لولا أسرار الماضي

الحلقة الثانية:-

*في صباح اليوم التالي يستيقظ شيفاي و يرتدي بنطال و تيشيرت مريحين ثم اتجه إلي غرفه الضيوف ليري بافيا تجلس بجانب أنيكا و تمسك بقطعة من القماش و تبللها بالماء و تضعها ع جبهة أنيكا لتخفض من حرارتها و آريان يجلس بجانبها و يبكي*
شيفاي: آريان بيعيط ليه؟
بافيا: بيقول إنه عارفها و إن هي أنقذته من واحده عايزه تخطفه و إن اسمها أنو و إن لما كان هيتخطف فضل يعيط  فعشان تصالحه جابت له شوكولاته و لعبه.............
شيفاي: هو مش اسمها غريب شويه؟!
بافيا: ماده دلعها ..... هي اسمها أنيكا.
شيفاي: عرفتي منين؟!!
بافيا: و أنا بغير لها هدومها لقيت سلسله في رقبتها مكتوب عليها اسمها ..... و اه لقيت كارنبه كليتها في هدومها.....
شيفاي: إديهولي بسرعه يا بافيا...
بافيا: حااضر...
آريان و هو يبكي: عمو عشان خاطري خلي أنو تصحي .
شيفاي: هتصحي يا حبيبي هتصحي.......
*أما في أحد النوادي المشهوره بالبلده تجلس تيا بمفردها ع إحدي منضدات الكافتريا تشرب مشروب بارد و تتصفح في هاتفها*
بوجا: تيا هانم...
تيا: خير يا عقربه.
بوجا: تيا هانم أنا جيه أسأل عن صحبتي ... من ساعة وفاة طنت و عمو و بعديها طلبت من عميد الكليه أجازه لحد امتحانات السنه و أنا مشفتهاش.
تيا: مليش دعوه بيها ، شوفي صحبتك ماشيه مع مين اليومين دول...
بوجا بحده: تيا هانم ، إنت عارفه إ، هي مش كده.
*لتنهض تيا غاضبه*
تيا بغضب: وطي صوتك يا قليلة الأدب إنت ، و أنا مالي بيها أنا معرفش عنها حاجه و لا عايزه أعرف أصلا روحي دوري ع صحبتك لوحدك....أنا مليش دعوه بيها فهمه؟!
*ثم تذهب و تتركها تبكي ... أما بمنزل أوبيروي و في الصالون بالتحديد*
بينكي بغضب: متقوليش ليا ماما إنت فاهمه؟؟!!
١_بافيا ببكاء: حاضر يا ماما أنا آسفه ...
بينكي بغضب: قلت لك بلاش ماما...
رودرا بصراخ: ما كفايا بقي يا ماما ... هتفضلي لحد إمتي كده ..
بينكي بصدمه: إنت بتعلي صوتك عليا يا رودرا؟!!!
شيفاي: إيه اللي بيحصل هنا ؟!
*ليركض إليه آريان و هو يبكي فيحمله شيفاي و يحتضنه و يربت ع ظهره*
شيفاي: متعيطش يا آريان أنا هنا.
آريان: أنا خايف...
شيفاي: متخافش ... بص يا حبيبي ، اطلع اقعد جنب أنو.
*لينزله و يركض لغرفة أنيكا*
شيفاي: في إيه؟!
رودرا بضيق: مافيش أمك بتزعق لمراتي عشان قالت رأيها في موضوع من غير ما تستأذنها ... ومش عاوزاها تقول لها ماما ، بافيا اعتذرت بس هي كرهها عماها.
بينكي: أنا كنت معترضه ع الجوازه دي من الأول.
آريان بفرحه: ماما ، ماما ... أنو بتحرك إديها...
*ليركض الجميع للغرفه ليروا أنيكا بالفعل تحرك أصابع يدها بصعوبه ، في منزل تريفيدي*
فير: بنوتي بتعمل إيه؟!
تيا: بنوتك عايزه تعمل شوبنج بس معهاش فلوس.
فير: بس كده ... طب خدي دول.
*ليخرج من جيبه  مبلغ من المال و يعطيه لها .. لتحتضنه هي*
تيا: شكرا يا أحلي بابا..
