دخيلة الشيخ

بارت3

دخيلة الشيخ.
.
.اني كلت هاهيه نهايتي كعدت ع الارض وضليت ابجي وافكر اكول اختي رحمه هسه يموتوها كتل بس شون اكدر ارجع هسه ياربي تعبت التفت الي اني يتيمه وماعندي احد والناس كلها ولتني ياربي اني ادري غلطت من ضربته بس هوا تهجم عليه وهاي ردة فعل ماجنت اريد اسؤي هيج يا إلهي ارحم بحالي كمت امشي وااتعثر واحس روحي بعلومي نار من العطش اريد بس اضوك المي صار الي مثل الحلم اريد اشرب ماي من البجي عيوني مغوشه مشت حد ماووصلت بمكان أشبه بلقريه وما اعرف شكد الوقت هسه وشكد ماشيه اني  بيوت هواي واني حالتي حاله اليشوفني يكول مخبله مو عاقله شعري ماكو ملابسي متملخه وجهي أصفر من تعب والعطش والبرد وقله النوم ماعرف وين راح توديني الدنيه اكثر من هيج شفت بيت كلش جبير كلت خ ادك الباب  والي يصير خل يصير.
.
.شيخ عامر جنت نايم وبسابع نومه غادي خردة من التعب والسفر ساعه ب ٣ ونص الصبح كعدت ع صوت الباب يااستار ياربي منو جاي بهل وكت تلكتني امي
امي..ها يمه كعدت شوف منو جاي يدك بل باب بهل وكت هذا منتظر احد انت شيخ عامر لاوالله يمه خل اطلع واشوف خير ان شاء الله خير
فتحت الباب
غسق.. فتحت الباب
غسق..فدوه اخوي الله يخليك انه بشاربك ودخيله عندك ساعدني
شيخ عامر..تفضلي اختي تفضلي
غسق..ماادخل اذا ماتوعدني تساعدني فدوه اروحلك
الشيخ عامر عد عينج بويه بهل شارب انتي فوتي
غسق دخلت للبيت اول شي يم الباب حمام خارجي وعدهم طرمه جبيره وبيها نخلات ثنين وشجرة نبق كلش جبيره وورد متسلق لونه وردي دخلت واني ميته تعب ونعس بس من الخوف مااحس بيهن فوتني الرجال جوه ودخلت للبيت لكيت مره جبيره بلعمر ضليت واكفه بلباب هيه من شافتني مثل ال انصدمت بس مابينتلي وكالتلي فوتي امي انتي فوتي تعالي
كعدت وهيه كامت جابت دولكه مي وصبتلي بكلاص شربت الكلاص كوله من العطش كالتلي بعد تردين هزيت راسي صبتلي وشربته مت العطش احس روحي مستعده اشرب براد  كامل كالت بعد انه ستحيت هزيت راسي بلا كامت ورجعت جايبتلي اكل اني باوعت ع صينيه بيها طماطم وبتيته وزلايط وروب وكلاص جاي وثلاث خبزات  كالتلي انتي اكلي واني شوي واجي هزيت راسيي ماصدكت طلعت من الغرفه اووكعت ع الاكل مثل المخبله اكلت خبزتين ونص اول مره بحياتي اكل هيج اكلت بقهر وجوع بنفس الوقت خلصت ودنيت عن الصينيه واني اباوعلها واكول بكلبي شكد عيب هسه شيكولون علي شوي ودخلت المراءة وجها نوراني ومبين عليها  من اهل الله شالت الماعين وجابتلي ثوب دشداشه طويله لونها جوزي ومخططه ب اسود كالتلي لبسيها لبسته ورجعت كالت الشيخ يريد يشوفج هزيت راسي دخل الشيخ عامر ..كال السلام عليكم
جاوبت..وعليكم السلام
الشيخ عامر..بويه اعتبري نفسج البيت بيتج وارتاحي ونامي وان شاء الله الصبح افتهم سالفتج ومكضيه من هل شارب
غسق..شكد ستحيت هزيت راسي وكتلها مشكور
سلم وطلع فرشتلي الحجيه فراش ونمت ماحسيت بشي اله ع صوت الاذان عبالي اذان الصبح باوعت ساعه ب ١٢ الظهر معقوله هلكد نمت شكد عيب ياربي وضليت افرفر بلغرفه اريد اطلع اروح لللحمام واستحي شون ياربي لاتغسيل لاشي حد ما فتحت البرده مالت شباك وضليت اباوع ع الحديقه واصفن نفتح الباب ودخلت بنيه هيج مبين عليها اكبر مني
ساره..صباح الخير
رديت  صباح النور هلا
ساره..يلا حبيبتي تعالي تغدي ويانه رديت أي اي فدوه انه اريد اروح للحمام واغسل ياريت تدليني ووو اريد  شي اغطي بي شعري فدوه
ساره يي تدللين تعالي ويايه دخلت للحمام غسلت ونطتني شال ونزلت وياها كلت السلام عليكم  ردو وعليكم السلام
الحجه تعالي يمه اكعدي لاتستحين تغديت وجانو مسوين سمك شوي ضليت اكل وشبعت وخلصنه وضليت كاعده سألنيي ال شيخ بويه حياج الله
رديت يحيك خويه
ان شاء الله مرتاحه ..الحمد الله مشكور مرتاحه
مدام مرتاحه احجيلي سالفتج بلكن اكدر احلها الج واخلصج منها وانتي دخيله عندي اي شي يصير عليج مسؤليتي لاتخافين مني هاي امي هيه امج وساره اختج .
..اي ان شاء الله كلكم على راسي سولفلته السالفه بس كتله انو اني يتيمه ويردون يزوجوني وابن عمي موزين  وسكير بس ماكوتله انو كتلته ومات خفت يطردوني ومن حقهم اذا عرفو بهاي  السالفه يخافوون على نفسهم الشيخ عامر..بويه انتي مثل اختي وعرضي راح تبقين هنا معززة مكرمه الي يدوسلج ع طرف يدوسلي
اطمنت بكلام الشيخ ضليت صارلي سبوع عدهم والوضع هدوء بس اكو خوفه بكلبي مع انو ادري هنا أنه دخيله والدخيل ماينرد ضليت اكعد من الصبح انضف واطبخ وياهم واساعدهم ودائمآ الحجيه وبتها يرفضن بس انه اكلهم اذا معتبريني بتكم خلوني اساعدكم وانه متعلمه ع الحركه اتكسر من الكعده وهنه بلكوا يقبلن 
.
.الشيخ عامر ..كلام البنيه ما دخل عقلي ابد بس مال بيوم العقد شردت وماعدها شي ملابسها وهيئتها تدل ع شي ثاني أنه اول مافكرت فكرت انو البنيه متعرضه لااغتصاب وخايفه من اهلها لان ملابسها المشكوكه وتعبها وعطشها مال ايام مو مال يوم واحد ف ضليت اركض وره الموضوع   اريد اعرف شنو السالفه ؟
اليوم صارلها ٣ ايام عدنه زاروني شيوخ
الشيخ كافل. الشيخ علي السلام عليكم
الشيخ عامر ياهلا ياهلا وعليكم السلام نورتو البيت بويه تفضلو
الشيخ كافل الاباالله مانفوت مشينه نروح الفاتحة بيت جواد ابو علي ابنو شاكر ميت
الشيخ عامر لابالله هذا شلون مات
ال شيخ علي انت تعرفو راعي مشاكل وسكير شي اكيد مات بسالفه من سواليفو
الشيخ عامر افااا لاتحجي هيج ربك يكول اذكرو محاسن مواتكم الله يرحمو
الشيخ علي الله يرحمه