بيت جبر

مفاجئ/بيـت جبر ٢٢

عذر تافه للامانة
‏يعني شايف انشغالي
‏سبب مقنع للخيانة !

‏زين گلي
‏اكو شي موحلو بية ؟
‏غيري چان اكثر حنانة ؟

‏زين سولفلي على گلبي
‏بالصغر ماعلموك التاخذة
‏ترجعة لمكانة ؟

بيـت جبر
للكاتبـه : زيزفون

يلـه يحلوين الف تعليق الف تصويت انزل بارت مفاجئ
___________________

خابرت اميـر كلي ماعدي محاضره اجانـي شاف حالتي انرعب خَطيه ضليت الوصهه عليّ واكله شوي تعبانه ومالي خلگ

راد ياخذني للمستشفى گتله لا اريد للبيـت
وصيته م يخابر بابا ولايكله
كتله بس شوي محتاجه نوم

ذبنـي بالبيت وانـي ماعاولت اوصـل للبيـت
ذبيَت روحي وصرت ابجـي حيللل وبكُل قوتـي

أحس روحي مادري شجنت اسوي

كمت اكسـر بكلشي بالبيت
مافتهمت شنو جاي يصيـر ويايه بس احس روحي انهاريت
وهنا اكتشفت انـو خَلص دور شمس القويه
وجان لازم انهـار بهاي اللحظه بذات .

ماحَس تمالكت عقلي ابـد وماعرفت للي اسوي
اذكر ب كلامـه و افقد اكثر

ضليت املـش بشعري حيَل واركع براسي بالحايط من ذون ماحس وبكُل قوووتي واصـيح

ليششششش ليششش هيـج ياربيي ليششش

لمـن حَسيت روحي فقدت
وتعبت من البجـي والصايح
وبعد ماكدر حته احجي وصوتي انبـح

گعدت بالگاع ودموعي ناشفات وماعرف شحجـي ولا اعرف شكول

أحس خسرت خسـاره جبيره
بعمـري ماحسَيت بهل بشاعه

ياريتني ما لاگيتـه ياريتـه مات ياريتنـي متت ولا صـار هالشي ياريتني ما اجيت لهنـا ياريت ما صار كل هل شي

اجه بابا من الدوام وجَنت متخبـله
نفس الطفل الصغيـر حضنته ورجعت لحالت التعصيب مالتي

ضـليت اصـيح وابجي حيَل واني حاضنتـه

ابويـه تخبل راد يعرفني شبيـه ماحجي احس كلام مايطلع مني بس ابجـي حيَللل

اخر شي كمت احس بنفسي ماسيطر ع روحي جسمي برررد حيَل صاررر ثــلج وجسمي صار يرجف حيَل

وكعت بالگاع نفـس الانسان الي بي صَرع
وصـارت وياي نَوبه عصبيـه قووويه

ماحسَيت بشي غير انيَ بالمستشفى

فتحت عيـوني لگيت يمـي شاب واميـر
ماجنت أحس بروحي ابد واحس روحـي خدرانه واني احجي

باوعتله وگتلـه

ويـن محمد اريـد محمـد

بـ اثناء ماحجيت راسا طب بابا