نهوة سيف

البارت الرابع عشر

A_s

وصلنة للبيت واول منزلت جانت الساعة ب ٨ بسرعة اكلنة وكعدنة نسوي ونحضر للحفلة خالة قررت تسوي حفلة جبيرة بالاستقبال جان كولش جبير جابو كراسي وديجي وكوشة جان المكان يجنن وسيف وأيهم ومحمد ويوسف يزينون الكراسي بتول ابيض ووردي

غزل.بنات عادي ادخل اشوف

اسلام .اي عادي احنة دخلنة حطي شال على راسج

غزل.دخلت وجان كولشي جاهز الكوشة جانت جنن باوعت ليوسف كوتلة اي المهارة دي وضحكت

سيف بدون اهتمام وبدون ميباوعلي طلعي برة

غزل.حسيت انضربت على وجهي مكلت شي غير اوك

يوسف.لك سيف هاي ام السان شلون سويته هيج

سيف. تعلم تعلم وانجب اريد اكمل

يوسف.تأمر سيدي

غزل.جان الديجي برا صحت اسلام وامنية ومودة والكل تعالو هناا

البنات.خير شتريدن عروستنة

غزل. جيب الديجي نركص والكل فرح حتى ماما وخالة رحمة حسو انو اني دا أوافق بس ميدرون غزل شتفكر

رحت فتحت شعري ولبست فستان قصير نيلي ع الجسم حد الركبة وحطيت روج احمر ونزلت
الكل باوعلي بصدمة اي حقكم ادري حلوة بس لتباوعون

امنية .يااغنية

غزل. ساجدة عبيد ريميكس ( بساطة اريد اعلكهة ) صح اتخبل من أغانيها بس ماشي نعاقب سيف

فتحت الديجي بأعلى صوت  ونركص متناسية بعد يومين شنو يصير روح الانتقام جانت مسيطرة علية

غزل. دخلو الشباب متفاجئين شنو هالصوت منو جاب الديجي البنات راحن للغرف وبقيت وحدي اركص وعيني بعين سيف باوعلي صاح غزززززل

انتبهت أي لازم هسة اركض

سيف.اليوم اذبحج غززل

غزل اركضت من بيناتهم ودخلت الاستقبال وقفلت الباب وركضت ع الباب الثانية قفلتهة والديجي بعدة مفتوح سمعت صياح سيف وهو يكول طفوووو طفوو حسيت راح ينجلط وجنت كولش خايفة راح اندك اني شسويت بس يلا يستاهل

كعدت ع الكوشة يس همزين موبايلي بأيدي

الباب يندفر وسيف يكولي فتحي

غزل.والله ماافتحة

سيف.فتحي وكسري الشر
ماما وخالة يكوللة الغلط من عدكم ليش دخلتو

سيف.لج عمةة بس بتج جانت مصلخة وكلهن راحن بس الصلفة بقت تباوعلي روحو روحو بس احاجيهة روحو

غزل.خفت من سمعت كلهم رجعو يشتغلون وعافوني

سيف.فتحي الباب مااسويلج شي