فير: العفو يا حبيبة بابا .. قولي لي بقي إيه أخبار شيفاي؟؟!!
تيا: معرفش يا بابا ، بقالنا شهر متقابلناش......
فير: طب متروحي له...
تيا: مش دلوقت خليها الشهر الجي عشان مش فاضيه الشهر ده.
فير: براحتك يا حبيبتي...
ماهشواري: العشا جاهز....
*في صباح اليوم التالي في أكبر كليه بالمدينه يدخل شيفاي و معه ياش لينقد عليه الطلاب ليلتقطوا معه الصور ليأتي عميد الكليه و يفرقهم و يدخل شيفاي و ياش مكتبه...*
٢_شيفاي مبتسمًا: صباح الخير.
عميد الكليه: صباح النور يا شيفاي بيه .... يا تري إيه سر الزياره المفاجئه دي؟!
ياش بجديه: كنا جايين نسأل ع طالبه اسمها أنيكا...
عميد الكليه: مالها أنيكا ... دي من أفضل الطلاب عندنا ، بتدرس في قسم الفن وواخده أجازه بقالها شهر من ساعة وفاة والدها و والدتها...
شيفاي: هي معملتش حاجه بس أنا كنت عاوز أوصل لأهلها ، طب في حد بقي مسئول عنها بعد وفاة أسرتها ؟!
عميد الكليه: عمها .... بس هو إتخلي عنها لأسباب خاصه فقررت تعيش لوحدها..
ياش: طب ينفع عنوانها....؟
عميد الكليه: أكيد بس اللي معانا عنوان عمها عشان هو مقيم في بيتها .... لكن عنوانها الجديد محدش يعرفه غير صحبتها...
شيفاي: طب ممكن نلاقيها فين؟؟!!
عميد الكليه: في كافتريا الكليه...
*في منزل أوبيروي*
بينكي: هي مش حركت إديها إمبارح مصحتش ليه؟!
بافيا: هي مستسلمه لمرضها زائد إنها في غيبوبه و كانت حالتها متدهوره و معني إنها حركت إديها ده معناه إن جسمها إبتدا يتجاوب للعلاج....
بينكي: ربنا يقومها بالسلامه..
*في الكليه و في الكافتريا بالتحديد تجلس فتاه ع إحدي النضدات تقرأ بكتاب اسمه الحياه من تأليف أنيكا.ر.ت ، و تبكي ليقطع قرأتها صوت رجولي....*
ياش: حضرتك أنسه بوجا...؟!
بوجا: أيواا أنا..
شيفاي: شيفاي أوبيروي...
بوجا: أنا مش مصدقه شيفاي أوبيروي ... أنيكا أستاذ شيفاي هنا ....
*لتنظر بجانبها تبحث عنها لكنها تتذكر أنها ليست معها*
بوجا بحرج: أنا آسفه ، بس صحبتي كانت هتبقي أسعد مني بالمقابله دي..
*ليخرج شيفاي بطاقه من جيبه*
شيفاي: ده كارنيه صحبتك؟!!!!
بوجا بعدما إلتقت منه البطاقه بلهفه: أيواا هو ٣_كارنيها... هي كويسه حصلها حاجه ، طمنوني عليها أرجوكم ،، مليش حد غيرها في الدنيا دي و هي كذلك....
ياش: إهدي يا أنسه بوجا ... هي كويسه ،،، تعالي معانا عشان تطمني عليها.
*أما في أحد المقرات السريه للسيد فير ، يجلس ع أحد الكراسي التي تشبه كراسي الملك يضع قدم ع قدم و أمامه داكش*
فير: فين جثتها؟؟
داكش: في مشرحة المستشفي..
فير: عايزك تقتل أي حد يدور عليها.
داكش: حاضر يا بيه..
فير: روح دلوقتي و فلوسك هتوصلك...
داكش: حاضر يا بيه..
