احببتك انت

🙋

صباح العافيه عليكم 💙

شلونكم حبايب قلبي
مشتاقتلكم و للروايه كلش 💔

طووووولت اعرف
بس مثل ما ذكرت بالتعليقات للبعض
سارة مختفيه جانت
لسه متأثرة بوفاة والدها الله يرحمه 😞

بارحه وأخيرا من بعد غياب اتصلت
كدرت احجي وياها و اخذ اخبارها
و الحمدلله صارت احسن شوي رغم تعبها

ارسلت شكر لكل اللي قدمولها التعزيه و ترحموا لوالدها

و صراحه خجلت اكوللها على القصه شوكت نكمل
بس هي فتحت الموضوع وكالت انه تحاول تستجمع نفسها و نكمل الختام بدون اطاله اكثر بسبب وضعها

اكو هواي امور بعد مموضحه بالروايه
من ناحيه الابطال كلهم

احس اكو خربطه تصير اذا ختمتها بسرعه
بس ما بيدي شي ، يعني هي طلبت

اكو اشخاص من المذكورين بالقصه
طلبوا احذفها للأسف
صار يومين اني على مجادله وياهم 😬

يعني اتصال سارة البارحه انقذني جديا

ابد لا تتوقعون انه تاركتها و مطنشتكم
اعرف انه دتنتظرون الأحداث
واعرف انه تأخرت بس صدقا مو بيدي

و لأنها روايتي الأولى
ما اعرف بهيج امور شلون لازم اعالج الموقف

الروايه نجحت بيكم و بحماسكم
انتظاركم الها جد يعنيلي هواي
احس انه الخطوة هاي من قررت ادخل عالم الكتابه مو خطأ لان اكتشفت عندي قدرة عن التعبير و الحبكه و جان اندثرت لو لا تشجيعكم

شكرا من القلب لكل شخص ساعدني و دعمني بيها ، شكرا دائما 💙

و بالنسبه للي طلب مني احذفها
اعرف حضرتك متابعها و اعرف رح تقرة هذا البارت تحديدا
اسمحلي اكول انه انت مجرد شخص عابر بيها
ما كاشفه اي طرف من شخصيتك الحقيقيه غير اللي مخوله بكتابته من قبل سارة و محمد
انت تعرفهم حق المعرفه لهذا تفاهم وياهم

_______

نعرف كلنه اخبار كورونا 💔
و تزايد الاعداد داخل بلدنا 😞
ادعوا دائما انه الله سبحانه يصرفه عنه
هذي الاسبوعين هي المهمه
و ان شاء الله نكدر نتخطاه و نتخلص منه من خلال الإلتزام بالاجراءات الوقائيه و النصائح الطبيه و الأهم هو تواجدنا بالبيت

حضر تجوال و دراسه إلكترونية ممله 😭
سولفولي شمسوين بهالوضع هذا

بالنسبه إلي ، على وشك الانتحار من الملل 😢

المهم
ان شاء الله تنتهي هاي المحنه على خير
و تبقى بس سوالف نذكرها من نكبر
كونوا بصحه و عافيه
انتبهوا على صحتكم و قوو مناعتكم

بقه شهر لرمضان
ان شاء الله بحلوله تهل علينه الرحمه من العلي القدير و يغمرنه بلطفه و مغفرته

_______

طبعا ما نزلت هاي الجزئيه عبث 😁
رح انزل بارت اكيد
بس قليل مو مثل السابقات طوال
حت ما يبقى عدكم ملل

اتمنى إنه تعذروني
بدي اختمها قبل لا نستأنف الدوام
لان هم رح نرجع انتو دراسه
و اني تعرفون وقت دوامي للـ7 يلا ارجع 😩

ييييييه ما اطول اكثر و ادوخكم 😁
دمتم في رعايه الله 💜

الكاتبه : إسراء الخزرجي 😇