فراشاتي والزمن (مكتمله)

البارت 27

مساء الخير أحبتي
أتمنى لكم قراءة ممتعة

بقلم : زهراء البياتي

نور.. حجيت كولشي لهدى وهل مره صدك مجذبت ولا حرف راحت واخذت التلفون وياها
واني بقيت بالغرفه ابجي وافكر شحسوي معقوله تكول لماما لو لارجوان لا لا لو كايله لارجوان جان هسه ارجوان فوك راسي
اوووف منين اجاني هذا جعفر صوجي اني ليش قبلت الهديه ومشمرت التلفون بوجها الله ليوفقج سناء على هل ورطه الورطتيني بيها

ارجوان..فتحت عيوني بلكوه ومديت ايدي اتلمس اريد اخذ التلفون لان ديدك
ضليت اتلمس وسمعت صوت وكعه بسرعه هنا فزيت عطت ورحت ادور على التلفون شفته واكع جوه الجربايه ردت ابجي من شفته واكع وعلى الشاشه يمه حبيبي سوده عليا
اخذته وكمت امسح على الشاشه
وشفت حوراء داكه علي مرتين ورسايل منها من الفايبر
فتحته وشفت كاتبتلي
..ارجوان دادك على ماما متجاوب المهم اريد ابلغكم اني وعمر بالطريق وجاين الكم
كولش فرحت من قريت الرساله كمت شفت نفسي لابسه دشداشه بدلت ولبست بجامه وعليها رسومات مال ميكي وفتحت شعري وحطيت حمره وردي
مادري ليش داهتم بنفسي هلكد بالبيت او ادري داسوي هل شي حته اجذب انتباه علي بس ماريد اعترف لنفسي بهل شي

نزلت جوه وشفت ماما كاعده بالصاله ويمها بابا وعمو حسن هم سلمت عليهم وكعدت يمهم
نهى..نمتي هوااي شينيمج بليل
..جنت نعسانه شسوي صدك حوراء هستوه دكت علي
نهى..صدك شبيها بيها شي
..لا لا مابيه اي شي بس هيه وعمر هسه بالطريق وجاين
حسن..هلا بيهم البيت بيتهم
نهى..يا يمه وهسه تكوليلي
..ليش شكو هسه قابل
نهى..غير من وكت تكوليلي حته اسوي الاكل التحبه اووف منج ارجوووان بقيتي نايمه ومكلتيلي خل اروح اسوي عشه والاكلات التحبها هاي اخر مره هيج تجين متأخر وتكوليلي
رزلتني ماما وراحت للمطبخ حته مخلتني افتح حلكي واكللها تره هستوني شفت الرساله

حسن..هههههههههه امج خوش رزاله رزلتج
ارجوان..اي والله عمو هههههههه بعد ماما من تنفعل ترزل وتلوم
حسن..شلونج
ارجوان..الحمدالله زينه عمو
حسن..خو ما علي ديضوجج
..ههههههه لا مديضوجني
حسن.. انتي بنيه حلوه و ماشالله مناقصج شي
خجلت من كلام عمو وصرت اباوع على بابا ونضراته علي وعلى عمو جانت تتحرك
حسن..شوكت ناويه انشالله تتزوجين ونشوف جهالج بحضنج
يبوو يا كاع انشكي وبلعيني اني استحي بهيج مواقف شجاوب وخاصه عمي بلعت ريكي
..بعد عمو يعني مو هسه
حسن ..ليش
..مادري يعني بس يعني شسمه هاي اه بعدني صغيره
حسن..ههههههههههههه بعد عمج شو وجهج صار احمر الله يعين البالي شلون حيتحملج
..شنوو
حسن..هيج بويه هيج
هزيت راسي ورحت يم بابا ولزمت ايده وبستها و بابا يباوع علي ويبتسم
كمت افكر بكلام عمو شنو قصده الباله ليش عمو يعرف بعلي؟؟؟

حوراء..كولش فرحت من عمر كلي نروح لاهلج صارلي هواي مشايفتهم لا ومو بس اروح وارجع هم ابات يومين كلي
وصلنا للبيت ونزلت وجسمي متكسر من وره الطريق
حته بطني ضلت توجعني
اتلكتني ماما من الباب وهيه فاتحه ايدها رحت شمرت نفسي بحضنها وكمت ابوس بيها وهيه هم اوووف شكد مشتاقتلها جنت ماكو نفس حضن الام محد يعوضه
نهى..يمه بنيتي يمه افييش يريحتج
حوراء..حبيبتي ماما اخذت ايدها وبستها
هدى..هلا هلا بحوحو
حوراء..لج هلا تعاي اخذتها لحضني وكمت ابوس بيها
وارجوان اجت نفس كل مره هيه و جمالها
سلمت عليهم كلهم وطبيت بوست بابا ومن شفته بعده على الكرسي مكدرت اتحمل دموعي نزلن
بس بسرعه مسحتهن حته ليحس وينقهر