*في منزل أوبيروي .. يدخلوا القصر و يسرعوا إلي غرفة الضيوف لتري بوجا أنيكا كالجثه الهامده لتركض و تجثو ع ركبتهيها بجانب الفراش و تمسك يدها*
بوجا ببكاء: أنيكا...أنيكا اصحي أ نا مليش غيرك ، أنيكاا ارجوكي افتحي عينك كلميني....أنيكا أنا مستعده أرجع أذاكر بجد بس إنت اصحي عشان تساعديني ،، أرجوكي أنيكا اللي كتبت كتاب الحياه قالت إنها مش هتستسلم و هتوصل للي هي عاوزاه أرجوكي اعملي زي ما كتبتي قومي و حققي حلمك عشان خاطر عمو و طنت يلاا عشان خاطري .... طب بصي بلاش خاطري أنا بصي ورايا شيفاي أوبيروي بنفسه مش كان نفسك تشوفيه قومي أهو جالك أهو،،، عشان خاطره يلا أرجوكي....
*لتنظر بوجا لياش و شيفاي و هي مازالت تبكي ثم تكمل*
هي مش بترد عليا ليه ؟ ... إيه اللي حصل لها؟ قولولي....
*ليقترب منها ياش و يضعى يده ع كتفها*
ياش: إهدي يا أنسه بوجا أرجوكي هي في غيبوبه مؤقته و محدش عارف هتفوق إمتي....
*لتبكي بقوه مره أخري ... أما شيفاي أصبح لديه شغف ليعلم لماذا مستسلم هذا الجسد لما هو عليه الآن ، أما بمنزل تريفيدي و في الوقت الغداء بالتحديد*
ماهشواري: فير؟!
فير بضيق: يا نعم...
ماهشواري: عملت إيه في بنت راج يا فير؟ّ!
فير: مالكيش دعوه ركزي في بيتك بس...
٤_ماهشواري: يا فير أرجوك قولي وديت البنت فين؟!
تيا: في إيه يا جماعه صوتكوا جايب آخر الدنيا؟؟!!
فير بغضب: ابقى اسألى امك...
*ويتركهم فير ويصعد الى غرفته*
تيا: ماما فى اى ممكن افهم؟!
ماهشوارى: مفيش يا حبيبتى متتعبيش نفسك اطلعى ارتاحى فى غرفتك....
تيا: حاضر يا ماما.
*فى قصر اوبيروى*
آريان: انو اصحى بقى...
بافيا: حبيبى آريان هتفوق قريب روح انت دلوقت ارتاح و سيبها ترتاح.
آريان: حاضر ماما بس هو شيفو لسه مرجعش.
رودرا: يوه هيقولى شيفو...
آريان: خلاص بقى يا رودى....
رودرا: آريان روح ع أوضتك...
آريان: شيفو...
*ويجرى عليه يحضنه*
شيفاى:آريان.
آريان: شيفو هى انو مش راضيه تكلمنى ليه هى مخصمانى.
شيفاى: لا يا حبيبى انو تعبانه بس أول ما هتخف هتكلمك وتلعب معاك كتير.
آريان: يارب تخف بسرعه.
شيفاى: دلوقت روح على أوضتك...
آريان: ماشى يا احلى شيفو.
*ويقبله فى خده ويركض الى غرفته*
بينكى:انتى ياللى اسمك بافيا روحى وسيبى البت فى حالها...
بافيا: يا ماما انا قاعده معاها علشان لوفاقت او اتحركت أبقي جنبها...
بينكى: برضك هتقولى ماما.
بافيا: آسفه يا بينكي هانم...
*لتركض بافيا باكيه الى غرفتها*
رودرا: بافيااا ... ماما إيه اللي إنتِ عملتيه ده؟!
بينكى: عملت إيه؟!
شيفاى: رودرا روح انت دلوقتي ورا بافيا....
رودرا: ماشى يا شيڤاي....
*فى غرفة رودرا وبافيا*
رودرا: بافيا ممكن تبطلى عياط...
بافيا:بس انا معملتش حاجه علشان مامتك تكرهنى كده....
٥_رودرا:معلش يا حبيبتى انت عارفه ماما...
بافيا:مش ذنبى انى من طبقة متوسطه......
رودرا: خلاص بقى يا بافيا ويلا نامى......
بافيا: حاضر..
*ناموا جميعا ، فى الصباح ...عند فير*
ماهشوارى: تيا حبيبتى مش هتروحى كليتك؟!
تيا: لأ يا ماما.
فير: ليه يا تيا؟!
