تناهيد إمراة

الحلقة السادسة

السادسة السادسة

مساء الورد 🌿

#تناهيد_امرأة

#بقلمـي_نشوى_السلطان ❤️

وانة صافنة قاطعتني لمار كالت همزين بقيتي عدنا
خطيه حسن لمو هوا جان مابقيتي هوا الي اترجة ابوج حتى تبقين كال ماخليها تروح للبصره مكانها هينه

سكتت ماعرف شجاوبها ياربي هي صديقتي واختي وهذا الانسان شديسوي وشيريد مااعرف

طبت سرور عمتي صاحت عليها .. وكفت يمها اسمعها اتكول الها ليش جتي ليش ... تريد تموته يعني

سرور بقت ساكته ماردت واشرت العمتي بالمعنى سدي الحجي بعدين ... حسيت اكو شي انة ماعرفة ...

وانة صافنة همووووم الدنيا كلها براسي ...
ومرت الايام ... الي ماشوفها تمر ولا تمشي ...
اقترحو عيالي انو تكون غرفتي فوگ حتى اخذ راحتي واني بالعدة

بقت الاخشاب جوه على حطتها جابولي كنتور صغير وسرير للطفل
وسرير الي .. صعدت ملابسي وملابس النونو وانتقلت للغرفة الفوك
صحيح ماكو بيها مطبخ ولا شي بس جان اكو يمي حمام
اقلها اكدر اطلع براحتي بدون النقاب .. بقيت انزل من يطلعون الولد للشغل ومن يرجعون اصعد .. حزني جان مرافقني رغم شكد
جان وسام طيب ويايه اهله جانو اكثر .. حيل حبوني وداروني
بطني كبرت .. صار شكلي يضحك عبالك طوبة
سمنت ورمت .. بس مع هذا حابة شكلي وجنت اتمنى وسام عايش
حتى يشوفني ...

لمار اخت وام وصديقة وكلشي .. صارلتي ماانسى وكفاتها ابد
كلهم موافقهم حلوه ويايه .. بس لو باقي وسام جان حسيت نفسي بجنة بس الله قاسم النه هيج ...

جانت الساعة 11 الا ربع بالليل ... بتاريخ ٩/٤/٢٠١١
صار عندي الم بده من التسعة ... بالليل
يروح ويرجع .. بطني احسها حجاره .. اريد انزل مااكدر
احس بمغص .. كل شويه افوت للحمام ..
واطلع ياربي شلون بية .. انه شجرالي ..
مشيت باوعت من فوك الدرج البيت هدوء
عمتي اكيد نامت هسه ... طبيت للغرفة تمددت شويه
ماكدرت الوجع ديرووح يرجع .. سحبت التلفون
اتصلت على زهره ... ماردت ذبيته ورجعت كعدت نفسي
ماتحمل بعد شلت حجابي لبسته ..
وجان يدك التلفون .. اي هاي زهره ...
باوعت بس رقم .. منو هذا الرقم والله خبلني ليش يتصل كل فتره ويكطعه .. ذبيته وكمت الوووجع زاد احس روحي تريد تطلع ..
لزمت الحايط واني اتوجه ايدي على بطني وايد الثانية عالحايط
ماتحملت الالم كعدت بالكاع وجان يندك الباب ..

* زهره بنين كاعده .. وينج متصله عليه مالحكت ارد

كتلها زهرررة فوتي تعاي ...