دخيلة الشيخ

بارت 2

دخيلة الشيخ.
غسق واني بهذا العمر
جواد ابوج من مات وصلني بيجن وانه تعبت ونهد حيلي منا انتي واختج ومصاريف المدرسه والبيت كلها عليه انه تعبت وكل حيل ماظل بيه ياعمو اقبلي تزوجي وانتي كدام عيونه لاترحين منا ولامناك
غسق بس عمو انت اكثر شخص تعرف ابنك مومال زواج ودائمآ سكران ..جواد شنهي بويه تحجين على ابني كدامي وبعين صلفه لامستحه لاخجل هيه هاي تربيه ساهره من جانت امج توكف بوجه بيبتج وتردد الحاجيه ومن نحجي عليها تكول حق وانتو معارضون للحق بس يا غسق ان مازوجتج وكسرت خشمج فلااطلع انه جواد وطالع من ظهر ابوي
غسق لا اني مو تربيه ساهره ساهره من جابتني ماتت مالحكت حته تشمني وتحظني إني تربيتكم وانه مالوم امي من جانت توكف بوجهك لأنكم ماتعرفون حق الله جواد اول تالي تردين بوجهي لج بنت ساهره اني اعلمج اليوم ..غسق لزمي من شعري وضل يجر بي واني ضليت اعيط وابجي حيل نقهرت وستهظمت واحس راسي كام من الجر احس شعري ضل يطكطك بيده وانه اعيط اريد شخص استنجد بي وطلعت مرته وبنته يباوعلي بشماته مايكولون هاذي يتيمته وان اليتييم فلا تقهر وع عياطنه نزلت اختي رحمه وتتوسل بي يعوفني لان شعري تهلس بيديه
رحمه.. عمو فدوه دخيلك خوفها اني اقنعها عوفها عمو حتموت بيدك ابوس ايدك كافي دخيلك عمو
جواد خليها تتربى هل ادب سزز الي ما عرفته نربيها الان تبقى بت ساهره من لحمها ودمها
غسق غديت خردة من الم راسي والصراخ صعدت فوك الغرفتنه وضليت ابجي واتمنى اموت واارتاح منهم واصلان ليش ابجي تعودت مايعدي الشهر اذا مايسبطني كلما يكتلني يجرني من شعري لان يعرفون عزيز عليه وأحبه وكمت وكلت ماخلي النفسي نقطة ضعفت اخذت المكص ودخلت للحمام لزمن خصلات شعري بيدي وشمتيهم وبجيت وخليت المكص وضليت اكص بي لحد ما شفته صار مثل شعر الولد نهاريت وكعدت ع الارض وضليت ابجي ياربي ششوف بعد واني بعمر ١٥ لازم هسه تدلل بس هيهات الماعنده اهل ينذل ويضل مكسور طول عمره غسلت وجهي وشعري وطلعت من الحمام رحمه ...عزا يعينج ع اي شسؤيتي بنفسج ليش هيج شعرج الحلو كاصته مصخنه انتي مخبله غسق مايهمني اني كلشي ححلو بحياتي فقدته مااعتقد اكو اعز من امي وابوي مشه الاسبوع قبل العقد بيوم جنت نايمه وسمعت عيطه ونزلت اركض لكيت عمو جواد وابنه شاكر يتعاركون
شاكر لو تنكلب الدنيه ماخذ هاي شنو  واخذ وحده مثلها ونوب طفله أنه كتلك لو ماتطلع بنت عمي هم ماماخذها شنو ناقصني واخذ وحده مثلها شنو واذا حلوه ماريدها ماريدها
غسق هزتني هز حجاياته عليه ونزلت ودمي يفور عليه مثل الصاروخ ودفعت بس هيهات يندفع طول وجسم وعرض زلمه واني بلنسبه اله طفله لان بنيتي ناعمه وكتله وشنو شايف نفسك واني بعد ماريدك لو تبقى اخر شخص بلعالم
شاكر ضليت افور وسحبت شالها من رأسها بس نصدمت ورجعت ليورا شش ششنو هذا شعرج وين
غسق بتسمت وكتله هيهات تكون عندي نقطه ضعف وتكدرون تأذيني بيها اني ايدي اكطعها فهمت
وصعدت ودمي يفور وضليت افتر بلغرفه وشنو هذا الشخص الي مايسوه فلس يرفضن واني اصلا ماريد ولااشتهي بس الحياة لمن تنادي يوم ثاني صعدتلي مرت عمو جابتلي فستان لون أصفر وبي وردات تبييض هاج لبسي هذا اليوم العقد مالتج وسبحي وخليج طوك ع راسج فشلتينه من يشوفوج العالم شنكلهم ع شعرجج نفخت ونزلت
