص الليل!!
____________
الساعه 10:00 صباحا
قاعدة في غرفتها وبتحضر في التلفزيون .. اسمها لدن في بداية العشرينات .. عاينت لتلفوها وعقدت حواجبها لأنو الرقم غريب ..
ردت: الو
المتصل:.....
لدن: ألوو .. الو
معتز ابتسم من جهتو وردا: لدن؟
معتز:ايوة منو معاي؟
قفل الخط في وشها بعد م اتاكد دة رقم اخت سليم الشالو من تلفون سليم بدون م يعرف .. سليم كان نايم ومعتز قاعد جنبو بفكر كيف حيقدر يتكلم مع لدن ..
من جهه لدن
لدن: دة مالو دة ؟؟ رمت تلفونها وكملت تلفزيونها عادي ..
_______________
غرفه مضلمة شويه وحيطانها بالابيض اثاثها فاخر .. ياسر صحا بنعاس عاين لجهه الستارة الانفتحت ..
ياسر: هي منو القالك تفتحيها
الخدامه: بابا سيف
ياسر م ردا عليهاا وقف ودخل الحمام .. كان واقف تحت الدش مسك راسو لما اتزكر الحادث الحصل قبل سنين .. قفل الدش ورجع شعرو لورا .. كان متأثر بالحادث دة شديد يمكن دة السبب الخلاه يدمن ..
طلع ولبس تشيرت منقوش بالاسود وكتوب عليه " بلاك" ..
نزل عشان يسلم على جدو بس لقاهو طلع ..
سأل منو بس مافي زول وراه وهو فهم انو حيكون مشى لواحد من اجتماعتو وشغلو السري دة ..
طلع وركب عربيتو .. اثناء م هو سايق كان بتلفت على رجاء انو يشوف الشاب الضربو امبارح !
قطع تفكيرو صوت نغمه تلفونو العاليه ...
ياسر:اهلا مالك من الصباح
محمد:صباح شنو الساعه 12 انت وين
ياسر: جاي عليكم
جاهو صوت علي: قول ليهو ينجز احنا حنطق ونخليهو
ياسر ردا عليه: قول للحيوان دة انا قربتاا م تهبش شي
محمد ضحك وقفل ..
مقداد وعلي ومحمد كأنو قاعدين في مطعم فاخر وطالبين فطور ظاابط ..
مقداد ومحمد كانو بعاينو لفيديو في تلفون محمد .. وعلي بتلفت مستني ياسر .. عاين بإستغراب لزول كان قاعد في تربيزة قادمو ..
علي: يا شباب
محمد ومقداد: ...
علي قلع منهم التلفون: بتكلم معاكم
محمد: اهلا م شايفنا مندمجين ياخ
علي اشر ليهم على التربيزة: مش داك دكتور هشام!
مقداد ومحمد عاينو بس ما كان في زول في التربيزة
مقداد:وينو ي زول
علي باستغراب: كان هنا والله
محمد سكت مسافه: بقيت تتخيل
قاطعهم صوت ياسر: مالكم؟
محمد: كدي اقعد انا جعان والله
مقداد: علي م تركز كتير حتى لو دكتور هشام دة مكان عام عادي جدا لو جا
ياسر: بمناسبه دكتور هشام لاقاني طالع من هنا وركب عربيتو
علي:ياخ قلت ليكم
ياسر: انت مالك متفاجئ
علي: انسوو وخلونا نتسمم ..
ياسر اول واحد بدا ياكل
مقداد: عفن انت ي صاحبي
علي:جاي متأخر وداير يقعد قدام الوسخ
مشروبات وونسه وسجاير وبعدها طلعو ..
_______________
منير بعد م انتهى من بيع الليمون وقف تحت عمارة .. كان معرق والتعب باين في وشو .. قعد شويه في عتبه محل التلفونات القدام العمارة .. جاهو بتاع المحل وبقا يجوط فيهو عشان يزح من قدام محلو .. بناءاً على شكلو المبين انو شحات ويمكن عشان لونو الاسود! او ملامحو الافريقيه عكس الشاب بتاع المحل الوسيم ولابس مهندم!
منير: داير ارتاح شوية
محل:قوم ارتاح هناك ولا هناك خلينا نشوف اكل عيشنا
منير وقف وم ردا عليهو ، وجع كبيير وابتسامه في وش بتاع المحل "خلت خشمو ملح ملح قدام الزباين" بمصطلح سوداني .. منير مشى بعيد وطلع التلفون الاداهو ليهو "فائز" .. عاين للرقم الاداهو ليهو الولد واتصل كان مقفول .. حاول ربع ساعه وهو واقف في الشمس بس بدون فايدة يمكن م كان مميز انو الرقم قافل وهو لسه بحاول على امل يرد .. قفل التلفون وختاهو في جيبو .. اتحرك عشان يمشي لي كمال وابراهيم ..
منير: كيف تمام
ابراهيم مصغر عيونو من اشعه الشمس: حمدلله
كمال:انتهيت بدري الليله
منير:اي
قعد جنبهم ومنتظرهم يخلصو عشان يمشو سوا .. كمال وابرهيم كانو ببيعو مناديل وسط الناس الماشه والجايه في السوق ومرات اكياس .. سرح شوية وهو بعاين لكمال وابراهيم .. التلفون ضرب شالو وردا ..
منير:الو
فائز:انا فائز
منير: كيفك هس كنت بدق ليك
فائز:عارف ، انا في العمارة الكنت واقف فيها قبل شوية تعال براك
منير وقف وقال ل ابراهيم وكمال بصوت عالي: ماشي وجاي
اتحرك للعمارة وشاف فايز واقف ولابس برمودة سودة وفنيلة برتقاليه ونظارة شمس ومعاهم ساعه! منير إستغرب لانو اتغير تغير توتلي ما نفس فائز الكان لابس لبس عادي ومشرط ..
فائز م سلم عليهو:تعال وراي
منير وقف:الشغل وين ي اخ
فائز:انت مش عايز شغل يظبتك
منير:اي
فائز عاين ليو واتحررك دخل بكذاا شارع ومنير ماشي جنبو .. ما كان متخيل هو ماشي وين! .. فائز ركب عربيه وقال لمنير يركب ابمكان م بعيد ودة الحصل منير ركب بدون م يتكمل..
في عيون بتراغب بصمت تام !!
يتبع
