Enemy vs Enemy | ✓

Enemy #94

Cloud's POV ☁️

3 weeks have passed at mas naging busy kami sa school. Finals na kasi para sa first sem ng aming sophomore year kaya't kabilaan nanaman ang mga projects.

Tulad ng dapat na gawin ng isang estudyante, pumasok ako sa school kahit sobrang nakaka-tamad. Well, tamad talaga ako at alam kong kaya kong mag ditch ng class kung gustuhin ko, but of course I don't want to do it.. I can't fail my mom.

Bago mag simula ang aming klase ay ilang yosi pa muna ang naubos ko dahil sa pag-iintay. At nang dumating na ang prof ay agad na akong pumwesto sa upuan ko na nasa likurang bahagi ng room.

Bago mag simula ang discussion ay nag check muna ng attendance ang prof kaya naman ay tumingin nalang ako sa labas ng bintana para hindi mabugnot.

"Harvey, Cloud J.?" - pagtatawag ng propesor sa pangalan ko.

Tamad kong itinaas ang kamay ko ng hindi manlang lumilingon. Nag patuloy naman ang pag check ng attendance na kanya-kanyang ring sinasagot ng aking mga kaklase.

Sa dami naming magkaka-klase, paniguradong matagal pa to. Tsk. Eh ano kaya kung manigarilyo muna ako?

"Valleña, Lindy R?"

Kaso nakaka-tamad lumabas eh, bwisit. Yayayain ko nalang mag inuman sina Rey mamaya.

"Lindy.. Valleña?"

Napatigil ako sa pag-iisip ng banggitin ni prof ang pangalan ni Lindy. Tulad ng mga kaklase ko ay napalinga rin ako sa pwesto ng inuupuan niya pero wala siya 'ron.

"Absent po, prof." - sagot ng isa kong kaklase na malapit lang sa inuupuan niya.

"Absent again?" - mataray na tanong ng prof habang minamarkahan ang kanyang class record. "Based on my class record, she's been absent for two weeks now. Nag-drop out naba siya?" - tanong ulit ng prof na wala namang isa ang sumagot.

Muling nag tawag ng mga estudyante ang prof para sa attendance samantalang ako naman ay nangungunot ang noo habang naka-tingin sa upuan ni Lindy.

Where is she?

Masyado ata akong naging abala nitong mga nakaraang linggo kaya hindi ko napansin ang presensiya niya. Base sa prof dalawang linggo na siyang hindi pumapasok.. nasa bakasyon ba silang magpapamilya? Eh bakit hindi manlang siya nag iwan ng excuse letter kung ganoon nga?

Pasimple kong kinuha ang cellphone ko para itext siya pero ilang minuto na ang nakaka-lipas ay di parin ito nag rereply. Palihim ko rin siyang tinawagan sa kalagitnaan ng klase pero naka-patay ang cellphone nito. Tsk.

Wala akong nagawa kundi ang makinig sa prof. Nang matapos ang klase ay muli ko siyang sinubukang tawagan pero tulad kanina ay naka-patay parin ang cellphone nito.

Nagsi-labasan na ang iba kong mga kaklase samantalang ako naman ay lumapit kay Bonnita na isa ring matalik niyang kaibigan.

"Hmm, hoy." - tawag ko sa kanya.

Kunot noo naman siyang napalingon sa akin at medyo nagulat pa.

"Bakit?" - nagtatakang tanong niya. Psh.

"Si Lindy ba alam mo kung nasan?" - tanong ko.

"Hindi nga eh, tina-try ko siyang kontakin pero di ko ma-contact." - baton niya.