تيا: هروح لشيفاى.....
فير: مش انتى  قولتى هتروحي له بعد شهر....
تيا: لا ما انا مش هروح انهارده الجامعه وهروحله....
فير: ماشي يا حبيبتي براحتك..
*ذهبت تيا الى قصر اوبيروى*
بينكى:ازيك يا تيا يا حبيبتى عامله إيه؟!
تيا: بخير يا طنت...
بينكى: لا يا حبيبتى قوليلى ماما....
*كانت بافيا واقفه وحزينه من كلام بينكى*
تيا: مش هتقولولى اتفضلى.
بينكى: ازاى طبعا اتفضلى يا حبيبتى بت يا بافيا روحى شوفى ستك تشرب إيه....
بافيا: حاضر يا بينكى هانم....تشربي إيه يا تيا؟!
تيا: عصير مانجو ، أومال فين شيڤاي؟!
بينكى: من الصبح وهو بره ورودرا لسه فى شغله...
تيا: ماشى يا ماما....
بينكى: استنى جالى اتصال هرود وارجعلك.
تيا: ماشى يا ماما.
*قامت تيا وصعدت للدور الثانى لتنظر لتجد غرفة مقفوله وهى فى طريقها الى تلك الغرفه يصطدم بها آريان*
تيا: انت غبى..!!
آريان: آسف.
تيا: يلا اتفضل امشى من هنا...
آريان:انتى طنت وحشه...
*تيا وقد رفعت يدها لتضربه ولكن آريان كان ركض فتقدمت تيا اكتر من الغرفه وكانت على وشك ان تفتحه  ولكن اوقفها صوته الحاد من خلفها*
شيفاي قائلًا: تيا اياكى ان تفتحى الغرفه او تجى جمبها تانى....
تيا:شيفاى انت جيت؟! ولع بقى الغرفه دى؟!
شيفاى: هو كده متجيش جمبها....
٦_تيا:اوكاااي..
*نزلوا الى الطابق الأول*
ببنكى: تيا كنتى فين؟!
تيا: مفيش يا ماما كنت فوق....
آريان: شيفو خلى طنت دى تمشى.
شيفاى: ليه يا حبيبى؟!!
آريان: دى طنط وحشه....
شيفاى: ليه بس ؟!
*وقبل ما يكمل آريان نظرت له تيا نظره حاده فخاف*
آريان:خلاص يا شيڤو انا هروح أوضتي
*وأخذ يركض الى غرفته*
تيا: شيفاى مش هنخرج؟!
شيفاى: مش هعرف دلوقت خالص ورايا مشوار مهم وبعدين ابقى  افضالك....
تيا: تماام
بافيا: اتفضلى العصير.....
*اخدته تيا ولكن مع اول رشفه*
تيا: ايه القرف ده...
*لتلقي باعصير بكل وقاحه ع بافيا*
شيفاى: تيااا ، ايه اللى إنتِ عملتيه ده؟!
*يأتى رودرا مسرعًا عندما شاهد المنظر*
رودرا: بافيااا...
*لتذهب إلي غرفتها راكضه*
تيا: هروح انا....
شيفاى: استنى هنا رايحه فين ايه اللى انت عملتيه ده؟!!!
تيا: عملت ايه ؟! انا همشى....
شيفاى: لا مش هتمشى من هنا الا لما تعتذرى  منها...
تيا: لا مش هعتذر يا شيڤاي....
بينكى: تعتذر على ايه ؟! هى هتمشى....
شيفاى بحده: أنا قلت لأ...
رودرا: بافيااااا..
بافيا ببكاء: انا عايزه امشى من هنا....
رودرا: بافيا استنى ارجوكي...
*سحب شيفاى تيا من يدها ووقف بها أمام بافيا*
شيفاى: لا يا بافيا مش هتمشى....اتفضلى يا تيا اعتذري لها....
تيا: يوووه بقى انا اسفه خلاص كده ، انا همشى.....
شيفاى: امشي مش عايز أشوف وشك غير لما تعرفي إن إحترام أهل البيت واجب....
*خرجت تيا وهى تتوعد لهم.........*
يتبع
#لولا_أسرار_الماضي
تأليف: omnia & nour ...... O & N
@creations_nour