من يصعب عليه البُكاء،يصبح كاتباً...
#انا والمشـّوه ،
_______
شمس، شايفين اصعب شعور يأمر بيه الإنسان... هَو الفراك!
فراك ، او المـوت ! وجهان لعمله واحده... الموت شعور صعب
يخليك واكف بنص طريق نص جسمك ويـه الرأح والباقي وياك...
وسوالفه وحجايته ، وضحاگته ، وضوجته واخباله، و....روحه
ذني ويـاك يأكلن ويشَربن.. متكدر ترتاح ولا تكدر تنساه...
وطريق مراح ينتهي راح يبدي من يروح ويترگك...وحيد
مخذول حزين، تعيس، وروحك تصارع لتعيش....والندم يأكلك ويآكُل كل قطعه من روحـك.... راحت زهراء وتركتني وحيده
بين عالم ما ترحم ومصيري مجهول لحد هسه... من كعدت لكيت نفسي على كرسي كاعده اديانتي مربطه بقوه وسـادين عيوني .. وما اشوف شيء... حاولت اصرخ او ابجي! بس مكدرت وكعدت ساكته منتظره زهراء! تجي تاخذني وياها.. لو اكعد من الحلم! اكيد اني بحلم مو؟! لأن مو واقع هذا .. اي مواقع ابداً هسه تجي ماما وتگعدني... من نومي... حتى اروح لجامعه واشـوف زهراء..
ونتريك ونضحك ونسـولف... اي هذاً كابوس شمس وهسـه ...
تگعدين منـَه.... لدقايق مرت واني كاعده منتظره الفرج من رب العالمين حتى اكُـعد... بس اجاني اصواتهم! وصوت باب ينفتح ...
سكتت حتى اسمع كلامهم....
-هسه انت الإ تگتلها!! وتخلينه نحير بجثتها؟! لو بايعينهاً؟ اقلها اجتنه شـده ،
هذا صـوت صبا! شنو قتلوها! اكيد حلم ههههههه اي حلم!
هسه تكعدين شمس، هسه تكعدين! احَس بدموعي تنزل...
(ردت اخوف الثاني وطلقه اجتي غلط برإسها! قابل متعمده كتلتها!وبعدين انَـي حتى ما لمست وحده منهنّ علمود الفلوس وتعرفين البنات بعدهم فلوسهن ذهب بس خرب الحظ ما اجتي عدل بعد!) رد ثاني وكدرت أميز صُوته هذا نفسه الولد الضربني وهددني!
لا تصدكين شمس هذاً كـابوس، راح تكعدين هسـه! كله حلم هالشي
- يمعود هسه احتارينه بجثتها وربك ستر ومحد بشقق الثانيه .. وكدرنه نذبها يم باب بيتهم! وعدت على سلامات وترآ هاي اخر مره اجيب بنات من جامعه تعرف كُـلش زيـن ، السمعه عليه
والمدير هم ضل يخاف والفلوس مصارت تنفع ويـا لو شدأت ندزله!
هذا صوت صبا! بلعت ريقي واني اسمع كلأمهم ( هسه عوفج من هالحجي كوليلي شسوي بهآي!؟ اخابر ام فاهد واگلها بعدهي بنيه
وتنفع هـوايه!) هذاً القذر شديحجي!! وين زهراء! اني بحلم اي
انت بحلم شمس هسه تكعدين... اختنگت ومكدرت اتنفس زين
واني احـس بدموعي موگفت لحظه ... شنو يعني مراح اكعد! وين امي وين زهراء!!!! ( لا مو أم فاهد اكـيد، باجي حنان كالت ، لدول اوربا ويـه البنات الوجبه الثالثه ، مال خطف، لان هاي اعرفها زين مو مـال خليج ) شدتحجي هاي !!
- وشعجب مو تصدير للخليج!؟ لو تغارين لأن كلهم طاكين وامراء
ما تريدينها تعيش بالقصور ! ودزينها لدول العذاب والغرف السـوادء!؟
أنت تقرأ
انَـا و المشّوه
Fantasyالتجارة بالنساء ، بيع الاعضاء جسديه، وابتزاز الأكتروني، وحباً في الغربه! يجتمعنّ في ( انا والمشوه ) بالهجه العراقيه..... "ممنوع سرقة الافكار ، وأي حـرف من روياتي ، اللهم انَـي بلغت "
