تناهيد إمراة

االحلقة السادسة عشر

الحلقة السادسة عشر

تناهيد امراة
بقلمي نشوى السلطان

رحت الغرفته .. شغلت الاناره طلعت البطانية
ورجعت طفيتها وطلعت امشي

والاغنية بعدها مشتغله.. مشيت على كيفي وانه خايفة
وصلت يمه صافنه عليه وهو نايم مدد بالدشداشة
كلت خطيه اتعذب من ورايه بسبب حسن.. اريد اغطي
وخجلانة رغم هو نايم .. ماعرف شلون تجرأت
مديت البطانيه عليه غطيته وانه مستحية وارجف
بدون ما اباوعله .. مديت ايدي اريد اخذ تلفوني
وجان يلزمني من ايدي وسحبهااا علية

فزيييت وانداريت عليه وانه بدون حجابي..
اثنينه سكتنا .. باوعلي وهمس

شكو جاية وتغطيني الي يشوفج يكول مهتملي
وخايفة علية..!

سحبت ايدي وهو وخر ايده كتله انه شفتك
بدون بطانية والجو بارد كلت اغطيك
احاجي واعدل بشعري وانه خجلانة

لا تخافين عليه .. روحي نامي

انت راح تنام هنا ..!

ليش يهمج وين انام.. ....اني انام مالج شغل شال التلفون وكتم صوت الاغنية ..

كتله اي براحتك .. شلت تلفوني كتله راح اخذه

باوعلي وكال اخذي .. وسدي الباب وراج

ماشي ... اخذت التلفون ومشيت  وصلت العتبة الباب
جان اعثر بالزولية .. بسرعة عدلت نفسي
من الفشلة بودي افوت اركض

صاح الله الله .. ها شجاج يمعودة..!

انداريت عليه وانه وجهي احمر كتلة عثرت ..
.. ابتسم وكال سهلة
انه خجلت وطبيت اركض الغرفتي  

وقفلت الباب علية وگلبي يدك يدك ...
لزمت كصتي نااااار .. جسمي يرجف انه شطلعني
شوداني عليه هسه ليش داغطي اصلا ..
امددددداج بنين امدااااج الا تجفصين 
امشي رافتر بالغرفة متوترة ...

باوعت عبدالله كعد ... اريد ارضعه ماكدر
سحبت الترمز والممية سويتله خليتها بحلكة
ورجعت تمددت .. اخذت التلفون .. باوعت الساعه
ورجعت خليته .. تمددت بفراشي.. وتذكرت.. 
عزه شكد عيب طلعت بدون شالي ..
هسه حتى لو انه خطيبته بس عيب شيكول علية
رايحة يمه بنص الليل .. والشعر طالع .. اوووف انه خبلة
اي والله ادري بنفسي الا اجفص  ابتسمت
تذكرت العركة اجت على بالي زهره ام الاكشن ..
ضحكت .. وانه افكر بالمشكله وبعمتي مادري بنفسي نمت..