نهوة سيف

البارت الثامن

بداية يوم جديد زقزقة العصافير والجو جان كولش حلو فتحت الشباك وجان بيوت عمامي كولهم كدامي والشط الي احلى من كولشي حسيت انو حيكون يوم حلو

اسلام . صباح الخير ياحلو

غزل.صباح الخير ياجميل

اسلام. يلا ننزل الساعة ب ٩

غزل. لعد وين امنية

اسلام. مو لازم وحدة من عدنة تنزل ب ٦ علمود الولد وجدي فيوم اني ويوم هية

غزل.هااا لعد تاني ادخل للحمام وننزل سوة

اسلام.حاضر

غزل. دخلت للحمام وطلعت لبست تراك  اسود طويل حتى محد يحجي ويطلع بطولاتة براسي ولبست شال اسود ونزلت جان محد موجود بالمطبخ بس ماما وخالة واحنة البنات

غزل. صباح الخير

الكل .صباح النور

غزل.ماما تمشطيلي شعري وسويليا ضفيرة

رنا.اي ماما تعالي 

وبدت ماما تضفرلي شعري جان لونة اسود عبالك فحم ومثل ميكولون حرير يصول تحت الورك

اسلام.يلا مو خلصتي كومي تريكي

غزل .اوك هو دا اكوم
بدينة نتريك بس ماما تلوب وتريد تعرف شصار لأن اليوم كعدة عمامي وي أهل الرجال

غزل.ماما انتي مو كولتي باجر تثبت برائتة ليش خايفة ماما اكو شي

رنا.لا حبيبي كولشي ماكو بس هيج متوترة

غزل. رحت حضنت ماما وكعدت ع رجليهة اباوع على عيونها الرصاصيات الي ورثتهم من عدهة جانت عيونه ذابلة بس جماله هو هو الله يحفظه قمر بستهة ورحت وي البنات للحديقة الي بداخل البيت جانت اكو مرجوحة كعدنة نسولف

امنية. بنات بعد ٦ ايام ويروح سيف ونطلع للشط والزرع برة

إسلام. كون ايهم الكلب مموجود

غزل.طيب ليش منطلع هسة

اسلام. سيف ميقبل

غزل.هسة هم مموجودين عادي نطلع

اسلام. تضحك وتكول لا اني مااجازف ولتنسين اليوم ادعي رب العالمين نفلت من سالفة أمس

غزل. الساعة هسة ب العشرة ونص وهمة كعدتهم ب ٩ الطريق من بغداد لهنانة ٦ ساعات ويبقون هناك فد ٣ ساعات يعني ب ال ٨ الليل يجون نكدر نطلع ورة الغدة

امنية.اي والله بس ايهم هنا خاف يشوفنة

اسلام .نتاني ينام ونطلع

غزل. يلا كومو خلي نساعدهم حتى نخلص بسرعة

رنا. غزل بعد لتنزلين هيج أبن عمج حاجاني اليوم وكلي خلي تلبس دشداشة