بارت 14
💖ها حيدر شو سكتت شفت شلون جنت اني ع حق من كتلك ماانفعك وابريلك الذمة روح شوف حياتك والدين الي علينا مشكور ان شاء الله يوصلك بأقرب وقت وهسه من رخصتكم
هي كامت تجر نفسها كوة واتجهت الدرج الي يصعدها لغرفتها واني كمت طلعت بلا مااحجي اي كلمة ظليت امشي بالشوارع مثل التايه وكلام شمس يدك براسي(( ها حيدر بعدك تريدني)))
ظليت افكر بعشوائية شسوي شلون اتصرف وشاحجي وسؤال شمس براسي بعده مااكدر اجاوب عليه اوووووف معقولة وصلت لدرجة شمس تسألني كدام اهلها بعدك تريد شمس واني الغبي اسكت ومااجاوب هاي شمس الي روحي متعلك بنظرة بيها احير اقبل بيها لو لا للاسف ظليت افكر مرات بكل أنانية الرجل الشرقي شلون اقبل بيها واخذها وكلما اتقرب منها اشوف اثر غيري ع جسمها شلون واني كل لحظة داتخيل شلون جانوا يتقربون منها وشلون وشلون....ومرات اكول هي شنو ذنبها واصلا قاومت اكثر من طاقتها وتبقى هي شمس البريئة الطاهرة الي حبيتها وبين هذا وذاك مرن ايام واني حتى مامخابر شمس ولا رسالة دازلها
وفد يوم خابرني ابوها
💖حيدر اني اشكرك من كل گلبي تعبناك ويانا والدين حاضر واجيبه الك للبيت بس اريد اطلب منك شي يمكن صعب ع اي اب يحجي بيها بس انت بالموضوع مو غريب صرت واحد بينا وماننسى وكفتك ويانا حتى إذا ماكو قسمة نصير عائلة
💖لاعمو الله يخليك لاتحجي بهالشكل دين ايش هذا واجبي والقسمة. ..
💖ارجوك حيدر خليني اكمل الي اريده منك بس يبقى الكلام الي سمعته من شمس سر بينا وبينك هي اكيد الناس راح تشك وتعرف بس احنا قدر الامكان انداري تعرف مجتمعنا
💖تدلل عمو اعتبرني ماسمعت شي
طبعا من خلال كلامه حسيت شنو يعني الرجال ينقهر وينكسر ظهره
وبقيت فترة محتقر روحي مااكدر اخذ قرار اوكف بيه بوجه المجتمع الي راح يعوف المأساة ويظل يحارب شمس ع جريمة وعاهة شرف هي ماالها ذنب بيه وذاك الوكت تريد رجال يسندها واني جبان مو ذاك الرجال
وافكر ياترى شمس شتسوي هسه شلون دتكضي اليوم وشلون تفكر بيا بحقارتي هه حقها كلش حقها
افكر ياترى شعرها بدأ يطول لو بعده افكر واعاين ع صور التخرج شموسه شكد جانت فرحانة وشكد لايكلها الضحك وشكد إذاها الوكت وشوه الدنيا بعينها قبل لايتشوه وجهها الحلو وفوكاها اني اذيتها رغم اني وعدتها مااتخلى عنها للموت
مشتاقلج كلش ياترى اذا اخابر تقبل تحاجيني واذا قبلت شأحجي شأكول
وبيوم بالليل خابرتها دكتين وجاوبت بصراحة ماجنت متوقع
💖شلونج شمس
💖هلو حيدر الحمدلله بخير انت شلونك
💖شمس اني مااعرف ليش خابرت ومااعرف شأحجي
💖شبيك حيدر ترى عادي كلش بس انت مكبر الموضوع انت ع حق وماالك ذنب ترتبط بوحدة مدني شرفها و.......
💖يكفي يكفي شمس يكفي انتي تذبحيني ليش.....
💖ليش حيدر هي هاي الحقيقة يلا انسى نكدر نصير اصدقاء مو الا حبيبين يكفي بين فترة وفترة تخابر تسال عليا
💖شمس شتحجين انتي وين اكو حب يتحول صداقة وخاصة حبنا احنا الي جان...
💖جان حيدر جاااااان ماضي مات مثل ما مات رافد وماتت شمس اني هسه إنسانة ثانية بس المضحك بالموضوع اذا كتلك إنسانة اقوى..... قبل انت جنت تحميني من الناس هسه اني احمي نفسي وراح اوكف بوجه الكل واعيش حياتي
بين ماتحجي اني اتكطع بداخلي وحسيت صدك اني شدأسوي
اني مااكدر اعيش بدونها ولازم اتحدى العالم علمودها هي تحجي اني سديت الخط وطلعت ع السريع اخذت تكسي لبيتهم وصلت امها بالباب
💖شلونج خالة عمو ابو فراس وفراس موجودين
💖اي خالة ليش خير
💖اريد اشوف شمس بوجودهم الله يخليج خالة ساعديني
دخلتني ابوها واخوها كاعدين وشمس ماكو صاحتلها مرتين نزلت اتفاجأت واخوها هم حسيته انزعج هم حقه
💖السلام عليكم
💖اهلا ابني خير حيدر شكو
💖شمس تذكرين من سالتيني حيدر بعدك تريدني؟؟ بيومها اني طلعت ماجاوبتج وهسه ابو فراس خالة فراس اني اطلب ايد شمس منكم واتمنى اتمنى توافقون واوعدكم احميها و...
طبعا وجه العائلة اتغير والإبتسامة ملت عيونهم
&
&
&
#رواية_شمس_حياتي 😻🦋
🐣
↴ ะ ※ ⁞🌾🐰 🐣🌿
YOU ARE READING
رواية شمس حياتي
Romanceقال لها أحبك ، فقالت الحب افعال .. فتزوجها ! - هذا الشخص لا يمثلنا و لا نعرفه ولا يعرفنا ونتبرأ منه ..
