#احببتك_انت
#جيانا
.
.
.
نزلت البارت لان شفت المشاهدات ال7 زينه نسبه للبارت القبله .... سو 😀 نكمل 🔥
غيداء ...
محمد كال رح يجون و طفرت غرفتي ارجف
افكر باكرم ، حسيت خنت الوعد اللي نطيتياله
وعدته ما صير لغيرة
لازم اخربها الخطبه اليوم
مستحيل اخليها تكمل
صعدت وياي أسماء بدلت و خلتلي مكياج هادئ
حبيت شكلي شون صار
واني وجهي ناعم طفولي شوي
و ذوق اسماء بالمكياج كلش حلو بسيط
جهزتني و راحت لغرفتها تبدل و ترجعلي تخلي مكياجها
بقيت افكر شنو لازم اسوي و اخربها
تالي استسلمت ، و وكلت أمري بيد الله سبحانه
هو يوكف وياي و يعرف اللي بكلبي شنو
اجت اسماء خلصنه و نزلنه شفت محمد و مرته جوة ، حبيت اناقه سارة كلش
اليوم عرفت سارة شكد بسيطه وهي اللي تستحق تكون زوجه لمحمد اكثر من رنا
حمدلله أللي اليوم مموجودة جان سوتها علينه عزة لو تعرف رح انخطب وهي بعدها تنتظر اخويه
محمد باوعلي ودار وجهه ، اني هم محجيت
شوي واجو واني بالمطبخ ارجف ودمعتي بعيني
دخلت سارة .«يلا حب ، ندخل العصير»
باوعت بعيونها ودموعي تريد توكع
اجت يمي بلهفه .«شبيج دودي ليش الدموع»
غيداء .«ماريد افوت فدوة سارة»
وكعت دموعي بعد ما تحملت حضنتني حيل
سارة .«ليش البجي روحي ، وج والله خوش ناس و من رح تدخلين ترتاحين من تعرفيهم»
غيداء .«سارة أكرم بداخلي والله حرام اخونه»
سارة .«روحي دخلي ، واذا حسيتي انه حرام طلعي و اني اللي اوكفلج ما خليهم يجبروج»
غيداء .«حلفي سارة ، حلفي انه تمنعيهم»
سارة .«و غلاة محمد عندي امنعهم»
حجت بجديه تشجعت شوي
مسحت دموعي و عدلت المكياج شوي
اخذنه الضيافه و دخلنه
منزله عيني و قدمت العصير و ورايه سارة
و صلت يم مرة صلت على محمد و كالت رفعي راسج يمه
رفعت راسي ونصدمت ، خاله ام اكرم كدامي
بقيت صافنه عليها التفتت لسارة شوي شفتها تضحك
و كعت دموعي و ضحكت بخجل
ام صادق .«جايه اخذج لحبيبج بعد شكو هالدموع يمه»
امي .«ههه يا ام صادق هو صار حبيبها قابل»
اسماء .«يلا غيداء كملي»
ام صادق .«مرت اسامه عرفناها ، هاي الحلوة منين .. بنيتكم الثانيه»
امي .«اي هاي هم بنيتي»
ام علوان .«عجل رح نخطفهن ثنينهن منكم»
ضحكت لان امي مفهمت قصدها يخطبون سارة
لو محمد يعرف يموت غيرة
غيداء .«يمه وضحي انه هاي چنتج الثانيه»
ام صادق .«يا چنه ولج ، قصدت هاي الحليوة مو مرت اخوج»
سارة تضحك بخجلها على الصامت
امي .«هههه ، هاي سارة مرت محمد»
ام صادق .«يا فدوة ، حمودي تزوج ، ازاعله هسه لان ما كال و ولا حجه»
امي .«هههه ، لا والله بعدهم خطوبه بس عقد لان يسافر خارج العراق دراسته
يكلي بس اخليها بإسمي حت ادرس واني مرتاح
هاي كل ما يجي يلا نشوفها»
YOU ARE READING
احببتك انت
Romanceالقصه باللهجه العراقيه تفاصيل بين ثنايا الحب ايهما انت منهم ؟؟ دائما نسمع ، زواج التقليدي مو ناجح لان ماكو تفاهم مثل ما نتزوج عن حب وزواج الحب مو ناجح لان بعد الزواج يموت الحب وهيج الحب اندثر بين هذا و ذاك وشنو اللي رح يصير هنا ، زواج تقليدي ي...