اني بجيت ودخلت للحمام سبحت ولبست الفستان جان مخصر وبي ورد ابيض من فوك ٥ومن جوه ساده وبي كسرات اجتني رشا ورحمه خلوللي كحله وحمره ع خدودي قليل وماقلبت اخلي شي بعد اكثر لان مالي نفس كلما أتذكر راح نصير اني وشاكر بغرفه وحده احس الفكره وحدها تخنكني لبست طوك ع شعري الباقي ونزل لكيت عماتي فاتن ونور موجودات من شافن شعري نصدمن ن بس مابينلي بوسني وباركلي وكعدت واحس دموعي تنزل ياربي ليش هيج يصير وياي ياربي ليش هيج يصير وياي جانت الساعه ب ٤ العصر وبيها الليله ليله رأس السنه الناس تحتفل وتتونس واحنه من نريد نحتفل بيبي تكول وهيه شننو تحتفلون هوا مجرد رقم وتغير صارت بل ٥ المغرب واجه الشيخ يعقدلنه حيل توترت بس حسيت الوضع موطبيعي بلبيت اجه عمو وصاح ع عمتي
جواد..سميره تعالي
سميره..ها خير ان شاء الله
جواد وينه ابنج لهسه مااجه يريد يفشلني وي العالم والشيخ جاي ننتظره وهوا ماكو كص وجهي وفشلني كدام الناس وزواج خواتي وين انطي وجهي انه هسه
سميره..الغايب عذره ويا انتظره يجوز صايره عنده شغله لو ماتريد تكسر بخاطر بت ساهره
جواد خايبه سدي حلكج ولاحجايه هيه لو على بت ساهره ماتحجي بس شكول للعالم الي بل ديوان
صارت ب ٦ المغرب وشاكر ماكو اني على كعتي ماتحركت وحته من يحاجوني مارد مجرد اكتفي بهز راسي ٦ ونص دخل شاكر سكران وريحة الشرب تفوح منه اني من بعيد وشتميته واحس معتي كلبت اني شون حتزوج هذا المتخلف الهمجي ياربي راحت عمتي سميره  حاجي واجه عمي هم يحاجي شو هذا عافهم واجه عليه اني رئسآ كمت من مكاني وبتعدت ليورا اجه ركض جرني من فستاني حيل وجر الردن مالت البدله ونشكت ردنها اني احس الدنيه كلها سودت بعيني جانت يمي مزهريه بيها ورد أصفر لزمتها وضربته على راسه بكل ماعندي من قوه ماااذكر الصار بس شفته وااكع ودمه بطوله  وشفت مرت عمي ضلت تصرخ وتبجيي ع ابنها اسمعها تكول ابني مات الحكوني مات كتلته بت ساهره اني ماكدر ضليت بس صافنه كوه اجر نفسي ماشوف اله هجمت عليه مرت عمي وبتها وجرن بيه منا ومنا يردون يفكوهم ميكدرون بيبي اكتفت بل بجي يم راس شاكر دخل عمي والولد شالو يركظون بي للمستشفى
رحمه سحبتني منهم وصعدتني فوك وكالتلي غفلي الباب عليج ولاتنزلين لو تسمعين مدري  شيصير فتهمتي  صخمتينه
ضليت بلغرفه لل ١٢ بليل دخلت رحمه وبيدها اكل دخلته بسرعه
سألتها شصار
غسق..شصار رحمه فهميني شصار
رحمه..شاكر عنده نزيف براسه وحيحولو عمليه ليش سويتي هيج يااختي تدرين لو مات محد راح يرحمنه يموتونه والله
غسق غصيت وضليت ابجي اني مستحيل اكدر اكتل بشر شصار ياربي شسويت بنفسي ضلينه عل هل حاله خمس ايام رحمه تصعدلي الاكل واني اكتفي بشرب الماي بس وسألها شصار تكلي مصار شي لسا بعدو بغيبوبه سوله عمليه وماصحى بعدو
غسق..متت توترر وتعب اعصاب احس روحي جسمي منشل شل من تعب والبرد يوم ٦ بشهر الواحد جنت كاعده وسمعت صوت صريخ كلش قوي فتحت الباب وشفت مرت عمي تصرخ ويمها تابوت ؟اي تابوت شاكر شاكر مات اني كلت اكيد هاي نهايتي لازم اطلع منا طلعت واني اركض جانت ساعه ١٠ بليل وبرد وهواء يذبح النفس  طلعت اركض اركض ومادري شكد الساعه جانت جنت بعدني بثوب العقدد مامبدلته بوقتها جان الي ٦ ايام باقيه بي ومنشك من  اني هاهيه كلت هاي نهايتي ياربي وين اروح انه بهل ليل شسؤيت بنفسي ياالهيي وين اولي شصخمت بنفسي عزا بعيني
1. رحت اركض وين ماعند الله كاع جان بيه يوم خميس وشهر الواحد ٦ بارده تكص كص احس الدم تجمد بجسمي وحلكي نشف وماكدر حته اتنفس من الهوا البارد والساعه ب10 ضليت ابجي واركض احس الدنيه سودت بعيني ووكعت ع الارض وضليت ابجي بخنيك ماريد احد يسمعني وصلت البستان كلش جبير اني هاهيه كلت هاي نهايتي
.
.يتبع