❤❤❤❤❤
فرقٌ كبيرٌ بينَ ما نُخفي ونُعلِنُ
في العواطفِ ، والعواصفِ ، والأرَقْ
حتى السكوتُ حبيبتي
لغَةٌ تُعبِّرُ في الهوى
فإذا سَكتْنا ..
فاعلمي أنَّا على وَشْكِ الغرقْ*******
لا تَحسَبي أن الكلامَ حبيبتي
لغةٌ تُدارُ بعالَمِ العُشاقْ
فالصمتُ مِن لغةِ الهوى
وبها يَبوحُ العاشقُ المشتاقْ❤❤❤❤
*عبد العزيز جويدة
#####################
طلعت سارة من غرفة الضيوف اللي چانت گاعده بيهه وراحت للمطبخ، قبل لتدخل، سمعت كلام بين الخدم خلاهه ✋توگف...
راي : متأكدة تشبهه
جنى : لج هيه جيسيكا طبق الاصل اني ظليت صافنه اول مادخلت الغرفة وخاصتا العيون نفس اللون مع ان تصرفات جيسيكا ملكية
صبا: هسه عرفت ليش استاذ زين طردهه من الشغل: وليش برئيچ.
اخترعن البنأت من وجود سارة اللي دخلت وفتحت الثلاجة وهيه تگول.: اني ظلت افكر ليش طردني زين مالگيت جواب ب مخي
اخذت الفراولة وسكينه أشرت بيهه يم وجوهن فرجعن لوره بخوف : ليش يعني برئيكمتوترت جنى وگالت : احنه منعرف شي
اشرت سارة بالسكينه يم وجهه وگالت: سمعتج تكولين عرفت ليش طردهه، شاركيني رئيج... الظاهر اني اشبه جيسيكا لدرجة انهه مهمة بالنسبة إله...
راي: ست سارة جنى قصدهه...
صبا: اني راح اگلچ!
التفتت سارة على صبا: تفضلي...
صبا: الست كاميليا حذرتنه منجيب طاري هذه الموضوع لذلك اتمنه تسوين نفسچ ماعرفتي عالأقل من عدنه لا راح تطردنه إذا عرفت إحنه گلنه...
سارة : تمام مراح اجيب طاري الموضوع لأحد...
صبا : استاذ زين قبل شهرين كان عنده خطيبه وحبيبه بنيه طبق الاصل عنج، بالشكل أقصد...
سارة : وهاي البنية جيسيكا مو؟؟
جنى: اي بالظبط بعدين بيوم اللي عرض عليهه الزواج بشكل رسمي بعد علاقة دامت سنتين ونص... بنفس اليوم..
سكتت جنى فگالت سارة: خانته او هجرته.. كملي شنوو؟
راي: لا ست مو هيج، شي اقسه.. هيه ماتت
خلت سارة إيدهه على حلگهه: يااا إلىرحمة الله، شلون ماتت..
جنى: مثل مگالت راي بنفس اليوم وبالمطعم اللي كان عازمهه بيه حته يفاجأهه اجت جماعة ماعرف شنو همه وقتلوهه.. ومن ساعتها واستاذ زين صار غير شخص... تصرفاته واسلوبه بالكلام وكلشي بيه.
![](https://img.wattpad.com/cover/203365239-288-k143435.jpg)
YOU ARE READING
زين العابدين (باللهجة العراقية)
Romanceقصة تجمع بين ممثل مشهور ويتميز بغروره مع خبيرة تجميل قوية الشخصية و حكيمة و الصدفة حتمت انها تشبه خطيبته المتوفاة