بارت 12
💖خالة اروحلج فدوة كملي جميلج عليا وخليني اجي اشوفها وانتي تدرين بنيتي واذا تحبين اجيب اهلي واجي
💖حيدر والله مااعرف شأكلك بس هي ماتقبل اشوف احد حتى احنا شوية كعدت ويانا وحجتلنا السالفة ودخلت غرفتها ماتقبل لاتشوف احد ولاتحجي
💖ميخالف خالة كوليلها حيدر يريد يحاجيج اكيد تحاجيني اذا ماقبلت اجي
امها اخذت الموبايل وصعدت يمها اسمعها ماما شموسة حيدر 💖يريد يحاجيج حبيبتي بس فتحي الباب وتدك الباب وماكو رجعت تكول اكيد سمعت هاي من البارحة ع هالحال اذا تريد خليها فترة يمكن محرجة شوية وجهها مجرح
سديته طاير من الفرح بدلت حتى بلا ماازين لحيتي الي صاير عبالك غابات اخذت همام ورحت لبيتهم واجوا اهل المرحوم بس يباركون لسلامتها واني كدام ابوها واخوها مااكدر الح وهو بودي إدخللها من زرف الباب واجوي صديقاتها رغد ومنى كالوا هسه احنا نحاول صعدوا هوايا حاولوا يلا قبلت تفتح الباب ياربي جنت اتمنى بس اسمع صوتها بس نظرة من عينها خطف وبعد شوية نزلوا مو وياهم شمس عيونهم مورمة وسلموا يطلعون بسرعة احنا هم سلمنا طلعنا وراهم كلنا نوصلكم
💖رغد منى ليش مانزلتوها وياكم ماكلتولها حيدر ينتظرج ترى اني مايهمني اذا مجروح وجهها والله مايهم واذا يعني شنو
💖حيدر انت تحسبنا مثل اخواتك صح
💖اكيد اكيد
💖اخذها كلمة منا شمس ماتنفعك بعد
كلامهم عبالك صاعقة بأذني يمكن بلحظتها حسيت شعور المرحوم رافد من ذبحوه
💖شنو قصدج رغد ليش ماافتهمت
💖شمس تكول ماكو قسمة بينا خلي يشوف حياته وكالت كولوا لحيدر شمس كصت شعرها
اتذكرت من كتلها مرة شعرج تكصيه من اموت ويموت حبج الي
💖رغد منى بس اني مامتت
💖زين يعني اتذكرت حجايتك لعد خلي اكلك انت مامتت بس حبك مات وبمعنى اصح ذبحوه ويا ماذبحوا رافد
خلوني ومشوا بس اني مامستوعب شنو يعني لا اكيد اكو شي غلط بالموضوع
وبقيت احاول كم يوم وماتقبل حتى تسمعني صوتها بعدين اجا اشعار من شركة الاتصالات أن رقم شمس يشتغل
&
&
&
#رواية_شمس_حياتي 😻🦋
🐣
↴ ะ ※ ⁞🌾🐰 🐣🌿
YOU ARE READING
رواية شمس حياتي
Romanceقال لها أحبك ، فقالت الحب افعال .. فتزوجها ! - هذا الشخص لا يمثلنا و لا نعرفه ولا يعرفنا ونتبرأ منه ..
