بيت جبر

بيـت جبـر ٣

مسـاء الخيـر والعافيه عليكم

شحچيلك تغيرت وإتخيل الانجآز
ذكروك يمي وگمت ،
حسيت بـ إشمئزاز !

للكاتبـه ؛ زيزفون

حبايبي لو كل واحد بيكم تعلقـون ١٠ تعليقات هم نوصل لاكبر عدد ممكن فضلاً وليس امراً🤍
__________________________

القلـم عنـد ايلول جاهزين حته تتعرفون عليهه اكثر؟

اسمـي ايلول تسميت بهذا الاسـم لسبب ولادتـي بهذا الشهـر

من سكنه محافضـه الموصـل ابويـه دكتور و امـي دكتوره اغلب وقتـهم بالعيادات ماجنت اشوفهم هواي بس جانوا موفريلي كُلشي ، عندي اخوان ثنين بكنـدا مسافرين و مستقرين هنـاك وجان المخطط الي عند الاهـل اكمل دراسـه واروح لكنـدا حته يأمنولـي حياه احلـه

بصراحـه اني كلش اعارض قرارهم وماقبـل بي لان اني كُلش عراقـيه و ع كوله فرس عراقيه عميقه وحيـل متعلقه بالعراق واحب كُل تفاصيلـه

بنيـه عايشه حياتهه نفس ما تريـد ماكو احد يحاسبهه
وين رحتي
وين اجيتي
شراح تسـوين
ليش لابـسه هيج
لتصرفـين هذا التصرف ...اللخ

حيـاتي جانت جدا مثاليـه لهواي ناس يشوفوني
كُلشي متوفر اليه لذالك اني كُلش احب العـراق وما عانيـت لوجودي بي حته من صارت احداث العـراق ابتعدنه عن الموصـل شكم سنه رحنـه لبغداد وبعدهه رجعنـه بدون عذاب جبيـر ، ومع ذالك فرس صديقٌه طفولتي هنانه ف مستحيـل افكر اتركـه ، انـي اسافر بين فتره وفتـره بس مستحيـل اتركه واستقر ب غيـر بلد ابـداً ..

ابويـه من نوع الي كُلش يحب العلم جان عنده طموح ادخـل كليه الطب بس اني جان تفكيري كُلش بعيد عنهم اني انسانه بسيطه حيـل مع انو اهلي عكسي تماماااا ..

احـب البساطه واحب اختـلط ب اي نـاس وبفئه من  دون اي تردد ، اهلـي مسيحيين الاصل بـس بابا معلن اسلامـه هوه و امـي من استقروا وحدهم ولدت مُسلمـه سنيـة المذهب

عشت واني مامحتاجـه لشي غير الاهتمام!
اهلـي ماجانوا معتنين بيـه ابدا !
ماجانوا موفريلي الاهتمام الي المفروض ينطوا الي !

من و انـي صغيره جنت اشاهد كميـة خلافات كبيره بين امي وابويـه ، وحفاظاً ع سمعتـهم ما اطلقوا ، جنت مرات اسمع ابويه يكُل لامـي اني خلي اطلكج وكافي اني ما الـي عيشه وياج بـس هي تكُله اني ماميته عليك بس سمعتي وسمعه اولادي اهم شـي عنـدي ومستحيـل اخليك تخربـها ..

ماجـانوا يدرون انُ هاي المشاكل هي الي راح تخرب حياتنـه كلهه وراح تاثر ع شخصيتنـه هواي ، جنت اكول لو منفصلين احسن مما يضلون هيج ويخلونه كل يوم نشوف هل منظار المرعبه الي تصير بيناتهم بالعرك