انتقام يراوضه عشق قصه رومانسيه

انتقام يراوضه عشق

البارت الثانى
بعيدا عن الانظار فى مكان هادى جدا يجلس تلك الاثنان
شخص ١: ها عرفت اى اخبار عن اللى قولتلك عليه
شخص 2:اللى وصلنى ان اشرف الريدى هيشارك عيله الردينى فى عده مشاريع كبيرة
ورضوان الريدينى بيجهز لحفله كبيره اوى الاسبوع الجاى وهيوقعوا العقود
شخص1: اه منا برده بقول جاسر الردينى ميقعش الا واقف بس على مين انا وراه والزمن طويل وهاخد حقى منه بأى تمن
اسمع اى تفاصيل جديده تبلغنى بيها فورا واما نشوف حكايه سى أشرف اللى ظهرلنا فجأه دا هيوصل معاهم لفين ظهوره دلوقتى هيعطلى حاحات كتير
شخص 2:حاجات ايه دى
شخص1:انت هنا متسألش انا بس اللى أسأل وانت تجاوب وتنفذ اوامرى ولو تعديت حدودك مره تانيه هدفنك مكانك فاهم
شخص 1:اوامرسعاتك يا باشا
شخص2:غور من وشى انت دلوقت

فى شركه الردينى يتحدث رضوان لابنه جاسر
عارف يا جاسر شراكه اشرف معانا هتفيدنا كتير قوى وهنعمل من وراه شغل كتير جدا من غير ما يعرف دا كفايه بس المخازن بتاعته ومساحتها هتفيدنا فى تخزين البضاعه اياها
جاسر: طب افرض اكتشف البضاعه دى فى يوم هتقوله ايه
رضوان بضحكه صاخبه: هوا مين اللى يكتشف انا هخزن البضاعه دى وسط بضاعه الشركه وهعلمها ومش هتخرج ولا هتتسلم الا وبضاعه الشركه خارجه علشان نبقى فى المدارى فهمت يا ذكى
جاسر: فهمت يا بوص دا انت دماغك دى متكلفه ومزاجها عالى قوى
يدخل حازم فجأه بشخصيته المرحه هوا مين دى اللى دماغه متكلفه ومزاجها عالى
جاسر: دماغ ابوك يا سيدى
حازم بصحك: طب كويس انك عارف انى سيدك ويمد يده لجاسر خد يلا بوس ايد سيدك
جاسر بضيق حازم انت عارف انى بضايق من حركاتك دى ونبهت عليك مليون مره بلاش الهزار التقيل دا
حازم بمرح: صدق انك قفل ودمك هوا اللى تقيل
جاسر بضيق لاااااا انا هخرج احسن ما اعمل شئ يزعلك
حازم بضحك انت طول عمرك زعلان حتى من نفسك
رضوان: وبعدين معاكوا انتوا الاثنين احترموا وجودى
حازم: سورى يا كبير انا بس بهزر
رضوان: خلصنا قولى الدعوات اتوزعت ولا لسه
حازم بضحك كله تمام الدعوات وصلت لكل اصحابها مش ناقص بس غير دعوتى لانى معرفش الحفله امته وفين
رضوان: اهو دا اللى باخده منك ضحك وهزار وبس
حازم: مش احسن ما اسكت ويطقلى عرق زى واحد صاحبنا وتتعلى ضحكات حازم ليخرج جاسر من الغرقه طارقا الباب خلفه بصوت مرتفع
فى المزرعه عند ياسر
ياسر:ها خلاص نويت ترجع القاهره يا خالد
خالد: ايوا يا حاج ادعيلى ربنا يوفقنى واحقق اللى بحلم بيه
ياسر:ربنا يوفقك يابنى ويكتبك فى كل خطوه سلامه
عند نشوى مش كنت تقعد كمان يومين يا خالد ملحقتش اشبع من يا بنى
خالد:الود دودى اقعد جنبك العمر كله يا ماما بس اعمل ايه دا شغلى ومستقبلى
نشوى: طب خلى بالك من نفسك وكل كل الاكل اللى جهزتهولك علشان يرم عضمك
خالد: والله ما كان ليه لزوم تتعبى نفسك الاكل موجود فى كلى مكان وانا يعنى هغلب يا ست الحبايب
نشوى: تعبك راحه لقلبى يابنى ياما نفسى افرح بيك واشوفك فى بيتك متهنى مع مراتك وولادك حواليك
خالد: قلتلك يا ماما بلاش نفتح سيره الموضوع دا تانى
نشوى: ليه يابنى انت هتفضل تحبها كدا كتير وهيا بتعتبرك اخوها عمرها ما فكرت فيك الا اخ وبس
خالد: وهفضل احبها عمرى كله انا ودى ترجع تعيش معانا تانى لجل عيونها ما تفارفنى
نشوى:وهوا دا السبب اللى مخليك متجيش تعيش هنا وعايز تكون جمبها هناك
خالد:ليه يا ست الحبايب بتقلبى عليا المواجع بس
نشوى:عايزاك تفوق يابنى مليكه مش ليك ولا عمر ابوها هيرضى يجوزهالك ما انت عارف
خالد:قفلى على الموضوع دا يا ماما دلوقتى يلا اشوف وشك بخير
نشوى:لا اله الا الله
خالد:محمد رسول الله