စတိုးဆိုင်ကို ဖြတ်လျှောက်သွားပြီး customers အချို့အား နုတ်ဆက်ပြီးလျှင် ဝန်ထမ်းနားနေခန်းသို့သွားကာ သူမ locker အားဖွင့်လိုက်ပြီး သူမ၏လက်ကိုင်အိတ်အား ဇစ်ဖွင့်လိုက်၏။ ထို့နောက် အသံမြည်နေဆဲဖြစ်သော သူမဖုန်းအား ကောက်ကိုင်လိုက်ကာ
"ဂျိတ် စပါ့ခ် ။တော်သေးလို့ ဂျိတ် သမီးလေး ဖုန်းကိုင်တာ ဘုရားသခင်ကို ကျေးဇူးတင်လိုက်တာ "
ဒါကတော့ သူမ၏မိခင် ထူးထူးဆန်းဆန်း ကယောင်ခြောက်ခြား အော်နေခြင်းဖြစ်၏။
" သမီး ခုချက်ချင်း အိပ်ပြန်လာမှရမယ် ။ ရဲတွေ ဒီမှာရောက်နေတယ် ။ ပြီးတော့ သမီး အဖေ…"
သူမ အသံမြှင့်ကာ စူးစူးဝါးဝါး အော်ပြောနေသောကြောင့် ဂျိတ် မည်သည့်စကားလုံးမျှ နားမလည်ပေ။
"ကျေးဇူးပြုပြီးတော့ ဒီမှာ သမီးကိုလိုအပ်နေတယ် "
သူမ မည်သည်ကိုမျှ နားမလည်ပေ ။သို့သော် သူမမိခင်၏ ပုံစံကိုကြည့်ခြင်းအားဖြင့် သတင်းကောင်း ဖြစ်ဟန်မရှိချေ။
ထို့ကြောင့် မေးခွန်းထုတ်နေမည့်အစား သူမ ဖုန်းချလိုက်ကာ နီယာ အား စတိုးကို အခြေအနေ ကြည့်ထိန်းထား စေလိုက်သည် ။ ကလျာနှင့် မယ်ရီ တို့နှစ်ယောက် သူမ မရှိသော်ငြား အဆင်ပြေမည်ဟု သူမ ယုံကြည်သည် ။သူမ ကားရပ်လိုက်သည်နှင့် အိမ်ရှေ့တွင် ရဲများ သေတ္တာများနှင့် အဝင်အထွက်လုပ်နေသော မြင်ကွင်းက သူမ မျက်စေ့ထဲသို့ ဝင်လာ၏။ သူမမိခင်သည် ဘေးတစ်နေရာတွင် ရပ်နေပြီး ရှပ်မင်္ကျီဖြူနှင့် ဂျင်း ကို တွဲဖက်ဝတ်ဆင်ထားသော လူတစ်ယောက်နှင့် ငြင်းခုံနေပုံရသည်။ ထိုသူသည် သူမမိခင်၏စကားကို လက်ပိုက်ထားလျှက်နှင့် နားထောင်နေ၏။ ထိုသူသည် နေကာမျက်မှန်တပ်ထားသည့်အတွက် ထိုသူ့မျက်နှာ ချွေးပျံမပျံကို သူမ သဲသဲကွဲကွဲမမြင်ရပေ ။
ဂျိတ် ထိုသူတို့အနား ရောက်သွားသည်နှင့် နေကာမျက်မှန်တပ်ထားသောသူက လှည့်ကြည့်လာသောကြောင့် ထိတ်လန့်မှုအနည်းငယ်ကို မနည်း ချိုးနိမ်ထားလိုက်ရသည်။ သူမ၏ မိခင်သည် ထိုလူက သူမစကားပြောသည်ကို အာရုံမစိုက်သောကြောင့် ထိုသူ့အကြည့်အတိုင်း လိုက်ကြည့်ရာ ဂျိတ်ကို တွေ့မှသာ သက်ပြင်းချနိုင်တော့၏။
YOU ARE READING
The Billionaire's Revenge (Myanmar translation)
RomanceI do not own any of this story. I am just translate it. The original story is written by author. -SHAFIRA SARDA- and published by moboreader. Ok! Thanks. Let's enjoy it . 😉